LUSHNJË- Efektivët e komisariatit të Lushnjës kanë arrestuar Yqmet Pepën për armëmbajtje pa leje. Fillimisht mësohet se Pepa ishte ndaluar nga blutë e Lushnjës për dhunë në familje, por pas kontrollit që policia ka bërë në banesën e tij ka gjetur edhe një armë zjarri pa leje, e tipit pushkë.

Tashmë Pepa ndodhet në ambientet e paraburgimit të Lushnjës ku do të presë edhe vendimin e gjykatës për masën e arrestit deri në vendimin përfundimtar për dënimin e tij.
 
Redaksia Online
(a.h/shqiptarja.com)