Një zyrtar i lartë ushtarak ukrainas thotë se situata në vijën e frontit në Ukrainën lindore po përkeqësohet, ndërsa po përballen me armatime më të fuqishme të forcave ruse. Një zëdhënës i komandës strategjike të Ukrainës në lindje të vendit tha se Rusia kishte grumbulluar trupa në rajonin e Donetskut në një përpjekje për të thyer vijën mbrojtëse të Ukrainës.
Rusia e ka shtyrë Ukrainën në prapavijë në fushën e betejës, ndërsa Kievi përballet me mungesën e trupave dhe municioneve kundër një armiku më të madh. Problemet e Ukrainës janë përkeqësuar për muaj të tërë ndërsa ushtria priste ndihmën e re jetike ushtarake nga Shtetet e Bashkuara.
Ditët e fundit, forcat ushtarake ruse kanë sulmuar rajonin e Zaporizhzhia 349 herë. Ivan Fedorov, kreu i administratës ushtarake rajonale të Zaporizhzhia, tha këtë në një postim në Telegram, të raportuar nga faqja ukrainase Ukrinform.
Teksa ka ndarë disa foto të sulmeve ruse, presidenti ukrainas Volodymyr Zelensky bëri thirrje për të mbrojtur Ukrainën
: “Vetëm në prill, rusët përdorën më shumë se 300 raketa të llojeve të ndryshme, pothuajse 300 dronë dhe më shumë se 3200 bomba sulme ajrore kundër Ukrainë. Qytetet dhe komunitetet tona nga rajoni Sumy në rajonin e Odessa, Kharkiv, Donetsk, vuajnë nga ky terror i qëllimshëm dhe i poshtër çdo ditë dhe natë. Shumë jetë janë humbur nga këto sulme. Dhe vetëm me forcë mund ta ndalojmë këtë terror. Forca e popullit tonë, forca e unitetit botëror, forca e presionit ndaj Rusisë, forca e ushtarëve tanë që mbajnë vijën e frontit. Të gjithë ata që punojnë për forcën dhe mbrojtjen tonë kundër Rusisë janë mbrojtës të vërtetë të jetës” tha Zelensky.
Ndërkohë Kremlini ka reaguar ndaj deklaratave të kryeministrit britanik, Cameron se Ukraina ka të drejtë të përdorë armët e furnizuara nga Londra për të goditur territorin rus. Ndërkohë presidenti francez tha se Franca po vlerëson dërgimin e mundshëm të trupave në Ukrainë. Për Kremlinin këto deklarata janë të rrezikshme dhe po rrezikojnë të përshkallëzojnë situatën me Europën.
Antonio Tajani
“Ne gjithmonë kemi thënë se nuk jemi në luftë me Rusinë dhe për këtë arsye nuk do të dërgojmë ushtarë italianë për të luftuar në Ukrainë”.
Kështu tha ministri i Jashtëm, Antonio Tajani, drejtuar gazetarëve mbi deklaratat e presidentit francez Emmanuel Macron.
"Ne mbrojmë - shtoi Tajani - të drejtën e Ukrainës për të qenë një shtet i pavarur. Por ne nuk jemi, e përsëris, në luftë me Rusinë. Qëndrimi ynë është gjithmonë ky. Ne kurrë nuk kemi ndryshuar mendje. Ne mbrojmë lirinë, pavarësinë, por ne po punojmë për të ndërtuar paqen”,- theksoi Tajani.
Kremlini i sheh deklaratat e Sekretarit të Jashtëm britanik David Cameron për të drejtën e Kievit për të përdorur armët britanike për të goditur Rusinë si "një përshkallëzim të drejtpërdrejtë" që "mund të përbëjë potencialisht një rrezik për sigurinë evropiane, të gjithë arkitekturën e sigurisë evropiane". Këtë e tha zëdhënësi Dmitry Peskov, cituar nga Tass. Dje Cameron, i tha agjencisë Reuters se Ukraina ka të drejtë të përdorë armët e furnizuara nga Londra për të goditur territorin rus.
Edhe deklarata e presidentit francez Emmanuel Macron për dërgimin e mundshëm të trupave në Ukrainë përfaqësojnë një "prirje shumë të rrezikshme" dhe Moska vazhdon të "monitorojë nga afër" deklaratat e Parisit, ka thënë zëdhënësi i Kremlinit, Dmitry Peskov, cituar nga Interfax.
Rusia organizoi një sulm kibernetik, që dyshohet se është orkestruar nga një grup i lidhur me inteligjencën e saj ushtarake, u shpreh Ministrja e Jashtme e Gjermanisë, Annalena Baerbock.
Gjermania ka qenë ndër vendet perëndimore që i kanë ofruar mbështetje ushtarake Ukrainës në luftën e saj me Rusinë dhe lidhjet mes dy vendeve janë ngrirë.
Në janar 2023, Berlini tha se hakerat aktivistë rusë morën disa faqe gjermane jashtë linje në përgjigje të vendimit të saj për të dërguar tanke në Kiev.
‘Tani mund t’ia atribuojmë qartë sulmin e vitit të kaluar grupit rus APT28, i kontrolluar nga shërbimi rus i inteligjencës ushtarake GRU,’ tha Baerbock.
‘Me fjalë të tjera, hakerat rusë sulmuan Gjermaninë në hapësirën kibernetike’, shtoi ajo. ‘Kjo është krejtësisht e papranueshme dhe nuk do të shkojë pa pasoja’.
Komente
Lajme të tjera
-
Lufta/ Vladimir Putin: Duhet ta kisha pushtuar Ukrainën më herët
19 Dhjetor, 19:47 -
Arlind Isa në 'Studio Live': Artan Grubi mund të jetë në Kosovë! Ilir Aliaj: Listat e non-gratave do shtohen! Këmbana për ata që duan të dëgjojnë në Shqipëri
19 Dhjetor, 19:07 -
Lufta në Ukrainë/ Putin: Gati për një ‘duel’ raketor me SHBA-në! Zelensky: Ai është një bastard
19 Dhjetor, 13:20 -
Lufta në Ukrainë/ Orban: Ka një plan për paqe në tavolinë, Zelensky të vendosë! Presidenti ukrainas: Duam garanci, Europa duhet e unifikuar
19 Dhjetor, 12:45
-
Samiti BE-Ballkani Perëndimor/ Publikohet deklarata e përbashkët, ja çfarë u diskutua në Bruksel
18 Dhjetor, 22:53 -
Zelensky: Nuk kemi forca për të rimarrë Krimenë dhe Donbasin! Rusia: Të hapur ndaj propozimeve nga i dërguari i Trump
18 Dhjetor, 17:12 -
Lufta/ Vrasja e gjeneralit të armëve bërthamore Kirillov, arrestohet 29-vjeçari uzbek, i dyshuar edhe një person i dytë! Moska: I rekrutuar nga Kievi!
18 Dhjetor, 08:18 -
Si mund të duket plani i paqes për Ukrainën
18 Dhjetor, 08:14 -
Atentat në Moskë, vritet gjenerali Kirillov dhe asistenti i tij! Ishte ngarkuar me ruajtjen e armëve bërthamore! Shpërthimi me 300 gr eksploziv pranë Kremlinit! Kievi pranon autorësinë
17 Dhjetor, 08:31 -
Lufta Rusi-Ukrainë, Donald Trump: Do të bisedoj me Putin dhe Zelenskyn, duhet të bëhet një marrëveshje
16 Dhjetor, 22:37 -
Lufta/ Merkel: S’e prisja që Putin ta pushtonte Ukrainën, të mos e lejojmë të fitojë! Rusia sulmon me 50 dronë, Kievi shkatërron kolonën armike të karburantit
16 Dhjetor, 09:11 -
VIDEO/ Transportonte 40 cisterna naftë për ushtrinë ruse, ukrainasit godasin me raketa amerikane trenin
15 Dhjetor, 19:19
Gjithe kjo lufte mundej dhe duhej te ishte evituar por kur te mer koka ere jeshtu perfundon si mos me keq
Përgjigju