Ministria e shëndetësisë e kontrolluar nga Hamasi ka thënë se numri i njerëzve të vrarë në Gaza që nga fillimi i luftës është rritur në 15,207, prej të cilëve 70% janë gra dhe fëmijë.
Ndërsa UNICEF ka deklaruar se deri para nisjes së armëpushimit në Gaza, janë vrarë më shumë se 5300 fëmijë palestinezë.
Numri i fëmijëve të vrarë gjatë 48 ditëve luftë intensive mes Izraelit dhe Hamasit, nuk përfshin numrin e fëmijëve të shpallur si të zhdukur.
Ndër të tjera, UNICEF ka nënvizuar se për “hatër” të fëmijëve, duhet që dy vendet të rivendosin një armëpushim më të gjatë dhe më të qëndrueshëm.
“Të gjithë fëmijët e Shtetit të Palestinës dhe Izraelit meritojnë paqen. Nëse lufta do të kthehet në këtë intensitet, ne mund të supozojmë se qindra fëmijë të tjerë do të vriten e të plagosen çdo ditë. Rripi i Gazës është sërish, vendi më i rrezikshëm në botë për fëmijët",- thuhet në deklaratën e organizatës.
Mediat palestineze kanë bërë me dije se Izraeli ka nisur intensivisht sulmet ajrore në Gaza menjëherë pas armëpushimit.
Mësohet se ushtria izraelite ka bombarduar dhe shkatërruar 3 xhami në Khan Yunis, transmeton La Reppublica. Ndërkohë Kryeministri izraelit thuhet se ka dhënë urdhër për ndërprerjen e përkohshme të negociatave në Katar.
300 palestinezë u vranë në sulmet izraelite në pjesën lindore të qytetit të Gazës, në lagjen Shejaiyeh. Të dhënat janë njoftuar nga zyra e informacionit të Hamasit, sipas së cilës forcat ajrore të izraelit kanë bombarduar mbi 50 ndërtesa banimi në këtë lagje gjatë një dite.
Zyra e kryeministrit izraelit, Benjamin Netanyahu ka bërë të ditur se Izraeli ka tërhequr ekipin e tij të negociatorëve nga Katari me pretendimin se Hamasi nuk e ka respektuar marrëveshjen për pengjet.
“Hamasi nuk përmbushi pjesën e tij në marrëveshje, e cila përfshinte kthimin e të gjitha grave dhe fëmijëve të mbajtur peng, në përputhje me një listë të dërguar Hamasit dhe të miratuar prej tyre”, thuhet në deklaratë.
Kështu, për momentin, çdo mundësi për dialog është ngrirë dhe shqetësimet për pengjet në duart e Hamasit në Gaza po shtohen. Ndërkohë një zëdhënës i ministrisë së shëndetësisë së Gazës ka deklaruar se të paktën 193 palestinezë janë vrarë dhe 650 janë plagosur në Gaza që nga përfundimi i armëpushimit të premten në mëngjes.
Numri i palestinezëve të vrarë nga sulmet izraelite në Gaza është rritur në 15,207. Kështu deklaron Ministria e Shëndetësisë në Rripin e Gazës që kontrollohet nga Hamasi. Sipas ministrisë 70% e viktimave janë gra dhe fëmijë, ndërsa shton se më shumë se 40,000 njerëz u plagosën në sulmet.
Autoritetet libiane në Tripoli kanë liruar 4 anëtarë të Hamasit, të cilët ishin dënuar me 17 vjet burg për trafik armësh dhe komplot kundër sigurisë së shtetit.
Mediat libaneze raportojnë se 4 anëtarët e Hamasit quhen Marëan al-Ashqar , Nasib Shabir , Muayad Abed dhe Baraa al-Ashqar.
Sipas të njëjtit burim, anëtarët e Hamasit, të cilët u arrestuan në 2016 dhe u dënuan në 2019, tashmë ndodhen ne Stamboll, ku janë pritur nga përfaqësues të lëvizjes palestineze.
Një zyrtar i lartë i OKB-së ka paralajmëruar se Gaza rrezikon të zhytet në një "tsunami" humanitar, pasi një armëpushim i përkohshëm midis Izraelit dhe Hamasit përfundoi dhe forcat izraelite rifilluan ofensivën e tyre në rripin e rrethuar.
Philippe Lazzarini, kreu i agjencisë së OKB-së për refugjatët palestinezë, tha se popullsia e Gazës ishte dobësuar aq shumë sa ai kishte frikë se shumë njerëz do të fillonin të vdisnin nga sëmundjet, si dhe nga bombardimet e Izraelit.
“Jam shumë i shqetësuar për hyrjen në dimër, pasi kam parë ndikimin e rrethimit, duke parë dobësimin e imunitetit të njerëzve pas një lufte të tillë, privimin dhe vuajtjen e tyre, ne mund të jemi në prag të një lloji katastrofe-tsunami humanitar”, tha Lazzarini për Financial Times, duke folur para përfundimit të armëpushimit.
Izraeli ka rrethuar Gazën që kur filloi një ofensivë kundër Hamasit pas sulmit të grupit militant më 7 tetor që vrau rreth 1200 njerëz, sipas zyrtarëve izraelitë. Sulmi i tij ajror dhe tokësor në brez, të cilin Hamasi e ka nën kontroll që nga viti 2007, ka vrarë më shumë se 14,800 njerëz, shumë prej tyre gra dhe fëmijë, sipas zyrtarëve shëndetësorë palestinezë.
Gaza
Mediat palestineze kanë bërë me dije se Izraeli ka nisur intensivisht sulmet ajrore në Gaza menjëherë pas armëpushimit.
Mësohet se ushtria izraelite ka bombarduar dhe shkatërruar 3 xhami në Khan Yunis, transmeton La Reppublica.
Komente
Lajme të tjera
-
Lufta e Izraelit me Hezbollahun/ Hyn në fuqi armëpushimi, festë në rrugët e Bejrutit
27 Nëntor, 07:26 -
Netanyahu: Po armëpushimit në Liban, nëse Hezbollah shkel marrëveshjen ne do e godasim! Biden: Hyn në fuqi nesër
26 Nëntor, 07:16 -
Cilat janë pengesat për arritjen e armëpushimit mes Izraelit dhe Hezbollahut?
25 Nëntor, 22:54 -
Lufta/ Bombardime mes Izraelit dhe Hezbollahut, 16 të vrarë dhe dhjetëra të plagosur! 20 raketa nga Libani drejt Galilesë, Hamas: Mbi 44 të vdekur në 13 muaj
25 Nëntor, 13:54 -
Televizioni publik izraelit: Marrëveshja për armëpushim në Liban është gati! Gjendet i pajetë në Abu Dhabi një rabin! Arrestohen 3 persona si të dyshuar për vrasjen e tij
24 Nëntor, 07:55 -
Arrestohet shqiptarja në Londër! Shkoi në protestat pro-Palestinës, dëmtoi kompaninë izraelite të armëve
23 Nëntor, 17:27 -
DW: Arrestimi i Netanjahut në Gjermani vështirë të përfytyrohet
23 Nëntor, 12:43 -
LIban/ Izraeli sulmon Bejrutin me raketa ‘bunker busters’, synonin oficerin e lartë të Hezbollahut! 16 viktima
23 Nëntor, 09:33 -
Lufta/ Bombardimet në Liban, një tjetër sulm ndaj forcave paqeruajtëse të UNIFIL, raportohet për 4 ushtarë të plagosur në bazën italiane! Reagojnë Meloni e Borrell
22 Nëntor, 16:28 -
Kryeministri i Hungarisë zotohet të shpërfillë urdhër arrestin ndërkombëtar për homologun izraelit, Orban: Do e ftoj Netanyahun, por s’do e zbatoj vendimin e gjykatës
22 Nëntor, 11:41 -
GJNP urdhër-arrest ndaj Netanjahut dhe ish-ministrit të Mbrojtjes Gallant! Çfarë do të thotë kjo dhe çfarë pasojash mund të ketë ndaj Izraelit?
22 Nëntor, 09:39 -
Urdhërarresti për Netanjahun dhe ish-ministrin e Mbrojtjes, Biden: Skandaloz! 44 mijë viktima në 13 muaj luftë
22 Nëntor, 07:28
Izraeli dhe sionizmi mund te thohet plotesisht jane pasardhsit e nazismit
Përgjigju