Ndonëse situata e zjarreve është vënë nën kontroll në disa zona, ende ka vatra që vijojnë të jenë problematike. Shefi politik i delegacionit të BE Alexis Hupin ka deklaruar se mbështetja e ofruar në "luftën" me flakët nga Çekia dhe Holanda me 3 helikopterë në kuadër të aktivizimit të Mekanizmit të Mbrojtjes Civile të Bashkimit Europian, ka ndihmuar në vënien nën kontroll të situatës.
"Menduam të takohemi dhe të shohim si është situata. E kemi parë këtë punë të madhe që është bërë nga Çekia dhe Holanda në bashkërendim me mekanizmin e Be për mbrojtjen civile. Në vijim të citoj ministrin i cili tha se puna mund të përshkruhet me fjalën heroike. Jam dakord, është një punë shumë e madhe ajo që është bërë. Tashmë kemi mundur ta kthejmë rrjedhën dhe situata të vihet nën kontroll", tha ai.
Hupin tha se BE dhe shtetet anëtarë të saj do të qëndrojnë pranë vendit tonë në çdo rast nevoje. Gjatë deklaratës shefi politik i delegacionit të BE bëri me dije se është ofruar një program prej 5 milion eurosh për të mbështetur agjencinë kombëtare të mbrojtjes civile.
"Ne si BE por dhe shtetet anëtarë të Be qëndrojmë këtu pranë jush duke u qëndruar krah për krah, Jemi krah jush siç kemi bërë në të shkuarën. Ne ju kemi qndruar në krah që me përmbytjet e 2015, me zjarret, me tërmetin, me covid. Angazhimi ynë ka të bëjë me shpëtimin e jetëve dhe mbrojtjen e mjedisit. Ky është ai lloj partneriteti në kohë të vështira për të dhënë ndihma. Ne e kemi bërë këtë në të shkuarën por do ta bëjmë dhe në të ardhmen. Kemi filluar një program asistence me agjencinë e mbrojtjes civile që do vijojë. Është një program prej 5 milion eurosh për të mbështetur agjencinë kombëtare të mborjtjes civile në mënyrë që të ketë të gjitha kapacitetet e duhura për ta bërë punën siç duhet", tha Hupin.
Në fillim të këtij muaji kanë mbërritur 2 helikopterë nga Holanda dhe 1 nga Çekia për të ndihmuar autoritetet shqiptare për shuarjen e flakëve. Vatrat më problematike sa i përket zjarreve janë në veri. Aktive kemi vatra në Pukë, Lezhë e Kukës por pa rrezik në banesa.
Dy helikopterët e sjellë në Shqipëri në ndihmë të Ministrisë së Mbrojtjes nga qeveria e Holandës do të jenë në dispozicion të autoriteteve shqiptare për shuarjen e zjarreve deri me datën 28 gusht.
Kështu bëri me dije i ngarkuari me punë i ambasadës së Holandës Rogier Nouwen, gjatë një konference për shtyp nga Rinasi, ku foli në lidhje me ndërhyrjen për shuarjen e flakëve në vendin tonë.
Nouwen tha se janë kryer 43 fluturime, dhe 106 orë fluturim, ndërkohë që shifra totale e ujit që është hedhur është 7000 litra.
‘Në fakt ka qenë kënaqësi që ti vijmë në ndihmë Shqipërisë të shpëtojmë jetë, por edhe parqet kombëtare të Shqipërisë. Në bashkëpunim të ngushtë me autoritet shqiptare kemi filluar punën e ngushtë me dy helikopterët që kemi sjellë. Kanë qenë oficerët tanë që në parkun Kombëtar të Llogarasë që arritën të sjellin situatën e zjarreve nën kontroll. Pastaj kanë punuar edhe në vende të tjera. Shumatorja e fluturimeve ka qenë 43 fluturime dhe 106 orë fluturime. Në total shifra uji që është hedhur është 7000 litra.
Këta helikopterë kanë ardhur në Shqipëri për dy javë si dhe duke parë kërkesën që kemi pasur nga autoritetet shqiptare ato do të fillojnë punën e tyre në Shqipëri deri në datën 28 gusht. Ne jemi shpresëplotë dhe do të vijojmë këtë lloj bashkëpunimi që kemi pasur më parë.’- tha Nouwen.
Komente
Lajme të tjera
-
Presidenti italian: Rreziku i ndërhyrjeve të jashtme në Ballkan është tepër i lartë
20 Dhjetor, 07:36 -
Metsola: Ndërhyrja ruse në Ballkanin Perëndimor, ndër shqetësimet tona më të ngutshme të sigurisë
19 Dhjetor, 16:56 -
Ministri i Jashtëm Hasani pret homologun nga Polonia: Zgjerimi i BE, prioritet edhe i presidencës polake
19 Dhjetor, 16:07 -
Samiti/ Rama: Një ditë afrimi i mëtejshëm me Europën, u mbështet fuqimisht plani ynë me KE për mbylljen e negociatave në fund të vitit 2027 (FOTOT)
19 Dhjetor, 09:00 -
Samiti BE-Ballkani Perëndimor/ Publikohet deklarata e përbashkët, ja çfarë u diskutua në Bruksel
18 Dhjetor, 22:53 -
Deklarata e Samitit BE-Ballkani Perëndimor/ Kosova shpreh rezervat, Osmani: Pse nuk dënohet agresioni dhe terrorizmi i sulmit në Banjskë?
18 Dhjetor, 20:44 -
Samiti BE-Ballkani Perëndimor, Costa: Duhet të krijojmë kushtet për zgjerim, por integrimi në bazë të meritës! Von der Leyen: 300 mln euro për reformat
18 Dhjetor, 20:25 -
'Studio Live'/ Qefalia: Shqipëria me hapat e duhur për në BE! Po mendohet shërbimi i detyrueshëm ushtarak! Sidi Hasanaj: Non-gratat përfaqësojnë interesat pro-ruse
18 Dhjetor, 18:16 -
Greqia: Mbështetja jonë për anëtarësimin e Shqipërisë në BE është e kushtëzuar, ne jemi rregullatorët e shpejtësisë
18 Dhjetor, 16:17 -
Dialogu/ Laçak flet pas takimeve në Bruksel: Të themelohet Asociacioni, Serbia të njohë simbolet e Kosovës
18 Dhjetor, 11:20 -
Hapet gara për ndërtimin e hekurudhës Vorë - Hani i Hotit, Gonzato: Ndihmon lëvizjen ekologjike dhe zhvillon turizmin! Shqipëria po ecën me reformat, BE e mbështet
18 Dhjetor, 10:49 -
Çelja e negociatave për Grupkapitullin 6, Rama: Një tjetër ditë krenarie, drejt objektivit të anëtarësimit të Shqipërisë në BE brenda 2030 (FOTOT)
18 Dhjetor, 08:42
Me shume keni bere poza mediatike sesa ndihmuar per zjarret. Me keq se Soreka qe bredh me bus dhe shqipen e ka si gjuhe perkthimi ne Konispol.
Përgjigju