POP 5

Lajmet më të lexuara të 5 minutave të fundit

Politikë

Lufta/ Rama takon ambasadoret e Ligës Arabe dhe Izraelit: Duhet armëpushim urgjent, e ardhmja e Gazës të jetë pa Hamasin e trupat izraelite

Kryeministri Edi Rama në një takim me ambasadorët e Ligës Arabe dhe të Izraelit në vendon tonë, ndau mendimet dhe shqetësimet në lidhje me luftën Izrael-Hamas. Rama u shpreh se ndërkombëtarët duhet të krijojnë një zgjidhje të tretë, e cila sipas tij, është që në ardhmen, në Gaza të mos jetë i pranishëm as Hamasi dhe as forcat izraelite, ndërsa shtoi nevojën e një armëpushimi të menjëhershëm.

TIRANË-  E ardhmja e Gazas duhet të jetë pa Hamasin e pa trupat izraelite, ndërsa komuniteti ndërkombëtar duhet të punojë për arritjen e armëpushimit.

Këtë qëndrim, Kryeministri Edi Rama ia shprehu ambasadorëve të Ligës Arabe, dhe ambasadores izraelite, në takimet e zhvilluara për ta.

“Ne nuk duhet të lejojmë vazhdimin e narrativës aktuale në të cilën palestinezët në Gaza kanë vetëm dy zgjedhje: Hamasi ose Izraeli. Komuniteti ndërkombëtar duhet të rritet dhe të krijojë një zgjedhje të tretë: një të ardhme për Gazën pa Hamas dhe trupat izraelite. Ka një rrugëdalje minimale dhe një armëpushim i menjëhershëm për lirimin e pakushtëzuar të pengjeve më duket një pikënisje e pashmangshme”- u shpreh kreu i ekzekutivit.

Vendet arabe dhe Izraeli, thotë Rama duhet të punojnë bashkë dhe të ndajnë përgjegjësinë për gjetjen e paqes.

“Pas krimeve të tmerrshme që Hamasi kreu më 7 tetor, nuk mund të ketë të ardhme politike për Hamasin. E vetmja mënyrë për të bindur Izraelin që të ndalojë operacionet e tij dhe të tërhiqet nga Gaza është duke ofruar garanci të forta se Hamasi është jashtë bordit. Për hir të paqes, Izraeli dhe vendet fqinje arabe duhet të punojnë së bashku dhe të ndajnë përgjegjësinë për paqen.”- shtoi Rama.

Rama thotë se Shqipëria mbetet e angazhuar për të dhënë kontributin e saj.

“Edhe pse aktualisht jemi në Këshillin e Sigurimit të OKB-së, si një vend i vogël, Shqipëria është plotësisht e vetëdijshme për kufizimet e saj në arenën ndërkombëtare. Megjithatë, të gjithë aktorët duhet të ndajnë barrën e ndërtimit të paqes së qëndrueshme pavarësisht fuqisë, madhësisë apo rëndësisë. Ky angazhim është një domosdoshmëri për të gjithë ne dhe Shqipëria nuk do të hezitojë të bëjë pjesën e saj.”- shprehet Rama,

Në forumin e paqes të mbajtur në Paris në fillim të nëntorit, kryeministri Rama paraqiti propozimin e Shqipërisë qw një koalicion shumëkombësh i Ligës Arabe dhe Turqisë me një mandat të OKB-së të merrte përkohësisht kontrollin e Gazës dhe kalimin e përgjegjësive qeverisëse nga Hamasi te Autoriteti Palestinez.

 

SI.E./M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Turi: 21/11/2023 15:02

    Hamasin e kane mbeshtetur america dhe izraeli sepse nuk donin qe ne lindjen e mesme te kishte paqe dhe te krijohej shteti Palestinez, arsyeja e forcimit te hamasit eshte qe cifutet te kene nje ahkak per mos te arritur paqen ne rajon duke ber terror ndaj popullit Palestines

    Përgjigju
  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Konfrontim fizik mes personave te “Zogu i Zi”, Bylykbashi pengon arrestimin në flagrancë të një protestuesi: Mos prekni njeri, të bëjë kallëzim!

Konfrontim fizik mes personave te “Zogu i Zi”, Bylykbashi pengon arrestimin në flagrancë të një protestuesi: Mos prekni njeri, të bëjë kallëzim!

26 Nëntor, 17:23