Një sulm izraelit goditi një shkollë në qytetin e Gazës dje. Autoritetet shëndetësore palestineze raportojnë 93 viktima, duke përfshirë 11 fëmijë dhe 6 gra. Hamasi thotë se masakra përfaqëson një përshkallëzim të rrezikshëm.
Por, Izraeli e justifikon sulmin duke thënë se në shkollën që u sulmuan strehoheshin militantë të Hamasit. Sipas Izarelit bilanci i viktimave nga Hamasi është i ekzagjeruar, dhe sipas tyre kanë vrarë 20 militantë të Hamasit.
Sulmi ajror i së shtunës është kritikuar nga fuqitë perëndimore dhe rajonale, me Egjiptin që tha se tregoi se Izraeli nuk kishte dëshirë të arrinte një armëpushim ose t'i jepte fund luftës në Gaza.
‘I tmerruar nga imazhet,’ shkroi Përfaqësuesi i Lartë i BE-së, Josep Borrell, në X.
‘E papranueshme’, thotë ministri i Jashtëm , italian, Antonio Tajani.
Edhe Zëvendëspresidentja e SHBA-së Kamala Harris ka dënuar humbjen e jetës së civilëve dhe përsëriti thirrjet për një marrëveshje pengjesh dhe një armëpushim.
Harris tha se Izraeli kishte të drejtën të "ndiqte Hamasin", por gjithashtu ka "një përgjegjësi të rëndësishme" për të shmangur viktimat civile.
Ministria e Jashtme e Katarit e cilësoi sulmin si një “masakër të tmerrshme”.
Shtetet e Bashkuara, Egjipti dhe Katari kanë planifikuar mbajtjen të enjten të një raundi të ri bisedimesh për armëpushim në Gazë, ndërsa shtohet shqetësimi për një zgjerim të konfliktit që mund të përfshijë Iranin dhe grupin libanez Hezbollah.
Kryeministri izraelit Benjamin Netanyahu, i cili ka thënë se nuk do t’i japë fund luftës derisa Hamasi të mos përbëjë më kërcënim për izraelitët, tha se do të dërgonte një delegacion.
Ndërkohë Izraeli ka marrë indikacione se udhëheqësi i Hamasit, Yahya Sinwar është i interesuar për një marrëveshje për armëpushimin në Gaza dhe lirimin e pengjeve, sipas një burimi izraelit që foli për Haaretz .
"Çështja është nëse Netanyahu e dëshiron atë apo nëse ai do t'i përmbahet ultimatumit të Ben-Gvir , i cili premtoi të tërhiqet nga qeveria në rast të një marrëveshjeje me Hamasin. A do të ngrihet Netanyahu në këtë rast dhe do të çojë në lirimin e pengje apo do të preferojë të shpëtojë koalicionin e tij”, tha burimi.
Forcat mbrojtëse të Izraelit (IDF) urdhëruan evakuimin e palestinezëve në zonën Khan Younis, duke ndryshuar më tej kufijtë e zonës humanitare të përcaktuar nga Izraeli.
Lagjja al-Jalaa nuk do të konsiderohet më pjesë e zonës humanitare, raporton Times of Israel, pasi ushtria ka bërë të ditur se synon të përqendrojë aktivitetet e Hamasit atje.
"Për shkak të shumë akteve të terrorizmit, shfrytëzimi i zonës humanitare për aktivitete terroriste dhe sulmet me raketa kundër Izraelit nga lagjja al-Jalaa, qëndrimi në këtë zonë është bërë e rrezikshme," thotë IDF.
Burimet tregojnë se Hamasi ka inkorporuar infrastrukturën terroriste në zonë. Sipas IDF, paralajmërimi i hershëm synon të zbusë dëmin ndaj civilëve.
“Ne do të operojmë kundër organizatave terroriste në zonë dhe për këtë arsye i bëjmë thirrje popullatës që ka mbetur në lagjen al-Jalaa të evakuohet përkohësisht në zonën e modifikuar humanitare”, thotë ushtria.
Apelet e IDF-së për civilët komunikohen nëpërmjet fletëpalosjeve të lëshuara nga avionët, mesazheve SMS, telefonatave dhe transmetimeve mediatike.
Sipas një burimi ushtarak të cituar nga Times of Israel, IDF u ka thënë spitaleve në zonë se nuk kanë nevojë të evakuohen.
Ministria e Komunikimit izraelite, bllokon kanalin libanez Al Mayadeen
Qeveria izraelite ka miratuar një propozim për të bllokuar kanalin libanez të lajmeve Al Mayadeen të lidhur me Hezbollahun.
Ministri i Komunikimit Shlomo Karhi nënshkroi një urdhër për konfiskimin e pajisjeve të transmetuesit dhe bllokimin e faqeve të internetit. Zëdhënësi i ministrit deklaroi se vendimi u mor pas "rishfaqjes së militantëve të Hamasit, duke u paraqitur si gazetarë",
duke iu referuar faktit se një reporter i dyshuar i Al Mayadeen transmetoi nga fshati Druze i Majdal Shams një ditë pasi një raketë e lëshuar nga Libani vrau 12 fëmijë dhe adoleshentë që luanin në një fushë futbolli një muaj më parë.
Në transmetimin e saj, reporterja Hanaa Mahameed nga al Mayadeen pretendoi se fëmijët ishin goditur nga një sulm izraelit.
Nëntorin e kaluar, kanali u mbyll pas një votimi të Kabinetit të Sigurisë, në përputhje me rregulloret e urgjencës që lejojnë qeverinë të mbyllë transmetuesit e huaj që konsiderohen se dëmtojnë sigurinë kombëtare.
Megjithatë, masa kishte skaduar në janar. Ndërkohë, bllokimi mbetet për Al Jazeera.
Olaf Scholz me Benjamin Netanyahu
Kancelari gjerman, Olaf Scholz , i telefoni kryeministrit izraelit, Benjamin Netanyahu dhe i kërkoi të ‘ndalojë këtë cikël shkatërrues dhune në Lindjen e Mesme’ kështu thuhet në një komunikatë nga qeveria gjermane.
Scholz, sipas deklaratës, i bëri thirrje Netanyahut të arrijë një marrëveshje armëpushimi dhe për lirimin e të mbijetuarve të mbajtur peng nga Hamasi.
‘Në luftën kundër Hamasit ka pasur mjaft arritje ushtarakisht, mirëpo viktimat mes civilëve dhe vuajtja njerëzore në Gaza janë të jashtëzakonshme’, i ka përsëritur Scholz gjatë telefonatës së tij me kryeministrin e Tel Avivit.
“Përfundimi i luftës në Gaza do të ishte një hap deciziv drejt zbrapsjes se këtij përshkallëzimi në rajon”
Lajme të tjera
-
Arrestohet shqiptarja në Londër! Shkoi në protestat pro-Palestinës, dëmtoi kompaninë izraelite të armëve
23 Nëntor, 17:27 -
DW: Arrestimi i Netanjahut në Gjermani vështirë të përfytyrohet
23 Nëntor, 12:43 -
LIban/ Izraeli sulmon Bejrutin me raketa ‘bunker busters’, synonin oficerin e lartë të Hezbollahut! 16 viktima
23 Nëntor, 09:33 -
Lufta/ Bombardimet në Liban, një tjetër sulm ndaj forcave paqeruajtëse të UNIFIL, raportohet për 4 ushtarë të plagosur në bazën italiane! Reagojnë Meloni e Borrell
22 Nëntor, 16:28 -
Kryeministri i Hungarisë zotohet të shpërfillë urdhër arrestin ndërkombëtar për homologun izraelit, Orban: Do e ftoj Netanyahun, por s’do e zbatoj vendimin e gjykatës
22 Nëntor, 11:41 -
GJNP urdhër-arrest ndaj Netanjahut dhe ish-ministrit të Mbrojtjes Gallant! Çfarë do të thotë kjo dhe çfarë pasojash mund të ketë ndaj Izraelit?
22 Nëntor, 09:39 -
Urdhërarresti për Netanjahun dhe ish-ministrin e Mbrojtjes, Biden: Skandaloz! 44 mijë viktima në 13 muaj luftë
22 Nëntor, 07:28 -
Netanyahu reagon për mandat arrestin: Vendim atisemitik! Ai mund të arrestohet në 124 shtete të botës, përfshirë Shqipërinë
21 Nëntor, 17:34
-
Lufta/ Gjykata e Hagës lëshon urdhërarrest për kryeministrin izraelit, Netanyahu, ish ministrin Gallant dhe liderin e Hamasit! Në akuzë për krime lufte
21 Nëntor, 13:16 -
Lufta/ Dhjetëra të vrarë nga bombardimet izraelite në veri të Gazës! Senati amerikan i jep dritën jeshile shitjes së tankeve Izraelit
21 Nëntor, 07:17 -
Lufta/ Izraeli bombardon nga ajri në Siri dhe Gaza, 43 të vrarë dhe mbi 50 të plagosur!
20 Nëntor, 21:15 -
Lideri i Hezbollah: Do të godasim qendrën e Tel Avivit
20 Nëntor, 16:31
