“Lulet e Pranverës”/ Ambasadori italian: Të kënaqur nga bashkëpunimi me autoritetet shqiptare

“Lulet e Pranverës”/ Ambasadori italian: Të kënaqur nga bashkëpunimi me autoritetet shqiptare

Ambasada italiane në Tiranë ka reaguar lidhur me operacionin "Lulet e Pranverës" që vuri sot në pranga 20 persona në Shqipëri dhe Itali.

Operacioni u zhvillua në bashkëpunim mes forcave policore të dy shteteve, ndërsa në pranga ranë 11 persona në Itali dhe 6 persona në Shqipëri. 7 të tjerë janë në kërkim.

Ambasada është shprehur e kënaqur lidhur me rezultatet e arritura nga ky operacion që ka zgjaur thuajse dy vite.

Personat e arrestuar dhe ata në kërkim ishin anëtarë të katër grupeve të veçanta kriminale italo-shqiptare, baza operative e të cilave ndodhej në Lecce me degëzime në qarqe të tjera të Italisë.

Ata  merreshin me trafik ndërkombëtar të lëndëve narkotike dhe mbajtje dhe futje në territorin kombëtar të armëve dhe municioneve luftarake.

"Arrestimet e kësaj mbrëmjeje janë një rezultat i rëndësishëm i arritur falë punës së përbashkët të kryer nga Skuadra e parë Hetimore e Përbashkët që i ka mundësuar magjistraturës dhe policisë italiane dhe asaj shqiptare të punojnë së bashku. Fuqizimi i bashkëpunimit dypalësh dhe atij ndërkombëtar rezulton të jetë mjeti më efikas në arritjen e këtyre rezultateve", ka deklaruar ambasadori italian në Tiranë Alberto Cutillo.

Mediat italiane raportuan që në orët e para të mëngjesit të sotëm se ishin më shumë se 100 karabinierë të komandës rajonale të Lecces dhe Guardia di financës që u angazhuan në një operacion të madh antidrogë.

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

VIDEO/ Copëz pranvere çelur mes malesh në Bogë

VIDEO/ Copëz pranvere çelur mes malesh në Bogë