Komanda ushtarake ruse ishte prej disa muajsh në dijeni të ofensivës ushtarake ruse në Kursk dhe madje po hartonte planin për ta parandaluar atë, sipas dokumenteve që, siç pretendon ushtria ukrainase, i kapi nga pozicionet e braktisura ruse në rajon. Kështu shkruan në një artikull ekskluziv e përditshmja ‘The Guardian’.
Këto dokumente zbulojnë shqetësimet ruse për Kurskun, i cili u intensifikua pas vetëvrasjes së një ushtari në front, i cili thuhet se ishte në një "gjendje të rënduar psikologjike për shkak të shërbimit në ushtrinë ruse.
Edhe pse nuk ka qenë e mundur të verifikohet në mënyrë të pavarur autenticiteti i dokumenteve, The Guardian shkruan se ato mbajnë vulën zyrtare të ushtrisë ruse.
Në fund të gushtit, gazetarët e The Guardian thonë se kontaktuan ekipin e operacioneve speciale ukrainase që sekuestruan dokumentet. Sipas ukrainasve, ata ishin mbledhur nga ndërtesat në rajonin e Kurskut dhe vinin nga Ministria e Punëve të Brendshme, shërbimi sekret (FSB) dhe ushtria.
Disa prej dokumenteve mbajnë urdhra të printuara për njësi të ndryshme, ndërsa të tjerët janë shënime të shkruara me dorë të ngjarjeve dhe shqetësimeve për pozicione specifike.
Listimet më të vjetra datojnë në fund të vitit 2023, ndërsa dokumentet më të fundit mbajnë data vetëm gjashtë javë para sulmit ukrainas në Kursk më 6 gusht.
Dokumentet janë kryesisht nga njësitë e regjimentit 488 të pushkëve të motorizuar të Rusisë, veçanërisht kompania e dytë e Batalionit të saj të 17-të.
Ofensiva e Ukrainës në rajonin e Kurskut çoi në befasi aleatët perëndimorë të Kievit, si dhe shumë të tjerë në elitën ukrainase, pasi planifikimi i operacionit ishte kufizuar rreptësisht në një numër shumë të vogël njerëzish. Megjithatë, dokumentet ushtarake ruse zbulojnë muaj paralajmërimesh për një pushtim të mundshëm të rajonit dhe një përpjekje për të kapur Sunja, një qytet me 5000 banorë që ka qenë nën pushtimin ukrainas për më shumë se një muaj.
Foto:Ushtarë rus
Më shumë se 70 000 anëtarë të ushtrisë ruse kanë vdekur gjatë luftës me Ukrainën, shkruan në një artikull prestigjozja BBC.
Për herë të parë, vullnetarët - civilë që u bashkuan me ushtrinë ruse pas fillimit të luftës - përbëjnë grupin më të madh të viktimave.
Shumë prej tyre vijnë nga zonat e varfëra, të tërhequr nga pagat e larta, por disa raportohet edhe të jenë detyruar të shkojnë në luftë.
Shkalla e vdekshmërisë për vullnetarët ka qenë vazhdimisht e lartë, me mbi 100 vdekje çdo javë që nga tetori 2022.
Sipas të dhënave, rreth 13 700 vullnetarë kanë vdekur, ose 20% e totalit. Ish-të burgosurit që u dërguan në luftë në këmbim të faljes së dënimit ishin më parë grupi më i madh, me 19% të vdekjeve. Ndërsa ushtarët e mobilizuar, qytetarë që janë thirrur të luftojnë, përbëjnë 13% të vdekjeve. Ndërkohë shumica e vullnetarëve që vdesin në front janë të moshës nga 42 deri në 50 vjeç.
Vullnetarët shpesh nuk kanë trajnimin e duhur për të luftuar në vijën e frontit, veçanërisht në Ukrainën lindore.
Po ashtu nga ana tjetër shumë ushtarë rusë kanë raportuar se nuk kanë pajisje të mjaftueshme dhe dërgohen në zona të pastudiuara mirë, me shumë pak ose aspak trajnim para se të shkojnë në betejë. Sipas BBC, edhe kujdesi mjekësor jo i duhur ka luajtur rol në numrin e lartë të vdekjeve.
Foto: Maria Zakharova
Rusia ka paralajmëruar Perëndimin dhe Ukrainën me “pasoja katastrofike” nëse ndjekin, atë që Moska e cilësoi si “skenar provokues” kundër Bjellorusisë.
Zëdhënësja e Ministrisë së Jashtme të Rusisë, Maria Zakharova, u tha gazetarëve se Moska është e shqetësuar nga, siç u shpreh ajo, rritja e aktiviteteve “provokuese” të NATO-s në kufirin me Bjellorusinë.
Sipas saj, Moska nuk e përjashton mundësinë që mund të ketë përpjekje për përshkallëzimin e tensioneve në rajon.
Zakharova shtoi se Rusia ka të dislokuara në Bjellorusi armë bërthamore taktike.
Bjellorusia i ka ofruar mbështetje logjistike Rusisë, që kur Moska nisi pushtimin e paprovokuar të Ukrainës në shkurt të vitit 2022. Që atëherë, Moska ka zhvendosur në Bjellorusi armë bërthamore taktike – zhvendosja e parë e armëve të tilla jashtë Rusisë që nga rënia e Bashkimit Sovjetik.
NATO e kishte cilësuar këtë lëvizje si të “rrezikshme dhe të papërgjegjshme”./REL
Komente
Lajme të tjera
-
Burim nga ushtria ukrainase: Kemi humbur mbi 40% të territorit të pushtuar rus në Kursk
23 Nëntor, 22:35 -
Poloni, fermerët bllokojnë kalimin kufitar me Ukrainën
23 Nëntor, 20:39 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
Lufta në Ukrainë/ Putin urdhëron prodhimin masiv dhe testim të raketës ‘Oreshnik’! Rutte takon Trump në Florida
23 Nëntor, 08:33 -
Zelensky: Po punojmë në zhvillimin e sistemeve të reja të mbrojtjes ajrore
22 Nëntor, 20:53 -
Putin paralajmëron se Rusia do të vazhdojë të testojë raketën e re balistike: Po na krijohen kërcënime!
22 Nëntor, 19:36 -
Parlamenti i Ukrainës pezullon punimet përballë kërcënimit të sigurisë nga Rusia
22 Nëntor, 18:00 -
Rusia thyen sanksionet, i jep Koresë së Veriut 1 mln fuçi me naftë: Pagesë për armët dhe trupat që Pheniani i ka dërguar Moskës
22 Nëntor, 11:35
Dmth aipas këtyre gazetave perëndimore Rusët janë të keq armatosur dhe të pa stërvitur dhe jemi ok , po si ka mundësi që ka dy vjet po lufton me gjithë armatimin e natos dhe po i vë përpara ? Atëherë i bie që nato është më keq e armatosur dhe më keq e stërvitur përderisa nuk po e diton dot luftën me Rusinë
PërgjigjuNato nuk esht e angaxhuar e gjith ne lufte ne ukraine Vec shum pak po marin pjes ne ukraine me naton nuk merret dot rusia natua nuk do se ka frik mos shkel butonin rusia hedh arme berthamore ndaj arma berthamore per dy minuta ska me njeri ne kemb ikin te gjith per dhjam qeni vdesin ndaj nuk futet por si perfundim natua do futet sepse ska kuptim po nuk u fute interesi amerikes esht te vashdoj akoma lufta te japin fondé te shes armatim interesi amerikes do ta do besoj rusin keq nga armatimi dhe nga ekonomia