Macron viziton Algjerinë por refuzon të kërkojë falje për kolonializmin francez: Nuk më takon mua ta them këtë

Macron viziton Algjerinë por refuzon të kërkojë falje për kolonializmin francez: Nuk më takon mua ta them këtë

Presidenti francez, Emanuel Macron dhe homologu i tij algjerian, Abdelmajid Tebboune

Presidenti Emmanuel Macron ka deklaruar se nuk do të kërkojë falje nga Algjeria për kolonizimin francez, por shpreson të vazhdojë të punojë drejt pajtimit me homologun e tij, Abdelmajid Tebboune.

“Nuk më takon mua të kërkoj falje, nuk bëhet fjalë për këtë, ajo fjalë do të prishte të gjitha lidhjet tona. Puna mbi kujtesën dhe historinë nuk është një zgjidhje e të gjitha llogarive”, tha ai në një intervistë për revistën Le Point, botuar ditën e djeshme.

Ai tha se shpresonte se presidenti i Algjerisë do të mund të vizitonte Francën gjatë vitit 2023 për të vazhduar punën e tyre në ndërtimin e marrëdhënieve të miqësisë së mëtejshme mes dy vendeve.

Por fjala e Macron është kritikuar shumë në media dhe rrjetet sociale. Analistët e kanë konsideruar si një hap para vizitën e Macron në Algjeri por 10 hapa prapa për deklaratën e tij ku refuzonte të kërkonte falje për kolonializmin francez.

Kolonizimi 100-vjeçar i Francës i Algjerisë dhe lufta e luftuar egërsisht e viteve 1954-62 për pavarësi kanë lënë plagë të thella, të cilat Macron i ka nxitur dhe qetësuar gjatë karrierës së tij politike. Në vitin 2017, kandidati i atëhershëm presidencial Macron e quajti pushtimin francez një "krim kundër njerëzimit".

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Doja t'i ngjaja tim eti', Alban Hoxha: Karrierën s'e kam nisur në portë, kam bërë gola

'Doja t'i ngjaja tim eti', Alban Hoxha: Karrierën s'e kam nisur në portë, kam bërë gola