Regjisori Altin Basha ka realizuar disa skeçe të paharrueshme, gjatë shumë viteve që ka drejtuar emisionin e humorit, “Portokalli”. Lulzim Basha, ndoshta ngaqë ka të njëjtin mbiemër - nuk ka lidhje farefisnore me të - po mundohet ta imitojë regjisorin e talentuar kohët e fundit.
Para ca javësh, Lulzim Basha realizoi skeçin “Babale”, ku personazhet kryesorë i ngjanin dy personazheve të “Portokallisë” – “drejtorit” dhe “kapos”. Pas shfaqjes së atij skeçi në të gjitha televizionet, Lulzim Basha i bëri thirrje popullit opozitar të mblidhej për protestë në bulevardin “Dëshmorët e Kombit”. Por shumë pak opozitarë i dolën në protestë (dhe nga ata që dolën, gjysma iu fshehën diellit të fortë nën hijen e pishave)…
Së fundmi, Lulzim Basha realizoi skeçin “Toyota Yaris”, ku luajti vetë rolin e “policit” të “Portokallisë”. Duke dekonspiruar një aksion policor ndërkombëtar, ai ose luajti rolin e budallait (që donte të përfitonte politikisht nga një informacion konfidencial), ose luajti rolin e shejtan-budallait (që donte të paralajmëronte bandën transportuese të parave ilegale, të fshehura në një veturë Toyota Yaris).
Dhe pas këtij skeçi të fundit, Lulzim Basha po i bën përsëri thirrje popullit opozitar të mblidhet për protestë në bulevardin “Dëshmorët e Kombit”. Por gjasat janë që, edhe nëse i vijnë disa opozitarë në protestë, do të fshihen përsëri nga dielli i korrikut, nën hijen e pishave…
Pasi mori udhëheqjen e koalicionit opozitar (që kishte marrë 680 mijë vota në 2013-ën), Lulzim Basha e katandisi në një koalicion me 460 mijë vota (në 2017-ën). Dhe, nga dëshpërimi, tani po përpiqet të përdorë teknikat regjisoriale të Altin Bashës, për të fituar pikë në opinion. Por me skeçe alla “Portokalli”, nuk udhëhiqet opozita.
Opozita ka nevojë për një udhëheqës apo udhëheqëse konsekuente, që kritikon vazhdimisht qeverinë (dhe vend për kritika ka me pashë), që ofron zgjidhje për problemet e vendit (të ndryshme nga ato të qeverisë), dhe që identifikohet lehtë nga votuesit opozitarë si njeri me përkatësi politike/ideologjike të ngjashme me ta.
Qysh kur bëri marrëveshjen me Ramën, në majin e 2017-ës, Basha ka oshiluar nga detanta me qeverinë, te sulmet ndaj saj. Para zgjedhjeve të 2017-ës, u fol shumë për një koalicion të madh paszgjedhor mes PS-së dhe PD-së. Kjo nisur nga fushata e butë elektorale e Bashës, e cila shigjetonte kryesisht LSI-në dhe PDIU-në dhe fare pak PS-në. Ndërsa në ditët e sotme, një nga njerëzit më të afërt të Bashës, hodhi përsëri në qarkullim idenë e një koalicioni të madh, që duhet ta qeverisë Shqipërinë deri në fillimin e negociatave me BE-në.
Siç duket, këto oshilacione e kanë bërë Astrit Patozin të theksojë publikisht në mënyrë të vazhdueshme, se marrëveshja Rama-Basha e 17 majit, mbetet në fuqi. Sipas tij, Basha dhe njerëzit përreth, përfitojnë nga llokmat që u jep Rama, sa herë që miratohet ndonjë koncesion ose sa herë që miratohet ndonjë qiellgërvishtës i ri në Tiranë.
Në fakt, të bën përshtypje pse PD-ja e Bashës nuk e ka shigjetuar kompaninë koncesionare të mirëmbajtjes së “Rrugës së Kombit”, pavarësisht se qytetarët e Kukësit i vunë flakën investimit të saj në hyrje të tunelit të Kalimashit. Më tej, të bën përshtypje pse PD-ja e Bashës nuk e ka shigjetuar qiellgërvishtësin më të madh në Tiranë, që po e ndërton pikërisht kompania e mësipërme, te parku “7 xhuxhat”; ose kullat që ajo do të ndërtojë pas ish-Sheratonit; ose qiellgërvishtësin që do të ndërtojë një kompani tjetër, mu në mes të Tiranës.
Për ta ringritur koalicionin e djathtë (të paktën aty ku e la Berisha, te 680 mijë votat), Bashës i duhen edhe 220 mijë vota ( krahasimisht me vetëm 460 mijë votat që mori më 2017). Por prapë, edhe sikur - një sikur i madh ky - t’i rikuperojë ato 220 mijë vota, nuk do t’i mjaftojnë për ta risjellë PD-në në pushtet.
Ndoshta, zgjidhja më shpresëdhënëse për PD-në është zëvendësimi i Bashës me një udhëheqës apo udhëheqëse tjetër…!/AFP/
Lajme të tjera
-
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
'Repolitix'/ Zaloshnja dakord me mbylljen e TikTok dhe Snapchat: U krijua nga Kina për të krijuar kaos në perëndim! Sefa: Jam për vendosjen e filtrave
20 Nëntor, 21:50 -
Sondazhi i Report Tv/ PS merr 9 mandate dhe PD me 5 deputetë në Qarkun e Elbasanit
20 Nëntor, 21:11 -
Basha për situatën në vend: Kryeministri me fjalor ‘Noc Rroku’ mbushi Parlamentin me Çyrbet e tij, antimodeli i një shoqërie ku ka pllakosur dhuna dhe arroganca!
20 Nëntor, 15:16 -
Eduard Zaloshnja: Rreth 800 mijë banorë të rritur me prejardhje nga familje ish-të persekutuara para një dekade, po sot?
20 Nëntor, 13:32
-
Krimet në vend, Basha: Pasqyrë e degradimit të sigurisë, Rama erdhi në pushtet me mbështetjen e krimit
19 Nëntor, 15:22 -
Bonuset për pensionistët, Basha: Lëmosh elektorale për të fshehur dështimin me pensionet e qeverisë më të korruptuar në Europë
18 Nëntor, 12:55 -
Eduard Zaloshnja: Tavani elektoral i Berishës, i PD-së, dhe i partive të reja deri më sot
16 Nëntor, 12:33
-
Fondet e BE-së për bujqësinë, Basha: Korrupsioni dëmtoi fermerët! Programi i Demokratëve Euroatlantikë me subvencione të drejtpërdrejta
16 Nëntor, 11:30 -
Eduard Zaloshnja: Vetëm 40.6% të kënaqur me qeverinë, por vetëm 32.4% votojnë sot për PD-në
15 Nëntor, 14:40
-
Basha zbulon programin në Federatën Globale për Konkurrueshmëri: Taksë e sheshtë 9%, trajnime për 25 mijë të rinj, investime në teknologji dhe Inteligjencën Artificiale
12 Nëntor, 15:20 -
'Dy qëndrimet e Ramës për reformën në drejtësi', Basha poston videon: Bashkë me Berishën po bëjnë gjithçka për të goditur SPAK
11 Nëntor, 22:37
