POP 5

Lajmet më të lexuara të 5 minutave të fundit

Kronikë

Lushnjë, rrezikohen 280 të
sëmurë me talasemi, nuk ka gjak

Banka e Gjakut në Lushnjë jep alarmin se gjendet në një situatë krize. Mjekët apelojnë për dhurim gjaku, pasi 280 të sëmurë talasemikë rrezikojnë jetën, në mungesë të sasisë së gjakut.
LUSHNJE- Rreth 280 të sëmurë me talasemi që trajtohen në Bankën Rajonale të Gjakut në Lushnjë, prej disa javësh kanë hasur në vështirësi pasi nuk po kryejnë transfuzionet e gjakut. Shkak është bërë mungesa e lëngut jetik, pasi mungojnë fondet për pagesat e dhuruesve të gjakut me pagesë.
 
Duke qenë se dhuruesit vullnetarë dhe familjarët e të sëmurëve nuk mund t’i mbulojnë të gjitha kërkesat, Banka e Gjakut në Lushnjë siguron një pjesë të nevojave me anë të dhuruesve me pagesë.
 
Drejtuesit e kësaj Banke kanë kërkuar nga buxheti i shtetit një shumë prej 4 milionë lekësh të vjetra, për pagesën e 100 flakonëve me gjak që kërkohen për të plotësuar nevojat e Bankës.
 
Drejtori i Bankës së Gjakut në Lushnjë, Mehmet Xhindole, shprehet se periudha e verës ka krijuar gjithmonë probleme me furnizimin e Bankës me gjak. Ai ka kërkuar që kjo situatë të zgjidhet sa më shpejt, pasi kemi të bëjmë me jetë njerëzish, të cilët nuk mund të presin çeljen e fondeve për të kryer transfuzionet e gjakut.
 
Në këtë Bankë trajtohen me transfuzione gjaku çdo tre javë 280 të sëmurë thalasemikë, jo vetëm nga Lushnja, por edhe nga Fieri, Kuçova dhe Berati.

Redaksia Online
(e.s/shqiptarja.com)

/Shqiptarja.com
  • Sondazhi i ditës: 18 Janar, 08:40

    A duhen bërë publik emrat e politikaneve që kanë përdorur Sky Ecc?

Lajme të tjera



×

Lajmi i fundit

Çfarë ndodhi!? Loredana largohet me urgjencë nga shtëpia e Big Brother

Çfarë ndodhi!? Loredana largohet me urgjencë nga shtëpia e Big Brother

18 Janar, 19:17