Lufta në Gaza/ Media: Bisedimet për një armëpushim do të rifillojnë nesër në Doha! Mbi 31 mijë palestinezë të vrarë dhe afro 74 mijë të plagosur që nga fillimi i luftës

Gaza

Negociatat për një armëpushim në Gaza dhe lirimin e pengjeve mund të rifillojnë nesër pasdite në Doha të Katarit.

Kështu bëjnë të ditur burime egjiptiane të cituara nga mediat izraelite sipas të cilave ato do të vazhdojnë deri të hënën.

Nëse lajmi konfirmohet, do të jetë rifillimi i parë i negociatave që kanë ngecur para fillimit të muajit të Ramazanit.

Kryeministri izraelit Benjamin Netanyahu edhe pse i cilësoi kërkesat e fundit të Hamasit si "të pabaza", vendosi të dërgojë një delegacion në Doha.

Objektivi i ndërmjetësuesve - SHBA, Egjipti dhe Katari - është të arrijnë një armëpushim 6-javor, ndërsa Hamasi ka propozuar një marrëveshje me tre faza.

Në qendër të Rripit të Gazës, një familje sapo kishte festuar të Premten e parë të Ramazanit dhe po përgatiste vaktin e mëngjesit para fillimit të agjërimit, kur një bombardim izraelit vrau 36 anëtarë të tyre.

"Nëna ime, babai im, tezja ime, vëllezërit e mi,"- tha 19-vjeçari Mohammad al-Tabatibi teksa tregonte trupat e vendosur në spitalin Al-Aqsa de Deir al-Balah.

Shtëpia, e cila ndodhej në kampin e refugjatëve Nuseirat, u bombardua ndërsa e gjithë familja e Mohammadit, po përgatitej të hante syfyr.

Mes të vdekurve ka edhe disa fëmijë, por jo të gjithë trupat janë gjetur.

 Lajmi i konfirmuar nga i riu është bërë i ditur nga Ministria e Shëndetësisë nw Gaza qw udhwhiqet nga Hasm.