POP 5

Lajmet më të lexuara të 5 minutave të fundit

Politikë

Basha nxjerr në terren Bardhin për Reformën Territoriale, kryetarët e degëve me tone të ashpra: Dil vetë në bazë të kuptosh krizën e demokratëve

Ndërsa Berisha përsëriti sot nga Kavaja se do të rikthehet në krye të PD, krerët e degëve me tone të ashpra i kërkuan Bashës të zbrezë në terren e të shohë nga afër krizën e demokratëve. Basha ndërkohë ka angazhuar Gazmend Bardhin të mbledhë propozime për reformën territoriale.

TIRANË- ‘Dil në bazë e shih krizën e demokratëve’. Kjo është kërkesa me tone të ashpra e kryetarëve të degëve të PD që për 3 orë rresht kanë diskutuar mes debatesh lidhur me situatën në parti, ku 'Foltorja' e Berishës ka shkaktuar përçarje më shumë se kurrë.

Gazetarja e Report Tv, Danjela Maloku ka mësuar ky irritim i krerëve të degëve erdhi pasi Lulzim Basha në mbledhjen e sotme tha se do të nxirrte në terren Sekretarin e Përgjithshëm, Gazment Bardhi për të marrë propozime për Reformën Territoriale, një nga betejat më të forta të opozitës në Kuvend. Fakti që kryedemokrati nuk zbret në terren personalisht, nuk është pranuar nga krerët e degëve, të cilët njëzëri kanë thënë se "nuk mund të vazhdohet më kështu", dhe se duhet gjetur një zgjidhje emergjente në një kohë kur demokratët janë të ndarë në "të Berishës" dhe të Bashës". 

"Kështu nuk mund të shkojë partia, po ngrordh demokracia",

" Nuk mund të vazhdojmë kështu, duhet zgjidhje", 

"Dil vetë në bazë të kuptosh krizën e demokratëve ", mësohet të ketë thënë Anton Pjetërnikaj i Paskuqanit,  Dash Aliko i Gjirokastrës dhe Isuf Çelaj i Tropojës në mbledhje.

Mbështetjen e 95% të demokratëve, siç e ka thënë se e ka, Lulzim Basha duket se nuk ka zgjedhur që ta testojë as kur vjen fjala te Reforma Territoriale dhe as në këtë mbledhje, nuk arriti që t'i shpëtojë "hijes" së Sali Berishës, aq më tepër kur ky i fundit sot ka shpallur zyrtarisht kandidaturën për kreun e PD-së. Megjithatë, përtej presionit që po i vjen nga Sali Berisha, i shpallur 'Non Grata', Basha ka qëndruar i palëkundur dhe ua ka përsëritur edhe krerëve të degëve, se për interesat e paraardhësit të tij, nuk do e bunkerizojë PD-në.

“Nuk e bunkerizoj Partinë Demokratike për interesat e një personi. Në PD nuk do të ketë institucione paralele. Armiku jonë i vetëm është Edi Rama”, u ka thënë Basha.

Në mbledhje kanë munguar disa kryetarë degësh, kjo sepse nga sa ka arritur që të mësojë Report Tv, takimi është njoftuar 6 orë përpara, në një kohë që duhet të informoheshin 24 orë përpara.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Mala: 27/10/2021 09:13

    PD-ja nese mendon te rindertohet aset subjekt politike e komebtar,duhet te rindertohet me kuadro te reja e progam te ri.Kurresesi me kuadrot qe ishin e demtuan e shkaterruan dhe e sollen deri ne kete pozite.Nga PD apo ne PD eshte mire te mos mbeten e mos zgjidhen kuadrote e vjetra te mentalitetit primitiv tradiciona nga Salihu dhe nxenesit e tij mes tyre as Basha.Andaj, anetaresia e pD nuk du het rrestuar as pas Salihu hiq e hiq,Por as pas Bashes.ka PD kuadro te reja zgjidhni nga ata dhe mbetesni ne aset politik e kombetar shqiptar.Me Salihu jo se jo! Por as me Bashen hiq!

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Abuzimi me 2 tenderët e naftës, GJKKO dënon me 1 vit burg ish-prefektin e Kukësit, Granit Gjana! I konvertohet në 2 vite shërbim prove

Abuzimi me 2 tenderët e naftës, GJKKO dënon me 1 vit burg ish-prefektin e Kukësit, Granit Gjana! I konvertohet në 2 vite shërbim prove

27 Nëntor, 16:32