Pronari i klubit të Chelsea, Abramovich, i cili është ndër miliarderët më të pasur në Rusi ka pasur vonesa në rinovimin e vizës së tij për në Mbretërinë e Bashkuar dhe për ende nuk bëhen me dije arsyet.
Ai ka aplikuar për një vizë të re, por ende nuk e ka marrë. Si pasojë e mungesës së vizës Abramovich nuk ishte i pranishëm në finalet e kupës në “Wembley” të shtunën, ku ekipit i tij Chelsea fitoi 1 me 0 ndaj Manchester United.
Mediat e huaja thonë se mikut të presidentit aktual Vladimir Putin, nuk i është mohuar viza, por procedura po zgjat tej mase dhe askush nuk po përgjigjet për arsyet e vonesave. Mediat spekulojnë se përkeqësimi i raporteve mes Moskës dhe Londrës duket se ka ndikuar mjaft në këtë çështje.
Javë më parë, autoritetet britanike thanë se do të rishikojnë vizat që kanë dhënë më herët për pasanikët e huaj dhe do ët vendosin rast pas rasti nëse do t’i rinovojnë.
