Lushnje - 29 vjecari M.H. banues në fshatin Shënepremte të rrethit te Lushnjes, ka humbur jetën te mërkurën në spitalin e këtij qyteti. Megjithë ndihmën e specializuar mjeksore, ai nuk ka mundur të mbijetojë si pasojë e plagëve të marra  gjatë një aksidenti automobilistik.
Sipas burimeve të policise,  29 vjecari është goditur nga një foristradë tip "Land Rover", drejtuesi i së cilës jo vetëm nuk i ka dhënë asnjë ndihmë për t'i shpëtuar jetën viktimës, por është larguar nga vendngjarja për të fshehur gjurmët e krimit.
"Grupi hetimor kreu veprimet e para,  u ngritën postoblloqe  për  identifikimin e mjetit, u bënë verifikimet  per  mjetet e ngjashme  me  mjetin e dyshuar, si dhe u morën deklarimet e  disa personave  që kanë  dijeni për ngjarjen", u shpreh zëdhënësja e policisë se Fierit, Enkeleda Allkanjari. /ATSH/