Ka përfunduar pas tre orësh takimi i të dërguarve të presidentit të SHBA-së, Donald Trump me Presidentin rus, Vladimir Putin në Moskë për gjetjen e një zgjidhjeje për paqen në Ukrainë. Në takim morën pjesë edhe këshilltari i Putinit për politikën e jashtme, Yuri Ushakov, dhe Kirill Dmitriev, këshilltar për bashkëpunimin ekonomik dhe investimet e huaja.

Gjatë këtij takimi Putin tha se forcat ruse nuk kryen asnjë sulm në Ukrainë. Megjithatë Rusia nuk e ka pranuar propozimin e Ukrainës për një armëpushim  më shumë se tre-ditë

"Autoritetet ukrainase kanë bërë thirrje për një armëpushim më të gjerë tre-ditor, por ne nuk kemi arritur kurrë një marrëveshje me ta. Megjithatë, ne do të bëjmë gjithçka që është e mundur për të siguruar sigurinë e procesit të negociatave dhe ndërmjetësve, të përfaqësuar nga ju dhe ata që ju shoqërojnë", tha Putin.

Udhëtimi i tyre vjen mes deklaratave të ditëve të fundit të liderëve në Kremlin dhe Uashington. Pas Moskës vizita e radhës do të jetë në Kiev. Përpjekjet për paqe kanë ngecur për shkak të luftës së Uashingtonit me Iranin, ndërsa Moska dhe Kievi kanë intensifikuar sulmet me rreze të gjatë, duke rritur viktimat civile në nivele që nuk janë parë që nga fillimi i luftimeve.

Në fund të gushtit, drejtori i CIA, John Ratcliffe, udhëtoi drejt Moskës, pjesërisht për t’u bërë presion homologëve atje që të shqyrtonin mundësinë e një marrëveshjeje, raportuan Reuters dhe disa media të tjera. Mediat amerikane raportuan gjithashtu se Ratcliffe e paralajmëroi Rusinë kundër çdo sulmi ndaj shteteve anëtare të NATO-s.

Rendit zhvillimet sipas orarit:
Ora 20:50
Putin: Armëpushimi me Ukrainën nuk do të jetë më shumë se tre ditë

1787809269_vladimirputin.webp

Foto: Vladimir Putin

Rusia nuk e ka pranuar propozimin e Ukrainës për një armëpushim më shumë se tre ditë. Kështu deklaroi presidenti rus Vladimir Putin gjatë takimit me negociatorët amerikanë Steve Witkoff dhe Jared Kushner 

"Autoritetet ukrainase kanë bërë thirrje për një armëpushim më të gjerë tre-ditor, por ne nuk kemi arritur kurrë një marrëveshje me ta. Megjithatë, ne do të bëjmë gjithçka që është e mundur për të siguruar sigurinë e procesit të negociatave dhe ndërmjetësve, të përfaqësuar nga ju dhe ata që ju shoqërojnë", tha presidenti rus.

Xh.K/Shqiptarja.com

Ora 17:31
Ambasadori rus në Berlin: Nuk duam luftë me NATO-n apo me Gjermaninë

Foto: Sergei Netschajew

"Ne nuk duam luftë me NATO-n, nuk duam luftë kundër Gjermanisë." Kështu tha ambasadori rus në Gjermani, Sergei Netschajew, në podkastin e Ben Berndt.

Në të njëjtën kohë, ai u shpreh se vendi i tij është në konflikt me NATO-n, pasi anëtarët e saj - përfshirë Gjermaninë - mbështesin Ukrainën.

Netschajew gjithashtu hodhi poshtë akuzën për një tentativë bombardimi në aeroportin Leipzig/Halle të orkestruar nga Moska.

"Nëse do të kishim dashur vërtet të shkaktonim dëme në Leipzig, siç e dini me siguri, situata mund të kishte dalë krejtësisht ndryshe.Por ne nuk kemi asnjë qëllim të provokojmë qeverinë", shtoi ai.

Xh.K/Shqiptarja.com

Ora 17:21
Zelensky: Do ta respektojmë armëpushimin 3-ditor me Moskën

Foto: Volodymyr Zelensky

Presidenti Volodymyr Zelensky ka deklaruar se Ukraina do ta respektojë armëpushimin 3-ditor, vendim i marrë nga Vladimir Putin.

"Sapo fola me përfaqësuesit e presidentit amerikan. Ata kanë filluar tashmë të punojnë me palën ruse sot. Nga tani deri të hënën, Ukraina është e gatshme të ndalojë sulmet kundër Moskës, dhe shpresojmë që rusët të bëjnë të njëjtën gjë, tha Volodymyr Zelensky në Telegram.

"Ne po presim Steve Witkoff dhe Jared Kushner dhe jemi gati për një dialog konstruktiv. Faleminderit të gjithëve që qëndrojnë me Ukrainën!" shtoi ai.

Xh.K/Shqiptarja.com