Në një kohë kur sipas presidentit Meta lufta me koronavirusin po fitohet shumë shpejt vëmendja duhet të shkojë në një tjetër betejë, tek ajo me një armik të dukshëm siç është procesionaria, një bakter i cili dëmton pishat, por që mund ta japë efekt edhe te njerëzit.

Sipas Metës vetëm duke i kushtuar rëndësi kësaj lufte në kohën e duhur do të mund të shpëtohet pasuria e madhe natyrore e popullit tonë. Konkretisht në rrjetin sociale 'facebook' presidenti Meta shkruan:

"Ndërsa lufta me virusin e padukshëm COVID-19 po përparon dhe do fitohet shumë shpejt, një betejë të gjatë e të vështirë kemi me një armik të dukshëm, procesionarien, që prej kohësh po helmon, degradon dhe po i shkatërron pishat tona të jashtëzakonshme, jo vetëm në Kolonjë e Qarkun e Korçës, por anë e mbanë vendit.
Vetëm duke i kushtuar pa vonesë vëmendjen e duhur kësaj beteje do mund të shpëtojmë këtë pasuri të madhe natyrore të popullit dhe të vendit tonë."