Më pak gaz nga elektroshtëpiaket
arrihet marrëveshja 'monumentale'

Mbi 150 vende kanë arritur një marrëveshje të cilësuar si “monumentale” për të reduktuar gradualisht gazrat që shkaktojnë ngrohjen globale.

Marrëveshja ka të bëjë me gazrat që lëshohen nga përdorimi i mjeteve elektro-shtëpiake si frigoriferë dhe ajër i kondicionuar. 

Delegatët të mbledhur në Ruanda pranuan një amendament që parashikon reduktimin e gazrave nga vendet e zhvilluara duke filluar nga viti 2019.

 “Është një hap monumental përpara, që u jep zgjidhje nevojave individuale të vendeve, por që na jep neve mundësinë për të reduktuar ngrohjen e planetit”, deklaroi sekretari i shtetit amerikan John Kerry.

Marrëveshja e re parashikon tre rrugë që duhen ndjekur nga vende të ndryshme. Kështu, vendet me ekonomi të zhvilluar, si ato të Bashkimit Europian dhe Shtetet e Bashkuara, do të fillojnë ta kufizojnë përdorimin e gazrave brenda pak vitesh dhe nga 2019-a duhet ta çojnë këtë reduktim në 10 për qind. 

Redaksia online
(E.M/Shqiptarja.com)