Lufta/ Zelensky në samitin e KE-së: Organizoni samitin për planin e paqes! Dorëzohen 4 avionët luftarakë nga Sllovakia! Moska: Hap shkatërrues

Presidenti ukrainas Volodymyr Zelensky ka mbajtur fjalimin e tij në samitin e KE-së duke kërkuar që të organizohet samiti për planin e paqes. Ai do të donte që të mbahej në Kiev, por për shkak të luftës kërkon që të zhvillohet në një qytet europian.

Ndërkohë janë dorëzuar katër avionët e parë luftarakë Mig-29 të dhuruara nga Sllovakia në Ukrainë. Rusia e sheh këtë si një hap shkatërrues që bie në kundërshtim me retorikën e Bashkimit Evropian për të kërkuar zgjidhje paqësore për konfliktin me Ukrainën.

Bakhmuti është kthyer në shesh betejën më të ashpër të luftës Rusi-Ukrainën. Beteja rreth Bakhmutit është sinjal se Rusia është e gatshme të lëshojë mijëra trupa rusë për përftime minimale. Kështu është shprehur Sekretari i përgjithshëm i NATO-s, Jens Stoltenberg i cili ndër të tjera është shprehur se perëndimi duhet të përgatitet që të mbështesë Ukrainën për një kohë edhe më të gjatë.

“Sipas numrit një të aleancës, Putini është i përfshirë në "një luftë rrënimi" dhe beteja rreth Bakhmutit , në të cilën shumë rusë po vdesin, tregon se Moska është e gatshme "të lëshojë mijëra e mijëra trupa të tjera, të pësojë shumë humbje për përfitime minimale.”- tha ai për the Guardian.

Për të mbështetur Kievin, Stoltenberg shpreson që anëtarët e NATO-s do të bien dakord të shpenzojnë të paktën 2% të PBB-së për mbrojtjen në samitin e ardhshëm të aleancës , i cili do të zhvillohet në Vilnius, kryeqyteti i Lituanisë.

“Presidenti Putin nuk po planifikon paqen, ai po planifikon më shumë luftë”, vazhdoi Stoltenberg, duke shtuar se Rusia po rrit prodhimin industrial ushtarak dhe “po i drejtohet regjimeve autoritare si Irani apo Koreja e Veriut dhe të tjerë në përpjekje për të marrë më shumë armë .

 Rrjedhimisht, Shtetet e Bashkuara, Britania e Madhe, Franca, Gjermania dhe shtetet e tjera perëndimore duhet të jenë gati të mbështesin Ukrainën me armë, municion dhe pjesë këmbimi për një kohë të gjatë, sipas tij. Edhe pse, në ditën e djeshme Putin i parapriu kësaj duke vendosur që Moska mos të negociojë me vendet e Perëndimit.

Ndërkohë, ditën e djeshme, Presidenti i Ukrainës, Zelesnky ka kryer vizita të befasishme në 3 rajonet e lindjes, aty ku aktualisht është spostuar lufta, konkretisht në Bakhmut, Dontesk dhe Kharkiv.

Rendit zhvillimet sipas orarit:
Ora 22:44
Von der Leyen – Rusisë: Ktheni në shtëpi fëmijët e dëbuar! Po kryeni krime lufte

1676454021_jkhs.JPG

Presidentja e KE, Ursula Von der Leyen ka kërkuar që Rusia të kthejë fëmijët e dëbuar. Në samitin e KE-së, tha se “rrëmbimi i fëmijëve ukrainas është një kujtesë e tmerrshme e momenteve më të errëta të historisë", si dhe e cilësoi krim lufte.

Von der Leyen tha se nga 16,200 fëmijë të dëbuar, vetëm 300 janë kthyer. Presidentja e KE shprehu mbështetje për ukrainasit duke thënë se kanë nisur punën që të  rikthejnë fëmijët e dëbuar.

Ora 21:37
Zelensky i drejtohet KE: Organizoni samitin mbi planin e paqes në një kryeqytet europian

1679603881_Capture.JPG

Në fjalimin e tij në Këshillin Evropian, presidenti ukrainas, Volodymyr Zelensky propozoi organizimin e samitit mbi planin e paqes. Kjo është bërë e ditur nga burime diplomatike evropiane, duke shtuar se kreu i shtetit ukrainas do të kishte dashur që të mbahej në Kiev, por për arsye sigurie, ai kërkoi që samiti të mbahej në një nga kryeqytetet evropiane.

Ora 17:16
Kreu i grupit Wanger: Nuk kemi në plan të largojmë trupat ushtarake nga Ukraina

1677686049_pro.jpg

Grupi rus i Wanger do të qëndrojë të luftojë në Ukrainë. Kështu u shpreh Yevgeny Prigozhin i cili mohoi lajmet e mediave amerikane ku thuhet se forcat ruse po tërhiqen për t’u zhvendosur në Afrikë.

"Duket se Bloomberg e di më mirë se ne se çfarë do të bëjmë. Për sa kohë që vendi ynë ka nevojë për ne, ne do të qëndrojmë dhe do të luftojmë në Ukrainë."- u shpreh Prigozhin.

Ora 12:14
BE-ja miraton edhe një plan mbështetjeje ushtarake për Ukrainën

1679570126_fsgb.JPG

Udhëheqësit e BE-së do të miratojnë një marrëveshje që synon t'i dërgojë Ukrainës 1 milion predha artilerie brenda 12 muajve të ardhshëm, për të ndihmuar vendin të mbrohet kundër forcave ruse.

Procedura e shpejtë u miratua gjatë një takimi të ministrave të Jashtëm dhe të Mbrojtjes në fillim të kësaj jave dhe krerët e mbledhur në një samit në Bruksel të enjten do t'i japin asaj një bekim politik, sipas disa diplomatëve të lartë të BE-së.

Me Ukrainën që po përballet me mungesë municionesh për të luftuar Rusinë, ideja e krijimit të një plani veprimi të përbashkët blerjeje, të ngjashëm me atë të krijuar gjatë pandemisë së koronavirusit për të blerë vaksina, u soll për herë të parë në tryezë muajin e kaluar nga kryeministrja e Estonisë, Kaja Kallas.

Ora 10:28
Gjykata Ndërkombëtare Penale e shqetësuar për kërcënimet e Putin pasi lëshoi urdhërarrestin

1679563761_tjj.JPG

Gjykata Ndërkombëtare Penale (ICC) ka shprehur shqetësimin për “kërcënimet” nga Rusia pas lëshimit të një urdhri arresti për krime lufte për presidentin Vladimir Putin.

Deklarata e shqetësimit e ICC- së të mërkurën erdhi pasi ish-presidenti rus Dmitry Medvedev kërcënoi se do të godiste gjykatën e krimeve të luftës në Hagë me raketa hipersonike. Ai ndoqi gjithashtu organin më të lartë hetimor të Rusisë që hapi një çështje penale kundër prokurorit të GJNP-së, Karim Khan, si dhe gjykatësve që lëshuan urdhër për Putinin.

Ora 09:21
Samiti dy-ditor, lidërët e BE-së mblidhen në Bruksel! Fokusi, lufta në Ukrainë

1679559708_jh.JPG

Gjashtë javë pasi liderët europianë u mblodhën për herë të fundit në Bruksel, ata do të mblidhen sërish në një samit që do të zgjasë. Lufta në Ukrainë është në krye të axhendës (megjithëse tensionet midis Francës dhe Gjermanisë për energjinë bërthamore dhe motorët me djegie janë të mëdha) dhe Sekretari i Përgjithshëm i OKB-së, António Guterres, do t’i bashkohet samitit në ditën e parë.

Ora 08:54
Zv. Ministri i Jashtëm rus: Rreziku i konfliktit bërthamor në nivelin më të lartë në dekada

1679558080_4eef3adeb208430c9b8565d3b9b809d0.jpeg

Rreziku i një konflikti bërthamor është tani në nivelin më të lartë në dekada, tha të mërkurën zëvendësministri i Jashtëm rus Sergei Ryabkov, sipas agjencisë shtetërore të lajmeve Tass.

"Unë nuk do të doja të kënaqem me një diskutim nëse probabiliteti i një konflikti bërthamor është i lartë sot, por në çdo rast është më i lartë se çdo gjë që kemi parë gjatë dekadave të fundit, le ta themi kështu," tha Ryabkov. platforma e klubit të diskutimit Valdai, sipas Tass.

Ryabkov përsëriti se Moska nuk po largohet "nga dispozitat kryesore, doktrinore dhe politike". Ai tha se shtetet jo-bërthamore, veçanërisht ato që nuk janë në linjë me Shtetet e Bashkuara, duhet "të thërrasin me zë të lartë politikanët në kryeqytetet perëndimore, përfshirë Uashingtonin, të cilët kanë humbur absolutisht ndjenjën e realitetit".

Muajin e kaluar, presidenti rus Vladimir Putin tha se ai po  pezullonte pjesëmarrjen e vendit të tij  në traktatin e reduktimit të armëve bërthamore START me SHBA-në gjatë fjalimit të tij të vonuar vjetor për Gjendjen e Kombit në Asamblenë Federale.

G.MO//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria humb me Italinë, a ka shanse të kalojë grupin në Euro 2024?



×

Lajmi i fundit

U 'kryqëzua' nga tifozët, Elseid Hysaj hap rrjetet sociale! Mbrojtësi i Kombëtares: Kërkoj ndjesë, ishte gabim loje

U 'kryqëzua' nga tifozët, Elseid Hysaj hap rrjetet sociale! Mbrojtësi i Kombëtares: Kërkoj ndjesë, ishte gabim loje