Planet përfundimtare për aksionin ushtarak në Rafah dhe kampet refugjatëve në Rripin qendror të Gazës janë miratuar nga Shefi i Shtabit të Forcave të Mbrojtjes së Izraelit, gjeneral-lejtnant Herzi Halevi.
Sipas faqes së lajmeve Ynet, tanket izraelite janë vendosur në kufirin e Gazës dhe janë gati të marrin dritën jeshile për të filluar ofensivën e diskutueshme, të cilën Izraeli e konsideron si shtytjen e fundit të nevojshme për të zhdukur forcat luftarake të Gazës.
Ndërkohë delegacioni i Hamasit është larguar nga Kajro dhe do të kthehet me përgjigjen për propozimin e armëpushimit në Gaza dhe do të japë një përgjigje me shkrim.
Perëndimorët dhe disa vende arabe po bëjnë presion që Hamasi të thotë po propzimit të armëpushimit.
Ndërsa presidenti amerikan Joe Biden i ka kërkuar Katarit dhe Egjiptit të bëjnë çdo përpjekje për lirimin e pengjeve, pasi sipas tij është e vetmja pengesë për armëpushim.
Shefi i Kombeve të Bashkuara, Antonio Guterres, i bëri thirrje Izraelit që të mos e pushtojë qytetin jugor të Gazës, Rafahun.
Kjo thirrje e Guterres erdhi pasi kryeministri izraelit, Benjamin Netanyahu, tha se do ta pushtojë Rafahun pavarësisht nëse arrihet ose jo një marrëveshje me Hamasin – grupin palestinez të shpallur organizatë terroriste nga Shtetet e Bashkuara dhe Bashkimi Evropian – për lirimin e pengjeve.
Sekretari amerikan i Shtetit, Antony Blinken, ka mbërritur në aeroportin “Ben Gurion”, afër Tel Avivit, dhe nesër do të takohet me kryeministrin izraelit Benjamin Netanyahu në Jeruzalem për të diskutuar, ndër të tjera, për përpjekjet për të arritur një armëpushim midis Izraelit dhe Hamasit.
Blinken do të vizitojë edhe portin e Ashdod, nga ku mbërrijnë ndihmat humanitare në enklavën palestineze, siç njoftoi Presidenca e Këshillit të Ministrave.
Antony Blinken
Sekretari amerikan i Shtetit, Antony Blinken, ka mbërritur në aeroportin “Ben Gurion”, afër Tel Avivit, dhe nesër do të takohet me kryeministrin izraelit Benjamin Netanyahu në Jeruzalem për të diskutuar, ndër të tjera, për përpjekjet për të arritur një armëpushim midis Izraelit dhe Hamasit.
Blinken do të vizitojë edhe portin e Ashdod, nga ku mbërrijnë ndihmat humanitare në enklavën palestineze, siç njoftoi Presidenca e Këshillit të Ministrave.
Para takimit me Netanyahun në Jeruzalem, diplomati amerikan do të pritet nga presidenti izraelit Isaac Herzog.
Vizita e tij vjen në një moment kyç në mesin e bisedimeve për armëpushim në Gaza, të ndërmjetësuara nga Katari, Shtetet e Bashkuara dhe Egjipti.
Sipas mediave të huaja, marrëveshja përfshin përfshin shkëmbimin e 33 pengjeve të gjalla për një numër të pacaktuar të burgosurish palestinezë, si dhe kthimin e palestinezëve të zhvendosur në veri të Gazës.
Antonio Guterres
Shefi i Kombeve të Bashkuara, Antonio Guterres, i bëri thirrje Izraelit që të mos e pushtojë qytetin jugor të Gazës, Rafahun.
Kjo thirrje e Guterres erdhi pasi kryeministri izraelit, Benjamin Netanyahu, tha se do ta pushtojë Rafahun pavarësisht nëse arrihet ose jo një marrëveshje me Hamasin – grupin palestinez të shpallur organizatë terroriste nga Shtetet e Bashkuara dhe Bashkimi Evropian – për lirimin e pengjeve.
“Një operacion ushtarak në Rafah do të ishte një përshkallëzim i padurueshëm, duke vrarë mijëra civilë të tjerë dhe duke detyruar qindra mijëra të tjerë të largohen”, tha Guterres për gazetarët më 30 prill.
Një operacion i tillë, “do të kishte ndikim shkatërrues ndaj palestinezëve në Gazë, me pasoja serioze në Bregun e pushtuar Perëndimor dhe në mbarë rajonin”, tha Guterres.
“Të gjithë anëtarët e Këshillit të Sigurimit dhe shumë qeveri të tjera qartazi kanë shprehur kundërshtimin e tyre për një operacion të tillë. U bëj thirrje të gjithë atyre që kanë ndikim ndaj izraelit që të bëjnë gjithçka që munden që të parandalojnë një operacion të tillë”.
Më herët gjatë ditës, Netanyahu premtoi se ushtria izraelite do të nisë një ofensivë tokësore në Rafah për të shkatërruar, siç tha ai, batalionet e Hamasit në këtë qytet.
Në Rafah, mbi gjysma e popullsisë prej 2.3 milionë banorësh të Gazës që po strehohet. Komuniteti ndërkombëtar, përfshirë Shtetet e Bashkuara, kanë paralajmëruar Izraelin që të mos kryejë ofensivë në këtë qytet dhe të rrezikojë civilët.
Lufta në Gazë nisi pasi më 7 tetor Hamasi sulmoi jugun e Izraelit, duke vrarë afër 1.200 persona dhe duke rrëmbyer afër 250 të tjerë. Izraeli thotë se grupi radikal palestinezë ende po mban afër 100 pengje, përfshirë mbetjet mortore të më shumë se 30 personave.
Ofensiva izraelite në Gazë ka vrarë më shumë se 34.000 palestinezë, sipas zyrtarëve lokalë shëndetësorë. Lufta ka detyruar 80 për qind të popullatës së Gazës që të largohen nga shtëpitë e tyre, ka shkaktuar shkatërrim të madh dhe ka shtyrë banorë në veri të enklavës buzë urisë./ REL
Kryeministri izraelit Benjamin Netanyahu ka deklaruar, gjatë një takimi me përfaqësuesit e familjeve të pengjeve se "ideja për t'i dhënë fund luftës përpara se të arrijmë të gjitha objektivat tona është e papranueshme”.
“Ne do të hyjmë në Rafah dhe do të asgjësojmë të gjithë batalionet e Hamasit me ose pa marrëveshje, për të arritur fitoren totale” shtoi ai.
Lajme të tjera
-
DW: Arrestimi i Netanjahut në Gjermani vështirë të përfytyrohet
23 Nëntor, 12:43 -
LIban/ Izraeli sulmon Bejrutin me raketa ‘bunker busters’, synonin oficerin e lartë të Hezbollahut! 16 viktima
23 Nëntor, 09:33 -
Lufta/ Bombardimet në Liban, një tjetër sulm ndaj forcave paqeruajtëse të UNIFIL, raportohet për 4 ushtarë të plagosur në bazën italiane! Reagojnë Meloni e Borrell
22 Nëntor, 16:28 -
Kryeministri i Hungarisë zotohet të shpërfillë urdhër arrestin ndërkombëtar për homologun izraelit, Orban: Do e ftoj Netanyahun, por s’do e zbatoj vendimin e gjykatës
22 Nëntor, 11:41 -
GJNP urdhër-arrest ndaj Netanjahut dhe ish-ministrit të Mbrojtjes Gallant! Çfarë do të thotë kjo dhe çfarë pasojash mund të ketë ndaj Izraelit?
22 Nëntor, 09:39 -
Urdhërarresti për Netanjahun dhe ish-ministrin e Mbrojtjes, Biden: Skandaloz! 44 mijë viktima në 13 muaj luftë
22 Nëntor, 07:28 -
Netanyahu reagon për mandat arrestin: Vendim atisemitik! Ai mund të arrestohet në 124 shtete të botës, përfshirë Shqipërinë
21 Nëntor, 17:34
-
Lufta/ Gjykata e Hagës lëshon urdhërarrest për kryeministrin izraelit, Netanyahu, ish ministrin Gallant dhe liderin e Hamasit! Në akuzë për krime lufte
21 Nëntor, 13:16 -
Lufta/ Dhjetëra të vrarë nga bombardimet izraelite në veri të Gazës! Senati amerikan i jep dritën jeshile shitjes së tankeve Izraelit
21 Nëntor, 07:17 -
Lufta/ Izraeli bombardon nga ajri në Siri dhe Gaza, 43 të vrarë dhe mbi 50 të plagosur!
20 Nëntor, 21:15 -
Lideri i Hezbollah: Do të godasim qendrën e Tel Avivit
20 Nëntor, 16:31 -
Takimi i G20, përparësi ndryshimet klimatike dhe ulja e varfërisë
20 Nëntor, 16:06
