POP 5

Lajmet më të lexuara të 5 minutave të fundit

Sport

Lobimi për Tiranë 'Kryeqyteti Evropian i Sportit', Veliaj takim me kampionët: Do investojmë te 'Asllan Rusi' dhe 'Selman Stërmasin' e ri

Me qëllim lobimin pranë Komisionit Europian në Bruksel për t’u shpallur kryeqyteti Evropian i Sportit në 2023 Erion Veliaj organizoi një takim me sportistët elitarë të Shqipërisë. Nëse ia dalim kryebashkiaku i Tiranës premtoi investime të mëdha në infrastrukturë.

Në javën e tretë të tetorit Tirana do aplikojë për të qenë vitin e ardhshëm kryeqyteti Europian i Sportit. Me qëllim lobimin për ta fituar këtë titull kryebashkiaku i Tiranës Erion Veliaj organizoi një tavolinë të përbashkët me sportistë shqiptarë, kampionë Europe dhe Bote, por nuk munguan as presidentët e federatave sportive. Kryebashkiaku tregoi edhe arsyen përse Tiranës i duhet ky titull.

“Shumë njerëz më pyesin pse na duhej titulli Kryeqyteti Europian i Rinisë. Mund t’i kishim bërë aktivitetet edhe pa këtë titull. Por, është prestigj për qytetin, një stimul, një mënyrë si marketohet emri i qytetit,”-u shpreh Erion Veliaj, kryebashkiak i Tiranës.

Në rast se Tirana ia del të shpallet kryeqyteti Europian i Sportit për vitin 2023 Veliaj premtoi edhe dy investime të mëdha.

“Ne do fillojmë punimet për Pallatin e ri të Sportit “Asllan Rusi”; të njëjtën gjë do të bëjmë edhe me stadiumin “Selman Stërmasi” sepse besoj se është shumë herë më e mirë që të kemi një hapësirë, siç është Arena Kombëtare, por nuk mjafton për të gjitha aktivitetet e qytetit, ekipet dhe skuadrat që janë shtuar,”-tha Erion Veliaj, kryebashkiak i Tiranës.

Titulli “Qyteti Europian i Sportit 2023” jepet për qytete të ndryshme europiane nga institucioni ACES EUROPE, pranë Komisionit Europian në Bruksel. Disa nga qytetet që e kanë marrë këtë titull janë: Getafe, Bilbao, Firence, Leuven, Setubal e Braga në Portugali si dhe Nice e Pau në Francë.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Minella Aleksi: Historia nuk përsërit veten, njerëzit shpesh e bëjnë për mirë ose për keq

Minella Aleksi: Historia nuk përsërit veten, njerëzit shpesh e bëjnë për mirë ose për keq

28 Janar, 22:55 nga Minella Aleksi