Lokali iu mbyll si pjesë e masave ndaj koronavirusit, pronari: Deri tani kam 3 milionë lekë dëme (VIDEO)

Dorian Çela është një qytetar nga Tirana, pronar i një bar-kafeje në zonën e Yzberishtit. Sikundër çdo biznes tjetër, kjo situatë ka prekur drejtpërdrejtë edhe atë si pronar i një biznesi të vogël. Në stafin prej katër vetash Doriani shpjegon se dëmi me përafërsi që ka shkaktuar mbyllja e biznesit të tij që prej datës 11 mars, kur ai uli qepenat shkon në 3 mln lekë.

"Përveç punës që ishim të angazhuar tashmë jemi në karantinë. Që më datë 11 mars e kemi mbyllur biznesin. Asnjë veprim që pres asaj dite. Ne jemi një biznes i vogël, një bar-kafe. Kam katër punonjës në lokalin tim. Në qoftë se kjo është një situatë që nuk i dihet fundi, shpresojmë të ndodh më e mira. Është e vështirë për një biznes të vogël, duke pasur parasysh sakrificat me të cilat e kemi ngritur biznesin, si kreditë, taksat, pagat. Dëmi është pak a shumë 3 mln lekë. Të rrimë në shtëpi kjo është shifër e lartë për ne. Punëtorët janë shlyer që më datë 1 mars. Kemi punuar normalisht deri më datë 10 mars, pastaj pas urdhrit ne e mbyllëm. Ishim të ndërgjegjshëm, bëmë mbledhje si staf dhe vendosëm këtë. Tani jemi në pritje të urdhrit të dytë kur fillojmë. Në lokalet i paguajmë punëtorët çdo 15 ditë, por kjo është një gjë që do menduar, nëse do t’ia jap në dorë apo do ja kaloj në bankë, përfshi dhe sigurimet bien mbi kurrizin e pronarit. Normalisht unë nuk kam fuqi t’i paguaj duke qëndruar në shtëpi, se edhe unë nuk jam në punë. Si biznes i vogël kam një apel,si një forcë jo shumë e madhe duke mos ditur sa do të zgjasë kjo situatë, kërkojmë që kryeministër t’i marrë gjërat hap pas hapi dhe ato që diskuton të jenë shembuj konkret. Të bëhet diçka konkrete. I bie që prilli të ketë faturat e dritave dhe ujit, siguracionet, qiraja, taksa e hapësirës publike, janë shumë gjëra. I bie që unë në ditën që do hap lokalin pas kësaj situate është sikur e hap nga e para. Sepse ne jemi biznes i vogël nuk kemi shumë fuqi, ndryshe nga një biznes i madh", tha biznesmeni.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Me kërkesë të Rithemelimit, mblidhet sot Sekretariati i Etikës: Anuloni votimin e 7 marsit, ligjet u kaluan pa kuorum

Me kërkesë të Rithemelimit, mblidhet sot Sekretariati i Etikës: Anuloni votimin e 7 marsit, ligjet u kaluan pa kuorum