SHKODËR - Një 76-vjeçare humbi jetën në mbrojtje të nipit të saj 8-vjeçar. E moshuara me inicialet H.M ndodhej në stacionin e autobusit në Bahçallëk të Shkodrës, kur drejt tyre ka ardhur një makinë. 76-vjeçarja ka tentuar të shpëtojë nipin duke i dalë atij mburojë, e për pasojë nuk i mbijetoi plagëve të marra nga goditja e makinës.
 
Nipi 8-vjeçar i të ndjerës dhe një vajzë e re 29-vjeçare e cila gjithashtu priste në stacion mbetën të plagosur lehtë dhe morën mjekim në spitalin Rajonal të Shkodrës.  
 
Ngjarja ndodhi mëngjesin e së dielës në segmentin rrugor Shkodër-Bushat. Gjithcka nisi me përplasjen e dy automjeteve Ford, njëri i drejtuar nga 63-vjeçari Gjon Gjergji nga Mirdita dhe tjetri nga 23-vjeçari Mateo Nonaj banues në Shkodër.

Përplasja e 2 mjeteve ka qenë e fortë duke bërë që Ford ii drejtuar nga 63-vjeçari të zvarritej disa metra duke goditur personat që ishin stacionin në anë të rrugës në pritje të urbanit. 

Policia arrestoi dy drejtuesit e makinave për shkelje të rregullave të qarkullimit rrugor, pasi dyshohet që shkak për aksidentin të jetë bërë shpejtësia tej normave me të cilën lëviznin automjetet.

aksident ne shkoder

aksident ne shkoder

aksident ne shkoder
 Foto të tjera..