Edhe një ish-police në kërkim për grabitjen në Rinas, cili ishte roli i saj

Grupi i grabitësve në Rinas ka patur si pjesë të tij edhe një ish-efektive të Policisë së Shtetit. Edlira Bici ish-efektivja e patrullës së komisariatit Kombinat është bërë pjesë e grupit ku pasditen e 9 prillit 2019 çorientoi forcat e policisë që ishin në ndjekje.

Sipas informacioneve të siguruara nga Report Tv Bici ka lënë policinë në vitin 2019 dhe më 9 prill 2019, ajo është personi që ka djegur furgonin në Bathore, një furgon mercedez Benz Vito ngjyrë i bardhë, i ngjashëm me atë që u larguan me 7 thasë me para 4 të mbijetuarit. Kjo makine nuk kishte lidhje me grabitjen, por u dogj nga ana e ish-polices ne menyre qe koleget e saj te shperqendroheshin, teksa grabitesit largoheshin me nje tjeter automjet ne nje drejtim tjeter. 

Ndërkohë Bici është shpallur në kërkim por ende s'dihet se si ajo është bërë pjesë e grupit në të cilin ishte dhe Admir Murataj, Oltjon Veseli, Renald Sulaj, Saimir Cela, Klement dhe Eldi Cala.

Në kërkim në lidhje me grabitjen e ndodhur në aeroportin e Rinasit është edhe një tjetër ish-punonjës policie, Marenglen Hoxha, i cili dyshohet të ketë dhënë infromacion tek grabitësit për furgonet që transportonin paratë.

Deri më tani policia ka shpallur në kërkim gjithsej gjashtë persona të cilët dyshohet se kanë lidhje me këtë ngjarje një prej të cilëve dyshohet të ketë qenë një prej autorëve

1.Talo Çela, nga Elbasani, (dyshohet të jetë autor direkt në grabitje) pronar i vilës ngjitur me servisin ku u modifikua furgoni

2. Klement Çala 31 vjeç nga Elbasani, i shpallur në kërkim për grabitjet që në vitin 2015

3. Eldi Çala (ka blerë servisin në Karakullak ku u modifikua furgoni i grabitjes) - bashkëpunëtor, vëllai i Klement Çalës

4. Marenglen Hoxha, ish-punonjës policie (dyshohet të ketë dhënë infromacion tek grabitësit për furgonet që transportonin paratë)

6. Aleks Pepa nga Elbasani i shpallur në kërkim për grabitjen e parë brenda aeroportit në qershor 2016

6. Edlira Bici ish-efektive e patrullës së komisariatit Kombinat

Ndërkohë që janë arrestuar pesë persona dy prej të cilëve dyshohet se kanë qenë autorë

1. Oltion Veseli 38 vjeç nga Kruja (dyshohet autor i grabitjes)

2. Elton Pikli 40 vjeç nga Kruja (dyshohet autor i grabitjes, me profesion kasap)

3. Alkond Bengasi, 34 vjeç nga Elbasani (i penduar i drejtësisë, dyshohet bashkëpunëtor), me banim në Tiranë

4. Saimir Çela 28 vjeç nga Kajani i Elbasanit (bashkëpunëtor)

5. Renaldo Sula 25 vjeç nga Elbasani (bashkëpuëntor)

Në grabitjen e ndodhur në 9 Prill mbeti i vrarë gjatë një shkëmbimi zjarri me policinë Admir Murataj i cili dyshohet se ka qenë dhe organizator. Ai ishte arratisur në 2013 nga burgu grek dhe ishte në kërkim për dy grabitje të tjera në Shqipëri, në 2015 tek Stacioni i Trenit në Tiranë dhe 2017 në Qafë-Kashar.

/G.M./Shqiptarja.com

TAG:
• admir murataj
• grabitje me vdekje ne Rinas