Presidenti amerikan Joe Biden dhe presidenti francez Emmanuel Macron "do të shpallin nesër në mëngjes (26 nëntor 2024) ndërprerjen e armiqësive midis Libanit dhe Izraelit për një periudhë 60-ditore".
Kjo është raportuar nga faqja online e gazetës Asharq Al-Awsat, duke cituar burime të mirëinformuara.
Nga ana tjetër, udhëheqësi suprem i Iranit Ayatollah Ali Khamenei tha të hënën (25 nëntor 2024) se duhet të jepen dënime me vdekje për liderët izraelitë, jo urdhër-arreste.
Deklaratat e tij erdhën pasi Gjykata Ndërkombëtare Penale në Hagë lëshoi urdhra arresti të enjten për kryeministrin izraelit Benjamin Netanyahu, ish-ministrin e mbrojtjes Yoav Gallad dhe një udhëheqës të Hamasit, Ibrahim Al-Masri.
"Bombardimi i shtëpive të njerëzve nuk është fitore," tha ai për izraelitët.
Shefi i politikës së jashtme të Bashkimit Evropian Josep Borrell bën thirrje për presion ndaj Izraelit dhe Hezbollahut për të arritur një marrëveshje armëpushimi mes një shkëmbimi të sulmeve ndërkufitare midis dy palëve.
“Ne duhet të bëjmë presion mbi qeverinë izraelite dhe të mbajmë presionin ndaj Hezbollahut për të pranuar propozimin e SHBA-së për një armëpushim. Në shtator, erdha dhe akoma shpresoja se mund të parandalonim një luftë të plotë të Izraelit që sulmonte Libanin. Dy muaj më vonë, Libani është në prag të kolapsit”, tha Borrell në një konferencë për media në Bejrut pas bisedimeve të tij me kryetarin e parlamentit libanez.
SHBA, aleati kryesor i Izraelit, po ndërmjetëson midis Izraelit dhe Libanit për të arritur një marrëveshje armëpushimi për t'i dhënë fund sulmeve mbi 1-vjeçare midis Hezbollahut dhe Izraelit. Borrell tha se BE-ja është gati të sigurojë 200 milionë euro për të forcuar ushtrinë libaneze.
Matthew Miller
Zëdhënësi i Departamentit të Shtetit Amerikan, Matthew Miller, është treguar i rezervuar lidhur me marrëveshjen për një armëpushim në Liban.
“Kemi bërë përparime të rëndësishme drejt një zgjidhjeje,” u shpreh Miller para gazetarëve gjatë një konference për shtyp, “por ende nuk kemi përfunduar. Asgjë nuk është e sigurt derisa gjithçka të jetë e përfunduar.”
Edhe pse disa zyrtarë të Shtëpisë së Bardhë kanë shprehur optimizëm, Miller ka zgjedhur të qëndrojë më i kujdesshëm.
“Besojmë se mund të arrijmë një marrëveshje, por është e nevojshme që të dyja palët të pranojnë. Ky ka qenë një proces jashtëzakonisht i vështirë dhe frustrues. Shumë herë kemi menduar se do të arrinim marrëveshje, si në Liban, ashtu edhe në Gaza, por për arsye të ndryshme palët nuk kanë arritur të bien dakord.”
Benjamin Netanyahu
Kryeministri Benjamin Netanyahu ka pranuar versionin përfundimtar të marrëveshjes për armëpushimin me Hezbollahun, sepse e kuptoi që nuk kishte zgjidhje tjetër, nga frika se administrata Biden mund të ndëshkonte Izraelin me një rezolutë të Këshillit të Sigurimit të Kombeve të Bashkuara në javët e fundit të saj.
Këtë e ka raportuar një zyrtar izraelit për The Times of Israel, edhe pse Shtetet e Bashkuara nuk kanë dhënë asnjë tregues se do ta bënin këtë.
Liria e Izraelit për të vepruar në Liban, ka thënë zyrtari, është e garantuar nga një letër me Shtetet e Bashkuara.
Forcat e Mbrojtjes të Izraelit (IDF) do të jenë në gjendje të veprojnë jo vetëm kundër atyre që përpiqen të sulmojnë Izraelin, por edhe kundër përpjekjeve të Hezbollahut për të forcuar fuqinë e tij ushtarake.
“Nuk e dimë sa do të zgjasë” armëpushimi, ka theksuar zyrtari, “mund të jetë një muaj, mund të jetë një vit”.
Emmanuel Macron dhe Joe Biden
Presidenti amerikan Joe Biden dhe presidenti francez Emmanuel Macron "do të shpallin nesër në mëngjes ndërprerjen e armiqësive midis Libanit dhe Izraelit për një periudhë 60-ditore".
Kjo është raportuar nga faqja online e gazetës Asharq Al-Awsat, duke cituar burime të mirëinformuara.
"Marrëveshja e pritshme për ndërprerjen e armiqësive midis Hezbollahut dhe Izraelit bazohet - sipas gazetës në pronësi saudite - në evakuimin nga grupi shiit pro-iranian i zonës midis Linjës Blu dhe lumit Litani në një mënyrë të verifikueshme. në këmbim të tërheqjes së forcave izraelite nga zonat e pushtuara që nga fillimi i pushtimit të kufizuar tokësor të territorit libanez”.
Liban
Izraeli dhe Libani kanë rënë dakord për kushtet e një marrëveshjeje armëpushimi për t'i dhënë fund konfliktit Izrael-Hezbollah, tha sot një zyrtar i lartë amerikan për Axios.
"Ne mendojmë se kemi arritur një marrëveshje, por nuk e kemi mbaruar ende. Kabineti izraelit duhet të miratojë marrëveshjen të martën dhe deri atëherë diçka mund të shkojë gjithmonë keq", tha zyrtari amerikan.
Një zyrtar izraelit konfirmoi se kabineti i sigurisë do të mblidhet nesër, shton Axios.
Liban
Pavarësisht përpjekjeve për vendosjen e paqes, vijon lufta dhe bombardimet në të paktën tre fronte nga Izraeli dhe kundërpërgjigja prej Hezbollahut dhe Hamasit në Liban dhe Gaza.
Mediat libaneze raporton se numri i të vdekurve në sulmet izraelite në Tiro është 16 të vrarë dhe 17 të plagosur, sipas shifrave të mesditës së sotme (25 Nëntor).
Dy palestinezë u vranë dhe një numër i panjohur njerëzish u plagosën pas një sulmi nga ushtria izraelite jashtë një spitali indonezian në Gazën veriore. Kjo u raportua për Jazeera.
IDF tha se “Qendrat komanduese të Hezbollahut u goditën në Bejrutin jugor, në Dahiye, një bastion i grupit pro-iranian në Liban”.
Kurse të paktën 4 palestinezë u vranë dhe disa të tjerë u plagosën pasi Izraeli bombardoi një shtëpi në veri të Rafahut, në jug të Rripit të Gazës. Lajmi është bërë i ditur nga agjencia palestineze Wafa.
IDF njoftoi edhe se rreth 20 raketa nga Libani drejt Galilesë së Sipërme.
“Rreth 20 raketa u hodhën nga Libani drejt zonave të Galilesë së Epërme dhe Galilesë Perëndimore”, njoftoi ushtria izraelite.
IDF theksoi se disa nga raketat u kapën dhe disa u zbuluan se kishin goditur brenda Izraelit, raporton Times of Israel.
Edhe Hamasi ka bërë një bilanc viktimash për 13 muaj luftë (nga 7 tetori 2023). Të paktën 44,235 njerëz janë vrarë, në luftën midis Izraelit dhe militantëve palestinezë. Kjo është bërë e ditur nga Ministria e Shëndetësisë e Rripit të Gazës të kontrolluar nga Hamasi, duke shtuar se numri përfshin 24 vdekjet e ditës së fundit. Ministria tha gjithashtu se 104,638 njerëz janë plagosur në Rripin e Gazës që nga fillimi i luftës.
Udhëheqësi suprem i Iranit Ayatollah Ali Khamenei tha të hënën se duhet të jepen dënime me vdekje për liderët izraelitë, jo urdhër-arreste.
Deklaratat e tij erdhën pasi Gjykata Ndërkombëtare Penale në Hagë lëshoi urdhra arresti të enjten për kryeministrin izraelit Benjamin Netanyahu, ish-ministrin e mbrojtjes Yoav Gallad dhe një udhëheqës të Hamasit, Ibrahim Al-Masri.
"Bombardimi i shtëpive të njerëzve nuk është fitore," tha ai për izraelitët.
“Fronti i rezistencës do të zgjerohet. Krimet e regjimit sionist intensifikojnë rezistencën”, vuri në dukje Khamenei, duke shtuar se “është e sigurt që në fund regjimi sionist do të shkatërrohet”.
Zyra e presidentit izraelit Benjamin Netanyahu dhe anëtarët e qeverisë izraelite të enjten e kaluar dënuan ashpër Gjykatën Penale Ndërkombëtare në Hagë , duke e akuzuar atë për "antisemitizëm" pas vendimit të saj për të lëshuar urdhër-arrest kundër kryeministrit izraelit dhe Yoav Gallad.
Masa vjen pasi prokurori i ICC-së, Karim Khan, njoftoi më 20 maj se ai po kërkon urdhra arresti për krime të dyshuara të lidhura me sulmet e Hamasit të 7 tetorit 2023 ndaj Izraelit dhe reagimin ushtarak izraelit në Gaza. Haga lëshoi gjithashtu një urdhër arresti për liderin e Hamasit, Mohammed Diab Ibrahim Al Masri (i njohur gjithashtu si Mohammed Deif).
Kryeministri Benjamin Netanyahu thuhet se ka pranuar "në parim" propozimin e Shteteve të Bashkuara për një armëpushim me Hezbollahun në Liban.
Mediat izraelite raportuan këtë mëngjes pasi kryeministri mbajti mbrëmë konsultime të nivelit të lartë me zyrtarë të qeverisë së tij. Edhe pse qeveria izraelite e ka pranuar "në parim" propozimin amerikan, propozimi nuk është ende përfundimtar dhe disa çështje duhet të zgjidhen, sipas zyrtarëve izraelitë dhe amerikanë të cituar nga televizioni publik Kan dhe gazetat Haaretz dhe Ynet.
Ky i fundit publikon se përgjigja tashmë është transferuar në Liban.
Komente
Lajme të tjera
-
Planet e administratës Trump për t’i dhënë fund luftës në Gazë
25 Dhjetor, 16:49 -
Perëndimi: Vendimet e Parlamentit të Republikës Srpska kërcënojnë rendin kushtetues të Bosnjës
25 Dhjetor, 15:03 -
25 vjet Putin, nga miku në armik
25 Dhjetor, 12:41 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Netanyahu në gjykatën e Tel Avivit për të dëshmuar mbi akuzat për korrupsion
24 Dhjetor, 16:06 -
Netanyahu në gjykatën e Tel Avivit për të dëshmuar mbi akuzat për korrupsion
24 Dhjetor, 14:17 -
Agjentët e Mossad-it zbulojnë detaje nga operacioni i shpërthimit të pajisjeve të komunikimit të Hezbollahut
23 Dhjetor, 16:45 -
Ministri i Jashtëm i Jordanisë do të zhvillojë bisedime me liderin e ri të Sirisë
23 Dhjetor, 11:52 -
Greqia dhe Italia, ku ka më shumë shqiptarë, kanë emigrantët më të mbikualifikuar në Europë
23 Dhjetor, 09:34 -
Mandarinat me pesticide, Ministria e Bujqësisë: Kemi bërë kallëzim penal për grumbulluesit! Gjobë e bllokim aktiviteti për shkelësit
23 Dhjetor, 08:46 -
Prag Krishtlindjesh, Papa Françesku bën thirrje për armëpushim në Gaza dhe Ukrainë
22 Dhjetor, 15:32 -
Mali i Zi, opozita bojkoton Parlamentin për shkak të Gjykatës Kushtetuese
21 Dhjetor, 22:33
Popo,60 dite pushim qe te furnizohen me arme se i zbrazen depot
Përgjigju