Makina përplaset me autobusin, humbin jetën tragjikisht 5 të rinj të moshës nga 17-22 vjeç në Itali (FOTO)

Një aksident tragjik ka ndodhur në Itali në orët e vona të mbrëmjes në Rezzato, qytet në provincën e Brescias. Një makinë dhe një autobus janë përplasur, dhe për pasojë pesë të rinj kanë humbur jetën menjëherë në vendin e ngjarjes nga përplasja tragjike.

Sipas të dhënave paraprake të hetimeve, makina ku udhëtonin të rinjtë ka qenë në korsinë e gabuar dhe i ka dalë para autobusit, i cili po vinte në drejtim të kundërt. I plagosur lehtë shoferi i autobusit, tha se u gjend përpara makinës dhe nuk mundi të shmangte përplasjen. “Nuk kam mundur t'i shmang ato”.- ka thënë ai.

Viktimat ishin nga mosha 17-22 vjeç. Dennis Guerra , 20 vjeç nga Sabbio Chiese, El Harram Imad , gjithashtu 20 vjeç, nga Preseglie ; Natiq Imad , 20 vjeç, nga Pertica Bassa; Natiq Salà , 22 vjeç, nga Vestone dhe Irene Sala , 17 vjeç.

Zjarrfikësit punuam gjatë për të nxjerrë trupat e të pestëve nga makina plotësisht e thërrmuar. Për këtë arsye rruga provinciale 45 ka qëndruar e mbyllur për qarkullim gjatë gjithë natës. 

Pamje nga aksidenti

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A po dështon zgjedhja e Presidentit me konsensus?



×

Lajmi i fundit

John

Finalja e Conference League, trageti Durrës-Bari do të niset 5 orë me vonës, ja arsyeja