Lufta në Kavajë, Presidenti: Të rritet gatishmëria e policisë për të garantuar sigurinë

Lufta në Kavajë, Presidenti: Të rritet gatishmëria e policisë për të garantuar sigurinë

Ngjarja e sotme në Kavajë, ku u vra një 50 vjeçar dhe mbetën të plagosur shtatë të tjerë si pasojë e sulmeve me armë mes dy grupeve, solli reagime edhe nga politika në vend.

Rendit zhvillimet sipas orarit:
Ora 16:10
Vrasja në Kavajë/ Pampuri: Qytetari nuk është i sigurtë as tek dyqani i lagjes

Ish-deputetja e PD-së Orjola Pampuri teksa shprehu ngushëllimet për familjen e Ramazan Hasalliut, i cili u vra sot si pasojë e sulmeve në Kavajë tha, që kjo ngjarje tregon se jeta e qytetarëve nuk është e sigurtë as te dyqani i lagjes.

"Shqipëria vendi, ku jeta e një qytetari nuk është e sigurtë as tek dyqani i lagjes. Sa herë në Shqipëri ka ngjarje të renda, përplasje bandash, apo viktima si Ramazani i ndjerë sot në Kavajë, tronditja dhe pasiguria janë ndjesitë më të forta që na përfshijnë.

Por bilanci i luftës në Kavajë sot, me 1 viktimë të pafajshme, që po blinte bukën e familjes në dyqanin e lagjes dhe me disa të plagosur, është revoltues. Ai provon sa të pasigurtë jemi ne, familjaret tanë, fëmijët tanë, kur qeveria heq dorë nga puna e saj dhe bëhet ortake me krimin për të ruajtur karrigen e paligjshme.

Krimi i sotëm me një viktime të pafajshme mund të mos kishte ndodhur, nëse qeveria, ministri i brendshem dhe policia nuk do të ishin të përqëndruar të godasin kundërshtaret politikë, të bëjnë terror nëpër qytete, por të parandalonin krimet dhe të vendosnin rregull.

Duke u shprehur ngushëllime të sinqerta familjarëve të Ramazanit të ndjerë, shpreh bindjen se e vetmja mënyrë për të shpëtuar veten dhe vendin nga kjo pasiguri si në kohë lufte, është të largojmë këtë qeveri."- shkroi Pampuri në rrjetin social Facebook.

Ora 16:07
Lufta në Kavajë, Presidenti: Të rritet gatishmëria e policisë për të garantuar sigurinë

Pas luftës mes bandave në Kavajë ka reaguar politika. Presidenti Meta thekson domosdoshmërinë e rritjes së gatishmërisë së Policisë së Shtetit dhe agjencive ligjzbatuese, për të marrë të gjitha masat e duhura për garantimin e sigurisë publike.

"Presidenti i Republikës Ilir Meta shpreh shqetësimin e thellë për ngjarjen tepër të rëndë dhe tragjike, të ndodhur sot në qytetin e Kavajës, ku një qytetar i pafajshëm humbi jetën dhe disa qytetarë të tjerë u plagosën.

Presidenti Meta pati një bisedë telefonike me Kryetarin e Bashkisë së Kavajës, z.Isa Sakja dhe i kërkoi t’i përcjellë ngushëllimet dhe solidaritetin e Tij më të sinqertë të afërmve dhe familjarëve të qytetarit që humbi jetën, si dhe u uron shërim të shpejtë të gjithë të plagosurve.

Presidenti Meta kërkon nisjen e menjëhershme të hetimeve për këtë ngjarje të rëndë, zbardhjen e shpejtë dhe të plotë të saj, si dhe vënien para përgjegjësisë të autorëve.

Presidenti Meta thekson domosdoshmërinë e rritjes së gatishmërisë së Policisë së Shtetit dhe agjencive ligjzbatuese, për të marrë të gjitha masat e duhura për garantimin e sigurisë publike në vend dhe parandaluar përsëritjen e ngjarjeve të tilla kaq të rënda e tragjike"  shkruan Meta. 

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • xreport: 04/07/2019 14:17

    si urdhero mbret,..... jam dakort qe siguria do te rritej kur te arrestohesh ti me piken e dobet te tenden Sali Berisha

    Përgjigju
  • Policiajone: 04/07/2019 13:57

    Policia eshte duke u mare me çorben qe gatove ti .luli .saliu edhe jotshoqe o derdimen ske goje te flasesh sepse sje i denje as per kryetar fshati jo per president

    Përgjigju
  • Likja: 04/07/2019 13:53

    Do e rrisesh ti sigurine me ato pacavuret qe firmos perdite qe e cove popullin ne vellavrasje,ty po te pjer*** shume sidomos me shqiponjen me duart e tua te shpifura e te zhytura ne vjedhje marramendese qe mos i hengsh.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Durrah City', Qeveria akordon 900 mijë euro për akademinë e futbollit

'Durrah City', Qeveria akordon 900 mijë euro për akademinë e futbollit