Zlatan Ibrahimoviç i ka dhënë fund karrierës së tij si futbollit. Sulmuesi 41-vjeçar, i cili luante me Milanin, i dha lamtumirën futbollit në ‘San Siro’ një ditë më parë, ku u përshëndet nga qindra tifozë.
988 ndeshje profesionale dhe 573 gola, bota e futbollit përshëndet suedezin mes duartrokitjeve, urimeve dhe lotëve.
‘Kapitulli i ri i jetës sime është gati të vijë! Kam shumë kujtime dhe emocione nga ky stadium. Herën e parë që erdha më dhatë lumturinë dhe herën e dytë më dhatë dashuri. Falenderoj familjen time për durimin e më pas edhe familjen e dytë, lojtarët, trajnerin dhe stafin. Dhe sërish drejtuesit për mundësinë që më dhanë. Kështu që nga zemra ju them faleminderit fansave. Më bëtë të ndihem si në shtëpinë time, do të jem një mbështetës i Milanit për gjithë jetën. Ka ardhur koha t'i them lamtumirë futbollit dhe jo juve. Shumë emocione! Nuk dua të vendos me nxitim, dua të marr kohën time përpara se të vendos se çfarë të bëj.’- tha Ibrahimoviç.
Tifozët kuqezi u përlotën! Ata shpalosën në stadium një koreografi ku shkruhej "Godbye". Zlatan , njeriu që nuk dëshiron të ndalet kurrë, u përlot dhe përshëndet milanezët duke imituar një zemër me dy duar.
Të gjithë bashkëlojtarët mbanin fanellën me numrin 11 dhe me drejtuesit e rreshtuar rreth tapetit të kuq, Paolo Maldini, Ricky Massara, Paolo Scaroni dhe Giorgio Furlani, përshëndetën kampionin e madh.
Mes flamujve, emocioneve, ndezjeve të smartfonëve, 72,000 tifozë në San Siro panë një film me një kolazh golash dhe fraza ikonike.
Në mes të stadiumit në San Siro, Ibrahimoviç tha se nuk i kishte thënë askujt se do të tërhiqej.
“Ishte një ditë e veçantë , nuk i kisha thënë asgjë askujt për faktin se do të tërhiqesha. Tani jam njeri i lirë, kam pasur një karrierë të gjatë. Është dita ime e fundit si profesionist. Kur u zgjova, binte shi dhe mendova se edhe Zoti është i trishtuar. Unë dukesha si një zombie para se të vija në San Siro.
Nëse do ta kisha marrë këtë vendim tre muaj më parë, do të më kishte zënë paniku, por tani jam gati edhe pse i trishtuar. Mendova se po gjeja forcë tek të tjerët, por kudo që shikoja, të gjithë qanin. Unë jam supermen, por kam një zemër të madhe. Ne përsërisim të njëjtën gjë për shumë vite, paniku është kur zgjohesh dhe nuk di çfarë të bësh. Do të më mungojë dhoma e zhveshjes’.- tha ai.
Ai e nisi karrierën te Malmo në moshën 18-vjeçare, ndërsa vijoi me Ajax, Juventus, Inter, Barcelona, Milan, Paris SG, Manchester United, LA Galaxy dhe sëfundmi sërish Milan.
Komente
Lajme të tjera
-
Një 'bishë' si Zlatan! Ibrahimovic po mendon t'i futet boksit
23 Tetor, 15:16 -
Dakordësohen Milan dhe Inter, stadiumi i ri në zonën e 'San Siros'! Impianti ikonik i shpëton shembjes
22 Tetor, 14:19 -
Presion klubeve, dhunë ndaj stewart-ve e tregtim të paligjshëm në San Siro! Arrestohen 16 ultras të Milanit dhe Interit
30 Shtator, 10:07 -
E ardhmja e Fonsecas në pikëpyetje, Ibrahimovic vonon stërvitjen e Milanit! Mbledhje me lojtarët para derbit
20 Shtator, 13:50 -
Milan nuk e duron më Fonsecan, Ibrahimovic telefonon Edin Terzic! Kandidat për stolin edhe Tuchel
18 Shtator, 19:45 -
Ibrahimovic dhe shakaja në Sanremo për presidentin e Italisë: Sa gola ka shënuar?
6 Shkurt, 22:33 -
Ibra firmos zyrtarisht me Milanin, bëhet për herë të tretë ‘djall’: Dashuria imë për këtë klub s’mbaron kurrë
11 Dhjetor 2023, 15:39 -
'Topat e përgjakur', Mancini, Bin Salman dhe Ronaldo 'duart me gjak' në Milano para Champions League
19 Shtator 2023, 16:12 -
'San Siro' kërkon finalen e Champions League
18 Korrik 2023, 17:04 -
Tonali në Premier League, Ibrahimovic i jep 'bekimin': Aty falë këshillave të mia
27 Qershor 2023, 16:28 -
S'ka paqe për Ibrahimovic, sulmuesi i Milanit mbyll sezonin
29 Prill 2023, 12:55 -
VIDEO/ Milani e bën rrugë, mund Napolin edhe në Champions League! Shkëlqen Maignan
13 Prill 2023, 09:22
Hallall vetem per nje gje, qe tha se Kosova eshte e serbeve aq sa eshte nena e tij e virgjer.
PërgjigjuSuper lojtar!! Do i mungojë fushës së blertë!
Përgjigju