Lufta/ Rusia: Shpërthim i fuqishëm pranë një aeroporti ushtarak në jug të vendit! Media ruse: Wagner i mori shtetit 17.5 miliardë euro

Grupi Wagner i udhëhequr nga Yevgeny Prigozhin ka marrë mbi 17.5 miliardë euro (rreth 17 trilion rubla) nga shteti rus, të ndara në kontrata qeveritare (860 miliardë rubla) dhe shërbime të ofruara nga Holding Concord (845 miliardë rubla). Këtë e pohoi prezantuesi televiziv rus, Dmitry Kiselev gjatë një transmetimi në kanalin Rossija 1.

"Kompania private ushtarake Wagner, e themeluar nga Yevgeny Prigozhin, mori pak më shumë se 858 miliardë rubla në kontrata me shtetin. Kjo është më pak se një trilion. Sipas kontratave të tjera, Concord Holding Prigozhin ofronte shërbime për 845 miliardë rubla. Kjo nuk bën do të thotë se ata fituan aq shumë, por megjithatë kjo tregon shkallën e biznesit dhe shkallën e ambicieve”, tha Kiselev.

Në fillim të kësaj jave, Presidenti Vladimir Putin njoftoi se autoritetet ruse do të hetojnë të ardhurat e Holding Concord, duke shtuar se, gjatë vitit të kaluar, Wagner kishte marrë nga shteti një total prej 86 miliardë rubla (rreth një miliard euro), një shifër kjo. që duket më e ulët se ajo e raportuar nga Kiselev.

Një "shpërthim i fuqishëm" ndodhi pranë një aeroporti ushtarak në Rusinë jugore. Mediat lokale e raportuan këtë. Sipas kanalit Telegram Mash, shpërthimi goditi qytetin port të Primorsko-Akhtarsk, në rajonin Krasnodar. E njëjta media ia atribuon shpërthimin rrëzimit të një rakete nga mbrojtja ajrore.

Nga shpërthimi nuk ka lëndime. Ndërkohë, këshilltari ukrainas Anton Gerashchenko postoi një video që tregon pasojat e shpërthimit duke shkruar: "ky është një aeroport nga i cili lëshohen dronët dhe raketat kundër Ukrainës".

Presidenti serb përsëriti qëndrimin e Beogradit për sanksionet kundër Rusisë, duke deklaruar se Serbia nuk do të vendosë sanksione ndaj Moskës.

“Ne duam të marrim vendimet tona dhe deri më tani kemi qenë të suksesshëm në këtë, por nuk mund të betohem se do të jemi në gjendje të rezistojmë”, tha Vuçiç në një deklaratë sot për Prva.

Shumë anëtarë të grupit Wagner kanë pranuar propozimin e presidentit rus Vladimir Putin për të vazhduar mbrojtjen e Rusisë: tha kryetari i Dumës së Shtetit Vyacheslav Volodin në Telegram, siç raportohet nga Interfax. 

Putini u ka ofruar atyre që dëshirojnë të mbrojnë Rusinë të vazhdojnë të shërbejnë me armë në dorë, tha Volodin. "Me sa di unë, shumë prej tyre ranë dakord," shkroi Volodin në kanalin e tij Telegram.

Grupi mediatik i kontrolluar nga lideri i grupit mercenar Wagner, Yevgeny Prigozhin, është mbyllur në atë që raportohet si hakmarrje ndaj tij për rebelimin e 24 qershorit.

Yevgeny Zubarev, kreu i faqes së lajmeve RIA FAN të Prigozhinit, njoftoi në mbrëmjen e 1 korrikut se kompania po mbyllej, pa dhënë ndonjë arsye për këtë vendim.

RIA FAN është media më e spikatur e grupit Patriot Media të Prigozhinit, që në përgjithësi mban qëndrime pro-Kremlinit, duke ofruar edhe raportim pozitiv për aktivitetet e Prigozhinit dhe duke sulmuar rivalët si guvernatorin e Shën Petersburgut, Aleksandr Beglov.

Gazeta e kontrolluar nga Prigozhini, Nevskiye Novosti, në Shën Petersburg njoftoi gjithashtu se po e ndërpret publikimin.

Gazeta Kommersant raportoi më 30 qershor se mbikëqyrësi shtetëror i mediave ruse, Roskomnadzor, kishte bllokuar faqet e internetit të mediave të Prigozhinit pa dhënë ndonjë arsyetim për këto veprime.

“Për shkak se ne nuk mund të vazhdojmë të punojmë në internetin rus ose t’i përmbushim detyrimet tona ndaj partnerëve dhe reklamuesve tanë, unë kam marrë vendimin, në bashkëpunim me bordin e grupit Patriot, për të ndaluar publikimin që nga 30 qershori”, tha kryeredaktori i Nevskiye Novosti, Andrei Krasnobayev për Radion Evropa e Lirë.

Ministri i Brendshëm polak Mariusz Kaminski njoftoi sot se 500 policë të tjerë po dërgoheshin në kufirin me Bjellorusinë për shkak të rritjes së tensioneve në javët e fundit. 

“Duke pasur parasysh situatën e tensionuar në kufirin me Bjellorusinë, kam vendosur të forcoj praninë tonë me 500 policë të tjerë nga Forcat e Parandalimit të Kundër Terrorizmit”, ka shkruar ai në llogarinë e tij në Twitter.