Lulgjuraj dhe Sejko në Suedi,
nisin përgatitjet për “Eurovizion”

Këngëtarët Adrian Lulgjuraj dhe Bledar Sejko, të cilët do të përfaqësojnë Shqipërinë në edicionin e radhës të “Eurovizion” ndodhen në Suedi për të regjistruar versionin final të këngës “Identitet”.



Ky lajm është konfirmuar nga menaxherja e Adrian Lulgjuraj, Lola Cerku, e cila është shprehur se së bashku me Lulgjuraj dhe Sejkon është edhe kompozitori Shpëtim Saraçi.



Ata pritet të qëndrojnë disa ditë në Suedi, në studion muzikore “Kingside music” në Stokholm, ku do të vijojnë punën për të përfundimin e materialit muzikor me të cilin do të jenë pjesë e Eurovizionit në Malmo.

(xh.k/shqiptarja.com)