“Lockdown Italia” lufta e italianëve përballë Covid-19

“Lockdown Italia” lufta e italianëve përballë Covid-19

Foto ilustruese

" Kur fotografi tregon pamjen, vija e shikimit kalon nëpër sy, kokë dhe zemër"

Thënia e famshme e Henri Cartier-Bresson, përshkruan mirë frymën që mbizotëron në ekspozitën "Lockdown Italia", e cila ka filluar para pak ditësh në Romë.

Një ekspozitë fotografike në Romë historinë prekëse dhe jo pak tragjike të përvojës të Italisë  në luftën e saj kundër pandemisë së shkaktuar nga Covid-19. 

"Çdo fotografi e vetme i kujton njerëzit se lufta nuk ka mbaruar ende", shpjegoi organizatori i ekspozitës Chris Warde-Jones. " në çdo fotografi mund të shihni njerëz që mbajnë maskë, si një rikujtim për të gjithë dhe dëshmi e asaj çfarë ka kaluar dhe po kalon vendi”.

Ekspozita u organizua nga  Associated Press  dhe fotografi i saj Antonio Calanni, i cili luftoi në vijën e frontit anticovid në Lombardi, rajoni më i goditur i Italisë, në fjalën e tij ai tregon se nuk kanë qenë të rralla rastet kur është kthyer në shtëpi dhe ka shpërthyer në të qara.

Shtatëdhjetë e dy fotografi të marra nga 30 fotografë të shtypit të huaj nga 10 vende të ndryshme. përfshirë korrespondentë italianë të tre agjencive kryesor e Reuters, Associated Press dhe Agence France Presse na kthejnë pas në dramën e muajve të parë të pranverës kur vendi përballej me COVID-19: spitalet, njësitë e kujdesit intensiv, organizatat  e bamirësisë, bizneset që mbyllen dhe rihapen.

Ekspozita nuk ndalet në tragjedinë e ditëve më të errëta, por gjithashtu dëshmon për shpresën, dëshirën për të reaguar dhe për të rilindur  të popullit italian. Në pjesën e dytë të ekspozitës shohim  imazhet e këngëve dhe vallëzimeve në tarraca, rihapjen e dyqaneve  dhe kthimin  e avashtë në normalitet i cili nuk mund të jetë më ai i para pandemisë. Maskat, distancimi shoqëror, masat për të mbrojtur kundër Covid-19 ndodhen para seksionit të fundit të ekspozitës kushtuar punës së fotoreporterëve.

Ekspozita u organizua në bashkëpunim me bashkinë e Romës dhe në ceremoninë hapëse të së cilës ishte prezent edhe Kryeministri Giuseppe Conte. Në ditët në vijim edhe Presidenti i Republikës, Sergio Mattarella do të vizitojë atë.  

Fotografitë  do të qëndrojnë  në Muzetë Capitoline nga 8 tetor deri më 1 nëntor.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Altin: 11/10/2020 03:30

    Kush të dojë le ta mbajë. Numrat që jepen nuk kanë ndryshuar ka 3 muaj. Megjithatë para disa kohësh Pompeo në një deklaratë për shtyp tha se jemi në mesin e një stërvitje ushtarake. (live exercise) dhe Trumpi I tha nën zë duhey të ma kishit thënë,. Pra kjo qenka një lloj stërvitje por me ushtarë gjithë popullsinë, Amerika është rrëmujë për vete ku presidenti vetë nuk di ça bohet. Kurse kryeministri I shitur, sepse e sollën nga rruga dhe erdhi me këshilltar personal nga jashtë siç është zakon këtu që politika vendoset nga fuqitë e mëdha që sot quhen ndërkombëtare. Lëreni popullin rehat se ka vuajtur shumë edhe loja ushtarake I ka ngelur mangut.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet