Luftë me forcat e al-Assadit në Siri
kosovari i vrarë ish-luftëtar i UÇK-së

PRISHTINE - Kosovari Hetem Dema nga Kaçaniku i vrarë në luftën e Sirisë në përballje me forcat e regjimit të Bashar Al Assadit ishte edhe veteran i Ushtrinë Çlirimtare të Kosovës (UÇK). Sipas këtyre burimeve, i njëjti ka qenë shumë aktiv në jetën publike në Kaçanik, duke qenë edhe një nga sportistët e dalluar të kësaj qyteze. Ai është marrë me futboll, shkruan Express.
 
Njerëz që e kanë njohur për së afërmi Hetem Demën tregojn se ai nuk ka pasur nuk ka qenë ekstremishte ndaj koncepteve të islamit dhe luftën e ka konsideruar si të domosdoshme duke parë, sipas tyre, krimin që regjimi i Asadit po bënte mbi popullatën e Sirisë.
 
Hetem Dema, i lindur në vitin 1974 së fundi ka punuar në kompaninë e mobilieve “Divani & Deco” në Ferizaj, derisa pas ka lënë gruan, një vajzë dhe një djalë.
 
Tani, në profilin e tij në facebook kanë filluar të vijnë “urimet” nga shokët e tij të luftës për rënien e tij “shehid”, dhe disa e kanë publikuar në këtë profil.
 
“Vellau jon Haxhi Hetemi Shehid in sha Allah .. Allahu ja pranoft shehidllekun dhe e bashkoft me pejgamberin salallahi alejhi ëe selem”, shkruan në profilin e Hetemit Lavdrim Muhaxheri, muxhahedini kosovar që u bë i famshëm me videon e tij ne youtube duke ftuar që shqiptarët të i bashkohen luftës në Siri.

Pak ditë më parë një tjetër shqiptar u vra në përleshjen e brendshme të Sirisë. Ai është Ebu Amar, njofton portali boshnjak “Vijesti Ummeta”. Ky portal ka shkruar se ai ka humbur jetën në A’zat të Aleppos të Sirisë.
 
Në muajin gusht ishte njoftuar se dhjetëra shqiptarë janë bashkuar me kryengritësit në Siri, duke dhënë jetën kundër regjimit të presidentit Bashar al-Assad. Kështu kishte shkruar agjencia franceze AFP, në një reportazh të sajin duke nënvizuar se shumë prej tyre kthehen në qese trupash pranë familjeve të tyre, të cilat nuk e dinë se ata janë bashkuar me rebelët në luftë.
 
Redaksia online
(ac/shqiptarja.com)