Lufta në Siri,vriten 4 infermierë 
Tensione dhe akuza Rusi-SHBA

E ndërsa  Moska dhe Washingtoni vijojnë tia hedhin fajin njëra - tjetrës situata në Siri sa vjen edhe rëndohet.  Të paktën 4 infermierë  vullnetarë dhe 9 ushtarë rebelë  u vranë gjatë sulmeve ajrore  në një klinikë në Aleppo.  Observatori sirian për të drejtat e njeriut bëri me dije se sulmet prekën një qytet në jug lindje të kryeqytetit  zonë e kontrolluar nga rebelët.

Sulmi vjen vetëm dy ditë pas bombardimit të kamionit humanitar ku humbën jetën 20 civilë  dhe për  këtë masakër SHBA fajëson direkt Rusinë.  Madje i ashpër ka qënë edhe presidenti Obama në fjalën e mbajtur në OKB i cili tha se ne po shohim ende Rusinë që përpiqet të rikuperojë lavdinë e humbur përmes forcës.

Fjalët e ashpra ndaj Rusisë tregojnë edhe njëherë se sa pak progres është bërë për pajtimin e interesave mes dy superfuqive botërore, që kanë lejuar krizën siriane të acarohet ndër vite.Krahas bombardimeve e rëndë mbetet gjendja e të gjithë banorëve të cilët presin ndihmat e anuluara.

Redaksia online
(E.M/Shqiptarja.com)