Lufta kundër radikalizmit islamik, Franca prezanton një projektligj të ri

Lufta kundër radikalizmit islamik, Franca prezanton një projektligj të ri

Emmanuel Macron, President i Francës

Qeveria franceze paraqiti të mërkurën një ligj që synon përforcimin e parimeve republikane, por në versionin e fundit të tij është hequr fjala “separatizëm” pas reagimeve të shumta.

Në projekt-ligjin e paraqitur qëllimi më i qartë mbetet lufta kundër Islamit radikal në shoqërinë franceze. Kryeministri Jean Castex u përpoq t’i paraprinte kritikave se ky ligj do të stigmatizojë myslimanët.

“Ky draft nuk është një tekst kundër besimeve fetare, as atij mysliman në veçanti. Përkundrazi, është ligj i lirisë, i mbrojtjes dhe i emancipimit përballë fundamentalizmat fetare. Dhe, më përgjithësisht, përballë çdo ideologjie që do të ndiqte të njëjtat qëllime”, deklaroi Castex.

Në detaj, teksti përfshin masat që kufizojnë arsimimin në kushtet e shtëpisë dhe nxit një kontroll më të ashpër të financimit të shoqatave myslimane dhe veprimtarive të tyre. Drafti përfshin elementë të veçantë të cilët janë kundër urrejtjes online.

Projektligji i ri erdhi pas sulmeve të muajve të fundit, si pasojë e së cilëve u vra një mësues Samuel Paty pasi kishte shfaqur para nxënësve karikatura të Profetit Muhammed.

Projektligji i ri ua ndalon lejen e banimit atyre që dëshirojnë të jetojnë në Francë e që janë në raporte poligamie.

Me këtë ligj, presidenti Emmanuel Macron po përpiqet të mbushë boshllëqet në luftën kundër radikalizmit islamik, për të mos i lënë hapësirë Marine Le Pen, kur mungojnë më pak se 2 vjet nga zgjedhjet e reja presidenciale.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

SPAK lëshon 9 urdhër-arreste, mes tyre 2 ish-zyrtarë të Bashkisë së Tiranës Mariglen Qato dhe Redi Molla

SPAK lëshon 9 urdhër-arreste, mes tyre 2 ish-zyrtarë të Bashkisë së Tiranës Mariglen Qato dhe Redi Molla