POP 5

Lajmet më të lexuara të 5 minutave të fundit

Sport

Luhet një copëz titulli, por Napoli humbet 'yllin' para sfidës me Atalanta-n! Në fushë edhe Milan, sonte ndeshja e fundit në 'Camp Nou' e Pique-s

Atalanta-Napoli është një nga sfidat më interesante të javës në Seria A, pasi sonte vendoset një copëz titulli. Ndërkohë Milan do ketë mundësinë e artë për t’u rikthyer te fitoret, pasi pret në San Siro Spezian, ndërsa në La Liga Almeria do sfidojë Barcelonën në ‘Camp Nou’.

Është java e 13 e kampionatit, por sot në Seria A luhet një copëz e titullit. Kjo sepse përballen Napoli me Atalanta-n, ekipet që renditen i pari dhe i dyti në kampionat. Për të besuarit e Spaletti-t është mundësia e arratisjes, ndërsa për bergameskët shansi i artë për të ngushtuar diferencën e pesë pikëve.   

Para sfidës të dy trajnerët kanë folur me superlativa për ekipet e njëri-tjetrit, ndërsa ra në sy krahasimi që Spaletti bëri mes Atalanta-s dhe Liverpool-it. Lajmi jo i mirë për Napolin është se pak orë para ndeshjes humbi ‘yllin’ gjeorgjian Kavaratskhelia, ndërsa dihet që Muriel te ekipi i Gasperinit rikthehet në 2023.

Ndërkohë po mbrëmjen e sotme, në orën 20:45, Milan do të presë në San Siro Spezia-n me qëllimin për t’u kthyer te fitoret pas humbjes me Torinon. Duke parë se në orën 18:00 përplasen Atalanta me Napolin kjo për Milanin është një mundësi e artë për të rikuperuar pikë. Madje kjo situatë vjen pak ditë pasi siguroi kualifikimin në fazën me eliminim direkt në Champions League.

Po sonte, por në orën 21:00, në La Liga Barcelona pret në Camp Nou Almerian. Katalanasit së fundmi rikuperuan pikë ndaj Realit kryesues dhe nuk duan ta ndalin këtë trend, sidomos në shtëpi ndaj një kundërshtari që llogaritet i lehtë në letër. Kjo sfidë do të mbesë gjatë në memorian e tifozëve të Barcelonës, pasi mbrojtësi Pique ka lajmëruar se do jetë hera e fundit që vesh fanellën e katalanasve pas një karriere të gjatë me 36 trofe.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Rama në Forumin e Davosit: Turizmi, kali ynë i betejës! Po angazhojmë arkitektë nga mbarë bota, këtu do ketë projekte që nuk i gjen në rajonin tonë

Rama në Forumin e Davosit: Turizmi, kali ynë i betejës! Po angazhojmë arkitektë nga mbarë bota, këtu do ketë projekte që nuk i gjen në rajonin tonë

22 Janar, 14:57