POP 5

Lajmet më të lexuara të 5 minutave të fundit

Kronikë

Lobimi, nisin hetimet ndaj PD
verifikim pasqyrave financiare

Ekskluzive -  Prokuroria e Tiranës ka nisur zyrtarisht hetimet ndaj Partisë Demokratike për burimin e të ardhurave për pagesat e kryera për lobim në SHBA përmes një kompanie offshore. Organi i akuzës i ka kërkuar KQZ-së dhe PD-së për të parë nëse janë depozituar apo jo kontratat me vlerë 675 mijë dollarë për efekt lobimi në Shtetet e Bashkuara të Amerikës.  VIDEO 
Lobimi, nisin hetimet ndaj PD<br />verifikim pasqyrave financiare<br /><br>
Ekskluzive - Prokuroria e Tiranës ka nisur zyrtarisht hetimet ndaj Partisë Demokratike lidhur me kontratat e paguara për lobim në SHBA, përmes një kompanie offshore. PD dyshohet se nuk ka deklaruar shumat e shpenzuara për efekt lobimi dhe çështja e nisur kryesisht është marrë në dorë nga dy prokurorë. 

Organi i akuzës i ka nisur një kërkesë KQZ-së dhe Partisë Demokratike për dokumentacionin dhe pasqyrat financiare të deklaruara pranë institucionit të administrimit të zgjedhjeve si shpenzime të fushatës elektorale. Kjo kërkesë vjen në kuadër të verifikimeve që po kryen akuza e Tiranës për pagesat e kryera përmes një kompanie offshore në shumën e rreth 675 mijë dollarëve në SHBA gjatë kohës kur PD ishte në çadër dhe në vijim të fushatës elektorale të 25 qershorit.

Personi i parë që listohet për t'u pyetur nga prokuroria e kryeqytetit, është financieri i këtij subjekti politik, por ende nuk është përcaktuar dita se kur ai do thirret për të dëshmuar. Burime për Report Tv nga Prokuroria bënë të ditur se pas marrjes së dokumenteve nga KQZ dhe PD, do të shihet nëse janë depozituar apo jo kontratat me vlerë 675 mijë dollarë për efekt lobimi në Shtetet e Bashkuara të Amerikës. Prokuroria do kryejë hetime edhe sa i takon burimit të këtyre parave.  

Paratë e paguara nga PD kanë shkuar për kompanitë "Stonington Strategies", "Muzin Capitol Partners" dhe "Biniatta Trade LP". Pagesa për lobim në SHBA, PD ka bërë edhe gjatë kohës kur ishte në "Çadrën e Lirisë" përpara Kryeministrisë. Pjesë e pagesave të këtyre kontratave, krahas suportit politik nga DASH, ka qenë edhe mundësimi i një takimi të kryetarit të PD, Lulzim Basha me presidentin e SHBA, Donald Trump, takim ky i zhvilluar në një mbrëmje për mbledhje fondesh në Uashington vetëm pak ditë përpara zgjedhjeve parlamentare të 25 qershorit. Dy nga kontratat me "Stonington Strategies", PD i ka nënshkruar pak ditë përpara zgjedhjeve.

Shuma që i është paguar kompanive dyshohet të jetë bërë në rrugë informale. Hetimet e Prokurorisë nisën pas publikimeve në media të dokumenteve që zbuluan kontratën dhe pagesat e Partisë Demokratike në SHBA, gjatë kohës që ishte në çadrën përpara Kryeministrisë në Bulevard dhe dy javë përpara zgjedhjeve parlamentare të qershorit. 

 

 

 

 

 

Redaksia Online
l.q/Shqiptarja.com

 

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Ka nisur një fushatë dizinformimi', Policia reagon pas deklaratave të babait të shokut të Martinit: Kemi pamje filmike, nuk ka autor të dytë në ngjarje

'Ka nisur një fushatë dizinformimi', Policia reagon pas deklaratave të babait të shokut të Martinit: Kemi pamje filmike, nuk ka autor të dytë në ngjarje

24 Nëntor, 14:28