POP 5

Lajmet më të lexuara të 5 minutave të fundit

Sociale

Magji në Lagunën e Karavastasë! Flamingot dhe Lejleku i zi 'thyejnë' karantinën, shumohet pelikani kaçurrel si në vitin 1981 (VIDEO)

Rreth 2000 flamingo kanë vizituar bregdetin e Divjakës të shpërndarë në disa grupe. Drejtori i parkut të Divjakës Ardian Koçi thotë që nga 1981 edhe pelikani kaçurrel nuk ka qenë kaq shumë në numër. Si dhe pas shumë viteve në lagunën e Karavastasë është parë edhe Lejleku i zi.

Divjaka ashtu si çdo vend tjetër është në karantinë për shkak të situatës nga koronavirusi, por disa vizitorë e kanë thyer karantinën. Ata janë flamingot të cilët janë të shpërndarë në lagunën e karavastasë grupe-grupe. Drejtori i Parkut të Divjakës thotë se rreth 2000 flamingo janë në lagunën e Karavastasë të shpërndarë.

"Çdo gjë e keqe mesa duket e ka një të mirë", izolimi i njerëzve nga COVID-19, duket se ka gjallëruar natyrën. Krahas detit, gjelbërimit dhe bukurisë së karavastasë, Divjakës i janë shtuar edhe vizitorë të rinj. Pas shumë viteve është parë në bregdetin e Divjakës edhe Lejleku i zi, një shpend shtegtar, i cili ka vendosur të shijojë bukuritë dhe kushtet që ofron Divjaka në këtë kohë.

Fauna ka shpërthyer si asnjëherë më parë. Ardian Koçi tregon që nga 1981 edhe pelikani kaçurrel nuk ka qenë kaq shumë në numër. Gjatë kësaj periudhe janë rreth 85 çifte pelikanësh të cilët do shtojnë këtë lloj me të vegjlit e tyre. Edhe kolonia e çafkave ka filluar riprodhimin një muaj më parë nga koha e zakonshme.

Pamjet që të ofron Divjaka sot, janë një kompleks ngjyrash, ku t'i humb mes bukurisë së detit, pemëve, lagunës dhe gjallesave që janë vizitorët e vetëm në këtë zonë. Por deri në kalimin e COVID-19 do na duhet të shijojmë vetëm pamjet që kemi siguruar nga Divjaka. Deri sa të mundemi që të shohim nga afër këtë perlë të natyrës.

/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kafsha: 25/04/2020 21:43

    Ishalla vazhdon korona nja 100 vjet qe të riperterihet Zonja e Madhe

    Përgjigju
  • Erionsula: 25/04/2020 21:07

    Ja sa t lirohen nga karantina I grin shqiptaret prap, I zhdukin , s do lejn as harabela n kom

    Përgjigju
  • Timi.: 25/04/2020 18:47

    Nje BRAVO te madhe, kjo tregon qe kur ka vullnet mund te behen gjera qe kur i shikon ndihesh mire.

    Përgjigju
  • Populli: 25/04/2020 17:44

    Duhet menduar dhe per natyren..

    Përgjigju
  • Erik: 25/04/2020 16:47

    Bukur shume, te pakten flora dhe fauna po ia sheh hajrin kesaj pandemie.

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Fier/ 16- vjeçarja vetplagoset me armë zjarri, ende nuk dihet shkaku

Fier/ 16- vjeçarja vetplagoset me armë zjarri, ende nuk dihet shkaku

4 Nëntor, 18:59