Lotaria Amerikane, ja kushtet
që ju skualifikojnë aplikimin

Kur kanë ngelur rreth 19 ditë nga mbyllja e aplikimeve për lotarinë amerikane, Ambasada e SHBA-së në Tiranë bën apel që të keni kujdes me fotografitë, pasi nëse nuk janë sipas kushteve të mëposhtme, atëherë nuk mund të regjistroheni.
 
Por si duhet të jenë përmasat e fotografisë?

Nxjerrja e fotografisë sё re me aparat dixhital. Në qoftë se është nxjerrë njё fotografi e re, ajo duhet tё ketё këto specifikime:

Lloji i Formatit të Fotografisë: Fotografia duhet të jetë e formatit JPEG

Madhësia e Fotografisë: Maksimumi i madhësisë së fotografisë duhet të jetë 240 KB

Rezolucioni dhe përmasat e Fotografisë: Dimensionet minimale të pranueshme janё 600 pika (pixels) e lartë me 600 pika (pixels) e gjerë. Dimensioni pixel i fotos duhet të jetë në një përpjesëtim të drejtë (që do të thotë se lartësia duhet të jetë e barabartë me gjatësinë)

Thellësia e Ngjyrave të Fotografisë: Fotografia duhet të jetë me ngjyra (24-bit per pixel). Fotografitë 24 bit në bardhezi ose 8 bit nuk do të jenë të pranueshme.

Skanimi i Fotografisë që do të Dërgohet. Përpara se fotografia të skanohet, ajo duhet të ketë kёto specifikime. Nëse fotografia është me ngjyra dhe me specifikimet e stampimit, skanojeni duke përdorur si më poshtë specifikimet e skanerit:

Rezolucioni i Skanimit: Të skanohet me rezolucion të paktën 300 dots pёr inch (dpi)
 
Lloji i Formatit të Fotografisë: Fotografia duhet të jetë e formatit JPEG.

Madhësia e Fotografisë: Maksimumi i madhësisë së fotografisë duhet të jetë 240 KB

Rezolucioni i Fotografisë: 600 me 600 pika (pixels)
 
Thellësia e Ngjyrave të Fotografisë: Ngjyra 24-bit (Shënim: Fotografi bardh e zi, monokrome, ose stil gri nuk do të pranohen).

Pranohen vetëm fotografitë ku aplikanti ka vendosur shami apo kapele për shkak të besimit fetar; por edhe në këtë rast fytyra nuk duhet mbuluar.
 
Fotografitë, ku aplikanti ka mbuluar fytyrën jo për shkak të besimit fetar, nuk do të pranohen; fotografi të personelit ushtarak, të flotës ajrore ose të çdo personeli tjetër që mban kapele, nuk do të pranohen.




Redaksia Online
(u.s/shqiptarja.com)