VIDEO/RENEA aksion në Kukës kundër trafikut të drogës dhe lojërave të fatit, një i arrestuar, një në kërkim! Të dy të dënuar më parë për trafik narkotikësh

Një aksin blic është zhvilluar nga policia e Kukësit dhe forcat RENEA, duke çuar në pranga një person dhe një tjetër është  shpallur në kërkim, të dy me precedent penal në fushën e trafiku të narkotikëve. Gjithashtu 7 të tjerë po hetohen në gjendje të lirë.

Gjatë aksionit të koduar "Vila", për goditjen e veprimtarisë kriminale në fushën e shpërndarjes së lëndëve narkotike dhe të ushtrimit të paligjshëm të lojërave të fatit, policia mësyu në një lokal në Kukës ku arrestoi në flagrancë një nga organizatorët, si dhe shpallet në kërkim shtetasi që kishte vënë në dispozicion lokalin e marrë me qira, për ta përdorur për lojëra fati, shpërndarje e përdorim të drogave të forta.

Në pranga përfundoi Besmir Sulaj, 35 vjeç, me precedent penal të mëparshëm në fushën e narkotikëve, i dyshuar si organizator i shpërndarjes së drogave të forta dhe ushtrimit të paligjshëm të lojërave të fatit, si dhe u bë shpallja në kërkim e shtetasit Fation Elezaj , 34 vjeç, me precedent të mëparshëm penal në fushën e narkotikëve, i dyshuar për ushtrim pa licencë të lojërave të fatit, përshtatje të lokalit për përdorim droge dhe prodhim e shitje të narkotikëve.

Gjatë kontrollit në lokal, në qytetin e Kukësit, shërbimet e Policisë sekuestruan një sasi kokaine, sende që shërbenin për përdorimin e lëndës narkotike kokainë, ekstazi, çipsa, letra bixhozi, peshore elektronike, tavolinë pokeri dhe një sasi parash.

Operacioni vijon ende për kapjen e personit në kërkim, si dhe të personave të tjerë të përfshirë në organizimin e kësaj veprimtarie kriminale.

I.K./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Takimi i 7 mes dy qeverive Shqipëri-Kosovë dhe 16 marrëveshjet e nënshkruara i konsideroni:



×

Lajmi i fundit

John

Gazetari nga Kosova për Report Tv: Ngjarja e mbrëmshme, një nga më makabret! Ja pistat kryesore