Lufta/ Moska thotë se ukrainasit humbën 260 ushtarë në 24 orë në Kursk

Ministria e Mbrojtjes e Moskës tha se forcat ukrainase që hynë në rajonin Kursk të Rusisë humbën 260 ushtarë në 24 orët e fundit, si dhe 31 automjete të blinduara, duke përfshirë tre tanke. Ministria shton se shtatë sulme nga brigadat e 80-të dhe të 82-të të sulmit ajror të Forcave të Armatosura të Ukrainës u zmbrapsën në rajonet e vendbanimeve Martynovka, Borki dhe Korenevo.

Për më tepër, në rajonin Kauchuk, u ndaluan përpjekjet për të depërtuar me automjete të blinduara thellë në territorin rus. Aviacioni dhe artileria ruse goditën gjithashtu personelin dhe pajisjet e brigadave të mekanizuara 22, 61, 115 në nëntë zona ku po zhvillohen luftimet. Forcat ajrore dhe raketore, përfundon deklarata e Ministrisë së Mbrojtjes Ruse, bombarduan gjithashtu rezervat e forcave të armatosura ukrainase në zonat e Miropol, Mogritsa dhe Drobnovshchyna në rajonin Sumy.

Lajmi kryesor:

Kievi 7 ditë luftë në token ruse, Putin thërret takim në Kremlin: Ukraina do avantazh në negociatat e ardhshme! Guvernatori: Kontrollon 28 fshatra në Kursk

S.G/Shqiptarja.com

TAG:
• lufta ne ukraine
• Rusi