Luftë hakerash në vigjilje të
zgjedhjeve, SHBA përballë Rusinë

Një ditë pasi Shtëpia e Bardhë deklaroi se i trembet një sulmi kibernetik ditën e zgjedhjeve, hakerat e Pentagonit ia kanë dalë të ndëryjnë në rrjetin e Kremlinit.

“Lufta” e hakerëve mes Rusisë dhe SHBA-së duket se ka arritur kulmin ndërsa na ndajnë vetëm 3 ditë nga zgjedhjet presidenciale.E sipas asaj që shkruan NBC është prekur edhe rrjeti elektrik dhe ai i telekomunikacionit në Rusi.

Ndërsa ekpsertët amerikanë janë përgatitur për skenarin më të keq në rast të një sulmi të mundshëm kibernetik, nga ana tjetër edhe Rusia  po merr masa për të mbrojtur informacionet e saj kibernetike.

”Masat për të garantuar kiber-sigurinë e sistemeve informative, janë për momentin në gjendje të përballojnë kërcënimet e bëra zyrtarisht ndaj nesh nga përfaqësues të shteteve të tjera”, –është shprehur zëdhënësi i Kremlinit, Dmitri Peskov, i cili ka komentuar burimet e publikuara nga NBC. Ndërsa nuk ndalen edhe akuzat ndaj  kandidates Clinton.

Më së fundi është themeluesi i Wikileaks Assange i cili deklaron  se lufta në Libi është lufta e Hillary Clinton e cila donte ta shfrytëzonte pikërisht për zgjedhjet presidenciale.

Redaksia online
(E.M/Shqiptarja.com)