'Lumenj droge' në Foggia të Italisë! 20 arrestime! Shkatërrohet organizata kriminale! Drejtohej nga një shqiptar dhe një italian

ITALI- "Lumenj droge" u zbuluan në aksin Foggia - Potenza, ku u shkatërrua një organizatë kriminale e destinuar për tregtimin e drogës e cila drejtohej nga një italian, Enrico Caputo dhe një shqiptar, Ardit Ismaili.

Operacioni për shkatërrimin e bandës  u zhvillua në orët e para të mëngjesit të së premtes nën drejtimin e Drejtorisë së Antimafias së Qarkut Potenzë, ku 22 persona janë shoqëruar, njëmbëdhjetë prej të cilëve janë lënë në burg, katër në arrest shtëpie dhe një i është ndaluar qëndrimi në Rajonet Pulia dhe Basilicata  si dhe kanë detyrimin e përditshëm të paraqitjes në Polici.

Hetimet bënë të mundur grumbullimin e pistave serioze në lidhje me ekzistencën dhe funksionimin, në Melfi dhe në të gjithë zonën Vulture-Melfese, të një organizate të përhershme të dedikuar për trafikun e drogës.

Organizata kishte dy drejtues,  një italian dhe një shqiptar, të cilët kishin mjete që përdoreshin për transportin dhe fshehjen e drogës dhe furnizonin me marjuanë dhe kokainë sheshet dhe jo vetëm  të provincës së Foggias.

Për më tepër, organizata ishte e përhapur dhe në vende të ndryshme dhe ambiente të fshehta, të vëna në dispozicion të bashkëpunëtorëve, për ruajtje pas aktiviteteve të furnizimit me karburant dhe ishte e pajisur me disa persona të posaçëm, të ngarkuar me detyrën për gjetjen e klientëve dhe shitjet me pakicë, të ardhurat e të cilëve u riinvestuan menjëherë më pas.

Hetimet u realizuan përmes përgjimeve telefonike dhe mjedisore, vëzhgimit, kontrolleve tradicionale, ashtu edhe nëpërmjet përdorimit të kamerave. Ato zbuluan gjithashtu të dhëna serioze në lidhje me disponueshmërinë e 3 armëve kallashnikovë.

S.C/Shqiptarja.com

TAG:
• itali
• Ardit Ismaili
• Enrico Caputo
• trafik droge