Ukraina dhe Rusia duhej të dërgonin delegacione në Doha në fund të gushtit për të negociuar një marrëveshje historike që do të ndalonte sulmet ndaj infrastrukturës së energjisë elektrike nga të dyja palët, por ofensiva ukrainase në Kursk e prishi këtë iniciativë shkruan Washington Post duke cituar diplomatë dhe zyrtarë.
Shpresa ishte se negociatat mund të çonin në një marrëveshje më gjithëpërfshirëse për t'i dhënë fund luftës, sipas zyrtarëve që folën në kushte anonimiteti.
Zyrtarët ukrainas dhe rusë nuk janë takuar ballë për ballë për bisedime që nga muajt e parë të luftës, kur delegacionet nga të dyja palët u mblodhën për bisedime sekrete në Stamboll. Këto negociata përfundimisht dështuan. Të dy palët ranë dakord më vonë për një marrëveshje drithërash që bëri që Rusia të heqë përkohësisht një bllokadë detare, duke i lejuar Ukrainës të eksportojë drithërat përtej Detit të Zi.
Edhe përpjekjet për të krijuar korridore humanitare kryesisht kanë dështuar. Një diplomat i informuar mbi bisedimet tha se zyrtarët rusë e shtynë takimin e tyre me zyrtarët e Katarit pas inkursionit të Ukrainës në Rusinë perëndimore.
Delegacioni i Moskës e përshkroi atë si "një përshkallëzim", tha diplomati, duke shtuar se Kievi nuk e paralajmëroi për ofensivën ndërkufitare.
Foto: Avionë luftarakë F-16
Pas shumë vonesash, Ukraina njoftoi këtë muaj se ka filluar të furnizohet me avionë luftarakë amerikanë F-16 nga aleatët e saj evropianë. Siç njofton korrespondentja e Zërit të Amerikës Mariia Prus, nuk dihet numri i avionëve të dhuruar deri tani, por planet janë që rreth 20 të dërgohen në Ukrainë brenda këtij viti.
Avionët e shumëpritur luftarakë F-16 u ngjitën në qiellin e Ukrainës.
Video e publikuar më 4 gusht nga zyra e Presidentit ukrainas Volodymyr Zelenskyy, është konfirmimi i parë zyrtar i furnizimit të Kevit me avionë F-16.
Ky është një përparim i madh për forcat ajrore ukrainase që deri vonë kishin vetëm avionë luftarakë të epokës sovjetike.
Gjenerali James Hecker, Komandant i Forcave Ajrore amerikane në Evropë thotë se avionët F-16 nuk pritet të sjellin ndryshime të mëdha në fushëbetejë, përballë sistemeve të avancuara ruse.
“Nuk do të jetë ai plumbi i artë, që papritur, pas furnizimit me avionë F-16 ata do të mbizotërojnë hapësirën ajrore”, thotë ai.
Koloneli në pension i Forcave Ajrore amerikane, Jeffrey Fischer thotë se avionët F-16 janë shumë të përparuar dhe se varësisht nga numri do të rritet edhe ndikimi i tyre.
“Kur arrin në 12, 24, 36 bëhet sfiduese. Sepse tani Ukraina është në gjendje të ekzekutojë misionin që dëshiron - që është mbizotërimi i ajrit, pra të jetë në gjendje të kontrollojë hapësirën ajrore të territorit të vet dhe të planifikojë fuqinë ajrore kundër forcave ruse”, thotë zoti Fischer.
Ukrainës i janë premtuar 65 avionë F-16 nga aleatët perëndimorë. Por një tjetër sfidë është mungesa e pilotëve të stërvitur ukrainas. Ish-piloti i forcave ajrore amerikane, Dan Hampton thotë se një zgjidhje e mundshme mund të jetë krijimi i kushteve që ish-pilotët perëndimorë të drejtojnë këta avionë për Ukrainën.
“Këtu hyjnë në punë njerëzit si unë. Nëse hiqen pengesat, kjo na mundëson që të shkojmë si vullnetarë dhe të ndihmojmë Ukrainën. Atëherë mund ta zgjidhim problemin”, thotë nënkoloneli në pension.
Për momentin, zyrtarët ukrainas thonë se avionët F-16 do të luajnë një rol të rëndësishëm në mbrojtjen e Ukrainës nga sulmet ruse me raketa dhe dron.VOA
Lajme të tjera
-
Lufta/ Ukraina shkatërron urën kryesore ruse në Kursk, avancon drejt juglindjes! Moska akuzon: U përdorën raketa amerikane (VIDEO)
17 Gusht, 09:22 -
VIDEO/ Kontrasti mes ushtarëve rus të kapur rob në Kursk dhe ushtrisë ukrainase
17 Gusht, 07:56 -
Rusia: NATO mbështeti Ukrainën për inkursionin në Kursk! E pavërtetë që SHBA nuk kishte dijeni për operacionin
16 Gusht, 16:03 -
FBI-ja bastis shtëpinë e analistin politik amerikano-rus, Dmitri Simes
16 Gusht, 15:49 -
SHBA: Rusia ka tërhequr disa njësi këmbësorie nga Ukraina lindore pas inkursionit ukrainas në Kursk
16 Gusht, 13:57 -
Raportuan nga zona e pushtuar e Sudzha, Rusia mund të procedojë penalisht 2 gazetarët e RAI-t! (Video)
16 Gusht, 11:05 -
Ofensiva e Kurskut, armët e NATO-s luftojnë për herë të parë në Rusi! Kievi avancon në territorin rus, furnizimet evropiane luajnë rolin kryesor
16 Gusht, 09:30 -
Lufta Rusi-Ukrainë/ Zelensky njofton kontrollin e plotë të qytetit rus Sudzha! Lukashenko kërcënon: Të ulen për paqe, nëse kalohet kufiri përdorim armë bërthamore
16 Gusht, 07:09 -
Informacionet e zbulimit dhe armët amerikane, kyçe në ofensivën e Ukrainës në Kursk
15 Gusht, 21:23 -
BE-ja kritikon Serbinë për bashkëpunimin me Rusinë
15 Gusht, 19:42 -
Lufta në Ukrainë/ Moska dërgon përforcime në Belgorod! Kievi: Ne kontrollojmë 82 qytete
15 Gusht, 16:30 -
Moska dënon shtetasen ruso-amerikane me 12 vite burgim për tradhti! Ksenia Karelina u akuzua se i dhuroi Ukrainës 50 dollarë para nisjes së luftës
15 Gusht, 14:19
