Receta

Makarona me thjerrza nga zonja Vjollca

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08 : 45 – 10 : 00

Redaksia 23 Mars 2021, 10:34 | Përditesimi: 23 Mars 2021, 10:36

Makarona me thjerrza

Përbërësit:

320 gr makarona ( të shkurtra)

LEXO EDHE:
Tavë me lakër arme dhe kimë nga zonja Albana

1 qepë

1 degë selino

1 karrotë

80 gr pançetë të tymosur

1 thelpi hudhër

1 gotë thjerrza

pak spec pikant

1 filxhan çaj pure domate

trumz dhe rozmarinë ( e freskët)

1 lëng perimesh

2 lugë gjelle parmixhano I grirë

pak vaj ulliri

kripë dhe piper të zi

Përgatitja:

Në një tenxhere kemi përgatitur 1 litër lëng perimesh. Vendosim në zjarr një tenxhere ku ngrohim vajin e ullirit dhe shtojmë në të qepën, karrotën, selinon të gjitha këto të prera në kubikë të vegjël dhe 1 thelpi hudhër të plotë I kurdisim për 5 minuta duke I shtuar herë pas here nga pak lëng perimesh me qëllim që të zbuten perimet.

Shtojmë pançetën në kubikë dhe vazhdojmë kaurdisjen dhe shtojmë në tenxhere thjerrzat, 1 majë luge spec pikant të copëtuara, purenë e domates, erzat, trumzë dhe rozmarinë shtojmë lëngun e perimeve dhe mbulojmë tenxheren me kapak dhe lëmë thjerrzat të ziejnë për 30-40 minuta në temperaturë mesatare. më pas largojmë trumzën dhe rozmarinën. Pasi të jenë zjerë thjerrzat shtojmë makaronat gjithashtu shtojmë dhe lëng perimesh në një nivel me makaronat dhe I lëmë të ziejnë për 10 minuta të tjera, rregullojmë shijen me kripë, piper të zi, shtojmë parmixhanon e grirë dhe 1/2 garuzhdë lëng perimesh , vazhdojmë përzierjen duke krijuar lidhjen midis përbërësve të kësaj recete. Vendosim për gjysmë kapakun vetëm për 1 minutë dhe I shërbejmë menjëherë.

D.M./Shqiptarja.com

TAG: