Ilir Meta mund të ishte sot duke dhënë mësim në fakultet, por ende pa mbaruar studimet në dhjetor të 90-tës, vendosi t'i futej rrugës se politikës për të kapur, si rrallë kush brenda tri dekadash, majat e profesionit të dytë me të vjetër në botë, politikës, si ministër, Kryeministër, Kryetar Parlamenti dhe President Republike.
Sot (dje, 21 Tetor), ai u arrestua rrëmbyeshëm me akuzat për pastrim parash, mos deklarim pasurie dhe korrupsion. Bashkëshortja e tij dhe bashkëudhëtarja politike deri para pak muajsh, hetohet në gjendje të lirë.
Akuza do duhet të provoje në gjykatë se "çfarë ka marrë Meta", ndërkohë historia do të vlerësojë edhe çfarë ka dhënë ai në këto 30 vite.
I vetëbërë në politikë, Meta u bë Kryeministri me i ri i tranzicionit, në moshën 29-vjeçare. I vlerësuar si kryeministër i suksesshëm me 1999-2001, Meta synoi shumë shpejt gjithçka. Dha dorëheqjen pas përplasjeve me kryetarin e PS-së Nano dhe u nxitua të krijonte LSI- në, më 2004. Nëse do të kishte përvojën e durimit strategjik, një vit me pas ai mund të ishte kryetari i natyrshëm i PS-së.
Me LSI-në, Meta arriti të thyejë përkohësisht dypolin PS-PD.
Forca e krijuar prej tij bëri të mundur rotacionin më 2005 dhe 2013.
Aleanca me PS-në, më 2013 i dhuroi pushtet për herë të dytë LSI-së, pas 4-vjeçarit me PD-në. Aleanca me Ramën është dhe fillimi i fundit të LSI-se.
Kur partia e krijuar prej tij nuk mundi të luante rolin e “king maker”, mbeti vetë “king”.
Katër vjet kryetar Parlamenti dhe 5 vjet President i Republikës ishin dhe majat e pushtetit personal të Metës. Nga lartësia e kreut të shtetit ai përballoi dy "impeachment" nga shumica që e zgjodhi, por pa edhe rrudhjen e LSI-së që u mundua ta ripërtërijë, pas mandatit presidencial (2017-2022) duke e riformatuar si Partia e Lirisë.
“Pushteti lodh ata që nuk e kanë”! Lëre pastaj ata që e kanë! Kjo maksimë u provua me Metën dhe partinë e tij.
Akuzat për korrupsion, përballjet në vite me prokurorët, paranoja që sjell, për cilindoqoftë, pushteti i gjatë, retorika e pakontrolluar, i sollën kosto politike, familjare dhe së fundmi, edhe ligjore.
Në gjykatë Meta do të ballafaqohet me një hetim pesë vjeçar të SPAK për pastrim parash, mosdeklarim pasurie dhe korrupsion.
Meta sot po përjeton një nga episodet më të errëta të karrierës së tij. Ashtu siç historia do të tregojë çfarë ai ka dhënë për politikën shqiptare dhe për vendin, drejtësia do të tregojë se çfarë ka marrë prej tyre. Tani, beteja e radhës e Metës është me drejtësinë që mund të vendosë epilogun e një karriere të mbushur me kontradikta. Në politikë ai ka vërtetuar thënien se mund të vdesë disa herë! /Marrë nga faqja në Facebook e Lutfi Dervishit/
Komente
Lajme të tjera
-
Kosova dhe Shqipëria me ekipe të përbashkëta hetimore, Dumani dhe Isufaj firmosin marrëveshjen
24 Dhjetor, 12:52 -
I kallëzuar për 'shpërdorim detyre', shkarkoi drejtorin e UKSH në 2022! Ish-kryebashkiaku i PD në Shkodër, Bardh Spahia 1 orë në SPAK: S'ka lidhje me krimin, as korrupsionin (VIDEO)
24 Dhjetor, 09:54 -
Tjetërsimi i 66 mijë m2 tokë te Rana e Hedhun, Apeli i GJKKO dyfishon dënimin për ish-kryebashkiakun Frrokaj! Do kthehet në qeli, do vuajë 2,8 vite burg (VENDIMI)
23 Dhjetor, 14:15 -
Koncesioni i sterilizimit/ SPAK pranon kërkesën e GJKKO, rëndon akuzat për Beqajn, Rjepajn e Rrapajn! Avokatët kërkojnë kohë
23 Dhjetor, 10:59
-
Tiranë/ Akuzohet nga SPAK për deklarim të rremë, shtyhet përsëri seanca paraprake në GJKKO për Asllan Dogjanin! Solli raport mjekësor
23 Dhjetor, 10:13
-
Tiranë/ Për të dytën herë SPAK kërkon pushimin e çështjes për Selim Çekajn, akuza për përfshirje në trafik droge nuk vërtetohet! Gjykata shtyn vendimin
23 Dhjetor, 10:07
-
Simon Hadaj: Çfarë di Dumani që e tmerron Sali Berishën?
22 Dhjetor, 18:11
-
Mero Baze: Pse Flamur Noka po betohet se 'nuk merret peng'?
21 Dhjetor, 20:38
-
Ilir Yzeiri: Teksti i Edi Ramës dhe fshati i madh shqiptar
21 Dhjetor, 19:45
-
Ylli Pata: Pse Berisha zgjodhi të bllokojë rrugët para Krishtlindjeve?
21 Dhjetor, 18:24
-
'Djathtas 1912' partia e parë që deklaron votën: Jemi pro zgjatjes së mandateve të prokurorëve të SPAK! 70% e qytetarëve e mbështesin, i vetmi që lufton korrupsionin
21 Dhjetor, 18:00 -
Ish-gjyqtarja Fetahu i kërkon nga qelia Gjykatës së Lartë rrëzimin e masës ‘arrest në shtëpi’ të vendosur ndaj saj në gusht
21 Dhjetor, 17:27
o Lyfti pervecse ka vjedhur, s ite gjithe politikanet, por ky ca me shume asgje si ka dhene ketij vendi. Kujto kohen kur ishte presidnet edhe qe u shnderruane nje deficent. Ben mire qe kur te shkruash te thellohesh ca me shume
Përgjigju