Moska dhe Kievi nuk i ndalin sulmet ndaj njëri tjetrit, duke sjellë për pasojë shkatërrimin e magazinave të tëra me elb e grurë, një katedraleje të shenjtë në Odesa si dhe kërcënime për kundërpërgjigje ushtarake.
Sulme të reja janë regjistruar mes Russië dhe Ukrainës, të cilat anë vënë në shënjestër objekte strategjike. Kremlini ka akuzuar Ukrainësn për sulmet e 17 dronëve në gadishullin e Krimesë, por ka bërë me dije se i ka neutralizuar ta gjitha. Po ashtu, zëdhënësi Dimitri Peskov foli për sulme të tjera që synoinin Moskën, çka është konfirmuar edhe nga inteligjenca ukrainase.
“Sulmet me dron në Moskë dhe Krime janë prova se regjimi i Putinit nuk është në gjendje të kontrollojë plotësisht qiellin, edhe për mbrojtjen e objekteve të tij më të rëndësishme", tha zyrtarë të inteligjencës së Kievit për mediat.
Në kundërpërgjigje, raketat ruse dëmtuan rëndë një katedrale historike ortodokse në qytetin port jugor të Ukrainës, Odesa, duke shkaktuar zemërim dhe duke e shtyrë presidentin Zelensky të zotohet për hakmarrje.
Sulmet që u mohuan nga autoritetet ruse, vranë të paktën një person dhe plagosën disa të tjerë, thanë zyrtarët ukrainas. Katedralja e Shpërfytyrimit është ndërtesa më e madhe e kishës në Odesa. Ajo u shenjtërua në 1809, dhe UNESCO e quajti një sit të Trashëgimisë Botërore në mes të kërcënimit të pushtimit rus.
Gjithashtu, Rusia ka vijuar sulmet me qëllim shkatërrimin e magazinave me grurë dhe elb.
Ministri i Jashtëm ukrainas Dmytro Kuleba shkroi në Tuitter se autoritetet ndërkombëtare duhet të reagojnë ndaj atij që e quajti terrorizëm ushqimore që prek të paktën 400 milionë njerëz.
Rusia ka akuzuar Ukrainën se ka kryer sulm me dronë mbrëmë gjatë natës në Moskë, ku u shkatërruan dy banesa.
Ministria ruse e mbrojtjes tha se dy dronë u kapën dhe u shkatërruan nga forcat ruse, teksa raportohet se një dron ra pranë ministrisë së mbrojtjes.
“Një përpjekje e regjimit të Kievit për të kryer një akt terrorist duke përdorur dy dronë në objekte në territorin e qytetit të Moskës u ndalua”, tha ministria ruse e mbrojtjes në një deklaratë.
Zyrtarët ukrainas ende nuk i kanë komentuar akuzat e Rusisë por kanë njoftuar se katër persona u plagosën dhe një hangar drithi u shkatërrua në sulmet e reja ruse me dron në rajonin e saj jugor të Odesës.
Rusia ka nisur sulme thuajse të vazhdueshme në rajonin e Odesës, ku ndodhen portet kryesore të Ukrainës në Detin e Zi.
Moska e ka akuzuar Ukrainën për një mori sulmesh me dronë në territorin e saj në muajt e fundit.
Në fillim të këtij muaji, Rusia tha se Ukraina nisi një sulm me dron në Moskë , duke detyruar fluturimet të devijohen nga Aeroporti Ndërkombëtar Vnukovo. Ukraina nuk mori përgjegjësinë.
Dhe në maj Kievi mohoi kryerjen e një sulmi me dron në Kremlin, për të cilin Rusia tha se përbënte një tentativë për vrasjen e Presidentit Vladimir Putin.
Sulmi i së hënës vjen vetëm një ditë pasi Rusia sulmoi Odesën me raketa, duke shkatërruar Katedralen historike të Shndërrimit.
Unesco, agjencia kulturore e OKB-së, tha se ishte "thellësisht e tronditur dhe dënon me termat më të ashpër" sulmin në qendrën historike të Odesa.
Presidenti i Ukrainës Volodymyr Zelensky u zotua për hakmarrje për sulmin.
"Ata patjetër do ta ndiejnë këtë," tha ai gjatë fjalimit të tij të natës nga Kievi. "Objektivi i të gjitha këtyre raketave nuk janë vetëm qytetet, fshatrat apo njerëzit. Objektivi i tyre është njerëzimi dhe themelet e gjithë kulturës sonë evropiane."
Lajme të tjera
-
Lufta në Ukrainë/ Trump zgjedh Kellogg si të dërguar special për Rusinë dhe Ukrainën
27 Nëntor, 07:48 -
NATO konfirmon mbështetjen për Ukrainën pas sulmit rus me raketë balistike
26 Nëntor, 20:36 -
Lufta në Ukrainë/ Dezertori rus: Në shkurt 2022 ishim gati për sulm bërthamor
26 Nëntor, 16:24 -
E akuzon për spiunazh, Rusia dëbon diplomatin britanik
26 Nëntor, 15:33 -
NATO dhe Ukraina takohen lidhur me raketën e re ruse
26 Nëntor, 08:23 -
Lufta në Ukrainë/ Dezertori rus: Në shkurt 2022 ishim gati për sulm bërthamor
26 Nëntor, 07:56 -
Lufta/ Bilalli në Report Tv: Rusia mund të godasë me raketa vende që furnizojnë Ukrainën me armë! Cënohet siguria në Europë! Çfarë është raketa Oreshnik
25 Nëntor, 20:27 -
Zyrtar i lartë i NATO-s: Bizneset duhet të përgatiten për një “skenar lufte”
25 Nëntor, 18:29 -
‘Rikthehet’ Merkel: Të bëjmë çmos kundër përdorimit të armës bërthamore
25 Nëntor, 14:28
-
Lufta/ Media franceze: Londra dhe Parisi po rishqyrtojnë mundësinë e dërgimit të trupave në Ukrainë
25 Nëntor, 07:59 -
Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës
24 Nëntor, 22:57 -
Zgjedhjet presidenciale në Rumani/ Sondazhet nxjerrin në avantazh kandidatin pro-evropian
24 Nëntor, 22:32
