Lufta në Ukrainë/ Dëmtimet në tubacionet e Nord Stream 1 dhe 2, çmimet e gazit arrijnë nivele të larta! Von der Leyen: Paketë e re 7.5 mld sanksionesh kundër Rusisë

Shtetet e Bashkuara po përgatisin një paketë të re armësh prej 1.1 miliardë dollarësh për Ukrainën në pritje të njoftimit të Rusisë për aneksimin e territoreve ukrainase.

Kjo u raportua nga burime të administratës për agjencinë Reuters. Administrata po përgatit gjithashtu sanksione të reja kundër Moskës në përgjigje të referendumeve.

Në Ukrainë është dita e 217 e luftës. Dy rrjedhje gazi nga Nord Stream 1 dhe Nord Stream 2, janë regjistruar në detin Baltik, të cilat tashmë po bëhen një intrigë ndërkombëtare.

Qeveria daneze ngre nivelin e alarmit, ndërsa qeveria gjermane beson se është e mundur që tubacionet të jenë dëmtuar nga sulmet ruse. Dyshohet se rusët kanë kryer atentat në fund të detit kundër tubacioneve të gazsjellësit Nord Stream 1 dhe Nord Stream 2.

Pista më e besueshme është ajo e një sulmi të kryer nga duart e zhytësve të marinës ose me një nëndetëse ruse. Instituti suedez sizmik raporton se dy shpërthime nënujore janë regjistruar "me shumë gjasa për shkak të shpërthimeve". Megjithatë asnjë nga tubacionet nuk furnizon aktualisht me gaz Evropën, por incidentet ngrenë shqetësime për sigurinë.

Këshilli i Federatës Ruse, dhoma e lartë e Parlamentit të Moskës, mund të votojë më 4 tetor aneksimin e rajoneve ukrainase të Lugansk, Donetsk, Kherson dhe Zaporizhzhia, nëse rezultati i referendumeve të mbajtura nga autoritetet pro-ruse dhe jo të njohura nga komuniteti ndërkombëtar, do të jenë pro aneksimit. Sipas të dhënave të para të publikuara nga pro-rusët, mbi 95% e votuesve votuan pro aneksimit në Moskë.

Ditën e sotme, Presidentja e Komisionit Evropian Ursula von der Leyen propozoi sanksione të reja kundër Rusisë për luftën e saj kundër Ukrainës, duke përfshirë kufizime të mëtejshme tregtare, 'lista të zeza' individuale dhe një kufi të çmimit të naftës për vendet e treta. Propozimi tani do t'i shkojë 27 vendeve anëtare të bllokut, të cilat do të duhet të arrijnë unanimitet për t'i zbatuar ato.

Rendit zhvillimet sipas orarit:
Ora 18:47
Referendumet e Rusisë në Ukrainë, Vuçiç: Serbia nuk do t'i njohë rezultatet e tyre

"Serbia nuk do të njohë rezultatet e referendumeve të mbajtura në katër rajone të Ukrainës të pushtuara pjesërisht nga forcat ruse, tha të mërkurën presidenti Aleksandar Vuçiç, pavarësisht lidhjeve miqësore mes Beogradit dhe Moskës.

"Serbia ... nuk do ta njohë atë (referendumet) pasi i përmbahet ligjit ndërkombëtar, Kartës së Kombeve të Bashkuara dhe rezolutat e OKB-së," u shpreh Vuçiç.

 

Ora 17:57
Dëmtimet në tubacionet e Nord Stream 1 dhe 2, çmimet e gazit arrijnë nivele të larta

Çmimi i gazit natyror evropian është rritur pas dëmit që pësuan tubacionet e Nord Stream, mes frikës në rritje për mungesën e hidrokarbureve gjatë dimrit.

Standardi evropian i gazit, TTF holandez, u rrit me më shumë se 10% të mërkurën për t'iu afruar 210 €/MWh (për megavat orë) pas një rritje prej 7% një ditë më parë, duke përmbysur trendin rënës të kohëve të fundit. Çmimet janë ende nën majat e këtij viti, por mbeten më shumë se 200% më të larta se në fillim të shtatorit 2021.

Tre rrjedhje të të gazit të veçanta nga tubacionet Nord Stream 1 dhe 2 pasi sizmologët raportuan shpërthime nën Detin Baltik, të përshkruara nga zyrtarët në të gjithë Evropën si një sulm i qëllimshëm.

Një sizmografi në ishullin danez të Bornholm, afër vendit ku ndodhën rrjedhjet, regjistroi dy herë goditje të hënën, ditën në të cilën tubacionet e gazit Nord Stream 1 dhe 2 pësuan rënie dramatike të presionit, tha qendra gjermane e kërkimeve gjeologjike GFZ.

Rrjeti Kombëtar Sizmik Suedez (SNSN) regjistroi dy shpërthime të dallueshme në afërsi të Bornholm, ekuivalente me një tërmet me magnitudë 1.8 ballë, me një shpërthim të dytë, më të madh, duke regjistruar një tërmet ekuivalent me magnitudë 2.3.

“Sinjalet nuk ngjajnë me sinjalet e tërmeteve. Ato ngjajnë me sinjalet e regjistruara zakonisht nga shpërthimet, "tha Shërbimi Gjeologjik i Danimarkës dhe Grenlandës (GEUS).

Pamjet e publikuara nga Komanda Daneze e Mbrojtjes treguan një vorbull gazi flluskues rreth gjysmë milje në diametër në sipërfaqen e Detit Baltik. Metani, përbërësi kryesor i gazit natyror, tretet pjesërisht në ujë, nuk është toksik dhe nuk krijon rrezik kur thithet në sasi të kufizuar. Megjithatë, një zonë përjashtimi prej pesë miljesh për transportin e anijeve është krijuar rreth Bornholm dhe fluturimet nën 1000 m janë ndaluar në zonë.

Ora 16:49
Von der Leyen propozon paketë të re sanksionesh nga BE-ja kundër Rusisë

Presidentja e Komisionit Evropian Ursula von der Leyen propozoi të mërkurën sanksione të reja kundër Rusisë për luftën e saj kundër Ukrainës, duke përfshirë kufizime të mëtejshme tregtare, 'listime të zeza' individuale dhe një kufi të çmimit të naftës për vendet e treta.

Propozimi tani do t'i shkojë 27 vendeve anëtare të bllokut, të cilat do të duhet të arrijnë unanimitet për t'i zbatuar ato.

Kjo mund të marrë kohë pavarësisht se BE-ja është nxitur në veprim nga mobilizimi i pjesshëm ushtarak i Rusisë, kërcënimet bërthamore ndaj Perëndimit dhe lëvizja për të aneksuar një pjesë të Ukrainës.

"Ne nuk pranojmë referendumet e rreme dhe asnjë lloj aneksimi në Ukrainë. Dhe ne jemi të vendosur të bëjmë Kremlinin të paguajë çmimin për këtë përshkallëzim të mëtejshëm," u tha von der Leyen gazetarëve.

"Ne po propozojmë një paketë të re sanksionesh shtrënguese kundër Rusisë."

Më herët të mërkurën, një këshilltar i lartë ekonomik i presidentit ukrainas Volodymyr Zelensky i bëri thirrje BE-së të shkurtojë më tej flukset e parave në Rusi nga shitjet e karburanteve fosile.

Grupi G7 i vendeve të industrializuara, ku vendet e BE-së, Italia, Franca dhe Gjermania janë gjithashtu anëtarë, tashmë kanë rënë dakord të vendosin një kufi të tillë të çmimit të naftës përmes siguruesve.

"Nëse nuk po bëni asgjë, kjo do të thotë se thjesht po e zgjatni këtë luftë me Ukrainën, kjo është thjesht qesharake, e gjithë bota e civilizuar duhet të jetë e bashkuar për këtë," u tha gazetarëve Oleg Ustenko.

Ndërsa BE-ja tashmë ka rënë dakord të ndalojë importin e naftës ruse duke filluar nga fundi i këtij viti, Ustenko tha se "paratë e gjakut" do të vazhdojnë të rrjedhin në Moskë nëse kompanitë evropiane nuk ndalohen të sigurojnë dërgesat në det.

Ora 16:19
Erdogan bisedë telefonike me Zelenskyn, dënon 'referendumet' e Rusisë në Ukrainë

Presidenti turk Rexhep Recep Tayyip Erdoğan kritikoi "referendumet e njëanshme" të Rusisë në zonat e pushtuara të Ukrainës në një bisedë telefonike me presidentin ukrainas Volodymyr Zelensky.

Erdogan i përshkroi referendumet si një "burim shqetësimi" që "do ta bënte të vështirë ringjalljen e procesit diplomatik".

“Mbajtja e referendumeve të njëanshme në rajonet ukrainase që janë nën kontrollin rus do të dëmtojë përpjekjet që synojnë ringjalljen e procesit diplomatik, theksoi Presidenti, duke shtuar se Turqia është e gatshme të ofrojë çdo lloj mbështetjeje për zgjidhjen e luftës përmes negociatave paqësore”, tha Erdogan.

Presidenti i Turqisë, Recep Tayyip Erdoğan, foli në telefon me Presidentin e Ukrainës Volodymyr Zelensky për të diskutuar shkëmbimin e suksesshëm të të burgosurve, situatën në termocentralin bërthamor të Zaporizhia (NPP), si dhe referendumet e rreme të organizuara nga Rusia në territoret e pushtuara përkohësisht të Ukrainës.

"Presidenti i Turqisë Rexhep Tajip Erdogan foli në telefon me Presidentin e Ukrainës Volodymyr Zelensky. Telefonata trajtoi zhvillimet e fundit në luftën Rusi-Ukrainë. Presidenti Erdogan vuri në dukje se është shumë i lumtur që kur është kryer shkëmbimi i të burgosurve të luftës midis Rusisë dhe Ukrainës doli me sukses pas një periudhe të gjatë përgatitjesh”, tha shërbimi për shtyp i presidentit turk në Twitter.

Duke tërhequr vëmendjen për funksionimin e suksesshëm të marrëveshjes për dërgimin e grurit ukrainas përmes Detit të Zi, Erdogan theksoi se "një qasje e ngjashme mund të merret për sa i përket Zaporizhias dhe përsëriti ofertën e Turqisë për të vepruar si ndërmjetës dhe lehtësues për formimin e një centrali të çmilitarizuar në zonë rreth termocentralit”.

Ora 15:45
Putin shpalli mobilizim të pjesshëm ushtarak, por ushtarëve u jepen armë të ndryshkura dhe detyrohen të flenë në stola! (VIDEO)

Që kur presidenti rus Vladimir Putin njoftoi mobilizimin e pjesshëm ushtarak në Rusi, në internet kanë qarkulluar imazhe që shfaqin rekrutime e paligjshme në ushtrisë ruse.

Disa të rinj të thirrur në ushtri janë ankuar se janë detyruar të blejnë vetë thasët e tyre të gjumit dhe medikamentet. Të tjerë kanë postuar video që tregojnë se si ushtarët detyrohen të flenë në stola ose në dysheme, sepse kazermat e tyre nuk kanë shtretër.  Disa të tjerë kanë raportuar se u janë dhënë armë të ndryshkura dhe janë dërguar në front pa asnjë trajnim, dhe ky është një vështrim i brendshëm në gjendjen e vërtetë të ushtrisë ruse.

Ora 14:57
Giorgia Meloni mesazh Zelenskyt: Ukrainasit mund të mbështeten te Italia

Giorgia Meloni, Kryetarja e partisë "Vëllezërit e Italisë" që fitoi zgjedhjet parlamentare në Itali, ka siguruar presidentin ukrainas Volodymyr Zelensky se Italia do të vazhdojë të mbështesë Ukrainën në luftën e saj kundër agresionit rus.

"I dashur Volodymyr Zelensky, ju e dini se mund të mbështeteni në mbështetjen tonë besnike për kauzën e lirisë së popullit ukrainas. Qëndroni të fortë dhe mbani besimin tuaj të palëkundur!", ka shkruar Meloni në Twitter.

Ora 13:27
Alarmi i SHBA-së : Amerikanët të largohen menjëherë nga Rusia

Ambasada amerikane në Moskë në faqen e saj të internetit u ka bërë thirrrje qytetarëve amerikanë që të largohen menjëherë nga Rusia.

“Qytetarëve amerikanë u kërkohet të largohen menjëherë nga Rusia, duke përdorur opsionet e kufizuara të transportit tregtar ende të disponueshme”, mund të lexohet në faqen e internetit të Ambasadës Amerikane në Moskë, cituar nga TASS.

Njoftohet se njerëzit me shtetësi të dyfishtë amerikane dhe ruse janë në rrezik veçanërisht. 

 

Ora 13:08
Lavrov: Po përcaktohet rendi i ri botëror! Rusia po kalon në një fazë vendimtare në historinë e saj

Ministri i Jashtëm rus Sergei Lavrov deklaroi sot se Rusia po kalon një fazë vendimtare në historinë e saj, e cila do të përcaktojë rendin e ri botëror dhe vendin e saj në të.

“Sot vendi ynë po kalon një fazë vendimtare në historinë e tij. Nuk do të ishte ekzagjerim të thuhet se e ardhmja e rendit botëror dhe vendi i Rusisë në të do të përcaktohet”, tha Lavrov në prezantimin e pullës për 220 vjetorin e krijimit të Ministrisë së Jashtme ruse. Moska po merr “vendime për të mbrojtur interesat kombëtare, nderin, dinjitetin dhe trashëgiminë historike të Rusisë”, shtoi Lavrov.

Ora 13:00
Luftime të apshra në Kharikv, Ushtria ruse sulmon me raketa 'S-300' qytetin! Më shumë se 18 mijë familje mbesin pa energji elektrike

Sulmet me raketa ruse në qytetin e dytë të Ukrainës, Kharkiv, goditën gjatë natës një oborr hekurudhor duke ndërprë energjinë në më shumë se 18,000 familje sipa njoftimit të zyrtarëve. Guvernatori i Kharkiv, Oleh Synehubov tha se forcat ruse kishin gjuajtur raketa S-300, të dizajnuara si një armë kundërajrore, por që tani shpesh synohen të godasin infrastrukturën civile në qytetet e Ukrainës.

Shërbimi rajonal i emergjencës në Kharkiv tha se shpërthimet shkatërruan një transformator elektrik dhe goditën një punëtori. Nuk u raportuan viktima, por kompania rajonale e energjisë tha se 18,500 klientë në lagjet Shevchenkivsky, Kholodnogirsky dhe Novobavarsky të qytetit kishin humbur energjinë elektrike.

Kjo vjen pas një jave kur një sulmi të ngjashëm goditi një oborr të transportit hekurudhor aty pranë, si dhe blloqe banimi.

Luftimet e ashpra vazhdojnë gjithashtu në rajonin Kherson, tha Ministria e Mbrojtjes e Britanisë në bulteinin e saj të inteligjencës më 28 shtator. Ministria tha se forca ushtarake ruse në zonë, e vendosur në bregun e djathtë të lumit Dnipro, mbetet e ndjeshme ndaj sulmeve ukrainase.

Inteligjenca britanike tha gjithashtu se Rusia po përdor forcat e saj për të vazhduar përpjekjet e saj "bluajtëse" për të avancuar pranë Bakhmutit në Donbas, pavarësisht se po përballet me presion të ashpër në krahët e saj verior dhe jugor.

Luftimet e fundit erdhën pasi zyrtarët amerikanë thanë se Uashingtoni po përgatit një paketë të re armësh prej 1.1 miliardë dollarësh për Ukrainën që do të shpallet së shpejti.

 

Ora 10:02
Rrjedhjet e gazit në Nord Stream 1 dhe 2, hetimet daneze dhe Ukraina: Sulm terrorist nga ana e Rusisë

1646738443_nordstream2.jpg

Vijon alarmi për rrjedhjen e gazit në tubacionet nëndetëse të Nord Stream 1 dhe 2, tubacionet që transportojnë gaz nga Rusia e që kalon përmes Evropës, mund të jetë rezultat i një sulmi terrorist. Dy tubacionet nuk janë aktualisht në përdorim, i pari me një vendim të qeverisë së Moskës si reagim ndaj sanksioneve perëndimore, i dyti i bllokuar nga ai gjerman në përgjigje të pushtimit të Ukrainës.

Autoritetet daneze dhe suedeze po hetojnë përmasat e rrjedhjeve dhe po hetojnë shkaqet, por të dyja e kanë quajtur hipotezën e një aksidenti "shumë të pamundur".

“Është shumë herët për të nxjerrë ndonjë përfundim, por jemi përballur me një situatë të jashtëzakonshme, rrjedhjet e gazit janë në tre vende dhe është e vështirë të imagjinohet se është aksidentale”, tha kryeministrja daneze Mette Fredricksen.

Në Gjermani, e përditshmja e Berlinit Tagesspiegel citoi burime qeveritare se tubat ishin "sulmuar". Megjithatë, nuk do të kishte asnjë rrezik për sigurinë ose shëndetin e banorëve të ishujve të afërt danezë të Bornholm dhe Christiansø, as nuk do të ketë pasoja për furnizimin me energji të Danimarkës dhe Gjermanisë, të dy tubacionet nuk janë aktualisht në funksion.

Dy shpërthime u regjistruan të hënën në Bornholm, pranë seksionit Nord Stream ku janë regjistruar humbjet, nga observatorët sizmologjikë në Suedi dhe Danimarkë, i pari gjatë natës, i dyti rreth orës 19:00 seksione shpërthimesh.

Mykhailo Podolyak, një nga këshilltarët kryesorë të Volodymyr Zelensky, akuzoi gjithashtu Kremlinin, duke shkruar në Tëitter se të dhanat flasin "për një sulm terrorist i planifikuar nga Rusia dhe një akt agresioni kundër Bashkimit Evropian".

Sipas Podolyak, "Rusia dëshiron të destabilizojë situatën në Evropë dhe të shkaktojë panik para dimrit".

 

M.Q./B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • BENI: 29/09/2022 01:16

    NJE GJE eshte e sigurte europa do ngrije kete dimer,,,,ne gjermani do presin pemet se kane shume,,,ama per vitin tjeter 2023 ,,,,mund te kete me mijera te vdekur nga i ftohti.....

    Përgjigju
  • Turi: 28/09/2022 13:28

    Sulm terrorist i Rusise kunder vetes se saj ? Ata mund ta bejne shume te thjeshte mbyllin rubinetin dhe kaq , perse do demtojne tubacionin qe ka kushtuar miliarda ? Zelensky boll me mashtrime se po te del boja legen

    Përgjigju
    • Turixxxx: 28/09/2022 15:01

      O Turi..kush ta vuri...hahahaha

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Durrah City', Qeveria akordon 900 mijë euro për akademinë e futbollit

'Durrah City', Qeveria akordon 900 mijë euro për akademinë e futbollit