POP 5

Lajmet më të lexuara të 5 minutave të fundit

Politikë

‘Lufta’ për kontrollin e Partisë Demokratike, sot në Apel shorti për vendimin e Zhukrit

Me shkrirjen e gjykatave të Apelit në rrethe, të gjitha çështjet të cilat nuk kanë asnjë datë për gjykim në Apelin e vetëm në Tiranë do të hidhen edhe një herë në short, për të caktuar gjyqtarët që do t’i shqyrtojnë.

‘Lufta’ për kontrollin e Partisë Demokratike, sot në Apel shorti për vendimin e Zhukrit

Selia e Partisë Demokratike

TIRANË- Me shkrirjen e gjykatave të Apelit në rrethe, të gjitha çështjet të cilat nuk kanë asnjë datë për gjykim në Apelin e vetëm në Tiranë do të hidhen edhe një herë në short, për të caktuar gjyqtarët që do t’i shqyrtojnë.

Janë 32 mijë dosje të cilave nuk u ka nisur ende gjykimi, 27 mijë prej tyre janë çështje që janë bashkuar nga apelet e rretheve që u shkrinë.

Këto dosje pa datë për seancën e parë, do të rihidhen në short ditën e sotme. Mes tyre është edhe ankimimi që Partia Demokratike e Alibeajt i ka bërë vendimit të gjyqtarit Agron Zhukri që i dha vulën e partisë Sali Berishës më 25 mars.

Kujtojmë që vetëm një ditë më parë kryekomisioneri Celibashi Ilirjan paralajmëroi se nëse nuk zgjidhet ngërçi brenda PD-së, rrezikon që partia më e madhe opozitare të mos futet në zgjedhjet vendore të 14 majit. Celibashi kërkon që konflikti të zgjidhet para zgjedhjeve, ndërsa theksoi se duhet të angazhohet të gjithë aktorët politikë e institucionalë, pasi këtë ngërç nuk mund ta zgjidhë KQZ.

Mbetet për t’u parë nëse Ilirjan Celibashi do të veprojë njësoj si në zgjedhjet e pjesshme vendore të 6 marsit, kur i mbylli derën Sali Berishës pasi mori vendimin që të njihte përfaqësuesit ligjorë të Lulzim Bashës. Kjo detyroi Berishën që të bashkëpunonte me LSI-PDK, të cilët krijuan koalicionin "Shtëpia e Lirisë" dhe futën në garë kandidatët e zgjedhur nga ish kryeministri. 

Deri më tani, në gjykatën e Tiranës rezulton ende kryetar Lulzim Basha që dha dorëheqjen, ndërsa vendimi që pritet të ndajë përfundimisht se kush e ka drejtimin e partisë mes kryetarit të komanduar Alibeaj dhe Berishës, është ai i Apelit që deri më tani është shtyrë disa herë. Megjithatë, për të shmangur ngërçet e mundshme, gjykata duhet të vendosë të paktën deri më 6 mars kur është edhe afati i fundit për regjistrimin zyrtar të partive politike në KQZ për garën elektorale të 14 majit.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Rama në QSUT: Një grup kriminelësh në Onkologjik shkaktuan një situatë dramatike! Sot situata është më optimiste

Rama në QSUT: Një grup kriminelësh në Onkologjik shkaktuan një situatë dramatike! Sot situata është më optimiste

24 Janar, 12:05