Krim në familje në Kavajë, burri ka vrarë gruan me thikë pas një debati në familje. Autori është Sami Metushi 50 vjeç, viktima Sose Metushi, ndërsa ngjarja ka ndodhur paraditen e sotme në fshatin Karpen. Goditjet me thikë kanë qenë fatale për gruan, e cila ka humbur jetën në vend, ndërsa burri është arrestuar menjëherë nga policia.

Burri ka pranuar krimin, por nuk është marrë në pyetje për shkak të gjendjes së rënduar. Çifti mësohet se kishte konflikte të shpeshta, ndërsa sipas burimeve të Report Tv sherri kishte nisur, pasi burri e kishte akuzuar gruan se nuk i kishte bërë rrobat dhe bukën gati. Gjendja ka agravuar dhe burri e goditi me thikë disa herë.

Familja Metushi kishte ardhur nga Librazhdi disa vite më parë, ndërsa kanë 5 fëmijë. Në momentin e ngjarjes në banesë ka qenë vetëm djali i vogël, ndërsa dy vajzat jo. Çifti kishte edhe dy djem në emigracion. Banorët e zonës thonë se familja ishte e qetë dhe se nuk kishin pasur konflikte me askënd. 

[gallery]24829[/gallery]
Njoftimi i policisë

Me date 23.11.2017, rreth ores 11:00, ne Sallen Operative ka ardhur nje telefonate se në Kavajë, në fshatin Karpen ka ndodhur krim në familje:

Menjeher në vendgjarje kanë mberritur shërbimet e Policise dhe Ambulaca ku nga verifikimet paraprake ka rezultuar se:

Në Kavajë, në fshatin Karpen, rreth orës 11:00 ,shtetasi S.M, 50 vjeç, në banesen e tij ka vrarë me armë të ftohtë (thikë) bashkëshorten e tij shtetasen S.M.

Nga shërbimet e Policisë u bë e mundur arrestim i shtetasit S.M. i cili ështe dërguan në Komisariat.

Grupi hetimor ndodhet vendgjarje dhe po kryen veprimet e mëtejshme për zbardhjen e plotë të ngjarjes.

kavaje vrasje burri vret gruan
Banesa e çiftit në Kavajë​

dy.b/shqiptarja.com