POP 5

Lajmet më të lexuara të 5 minutave të fundit

Kronikë

Grabitja në Rinas/ Rrëfimi i të penduarit: Porosia nga vëllezërit Çala, takimi me Muratajn dhe 2 kosovarët (VIDEO)

REPORT TV zbardh dëshminë e Alkond Bengasit, të penduarit që pranoi që të bashkëpunonte me drejtësinë. Bengasi, personi që modifikoi furgonin e grabitjes është shprehur se kontaktin e parë dhe porosinë e ka pasur me dy kushërinjtë e tij, Klement dhe Eldi Çala.

REPORT TV zbardh dëshminë e plotë të Alkond Bengasit, të penduarit që pranoi që të bashkëpunonte me drejtësinë duke treguar emrat e grabitësve të miliona eurove në aeroportin e Rinasit në datë 9 prill. Bengasi është shprehur se kontaktin e parë dhe porosinë për modifikimin e makinës e ka pasur me dy kushërinjtë e tij, Klement dhe Eldi Çala. Ai ka treguar edhe takimin me kreun e grupit Admir Muratajt dhe kërkesën e tyre për të bërë modifikimin e furgonit më të cilin grabitën thasët me euro në Rinas.

"Fillimisht nuk pranova dhe nuk doja te largohesha nga Elbasani. Por duke qenë se unë punoja në një servis ata më kërkuan t'i shoqëroja në Kavajë ku do te merrnim një furgon. Pranova dhe shkuam te tek Shkëmbi i Kavajës. Aty na prisnin 3 persona për drekë. Një u prezantua si Admir Murataj, ndërsa dy të tjerët ishin nga Kosova. Një prej tyre e thërrisnin "daja" ndërsa tjetrin "Tani"
 

Alkond Bengasi

 Ai vijon më tej në dëshminë e tij duke deklaruar se pasi hëngrën dreke morëm furgonat, të cilët më pas i modifikoi. "Më vonë mësova se mjetet do të përdoreshin për grabitje" shtoi ai. Bengasi rrëfeu për hetuesit emrat e të përfshirëve dhe mënyrën se si furgoni u modifikua në Elbasan 2 muaj para goditjes në pistën e aeroportit të Rinasit. Me këtë rrëfim të marrë nga Bengasi ditën e premte kur ai është ndaluar në qytetin e Elbasanit, hetuesit shkuan më pas tek të arrestuarit e tjerë Oltjon Veseli, Renaldo Sula dhe Saimri Çela.

Deri tani për grabitjen në Rinas janë arrestuar pesë persona; Oltion Veseli dhe Elton Pikli, të dy nga Kruja dyshohet se janë autorë, ndërsa Alkond Bengasi (i penduar i drejtësisë), Saimir Çela dhe Renaldo Sula akuzohen si bashkëpunëtorë. Në kërkim janë; Talo Çela, Klement Çala, Eldi Çala, Marenglen Hoxha, ish-punonjës policie, Aleks Pepa dhe dy të tjerë, që sipas dashmisë së  Alkond Bengasit janë dy shqiptarët nga Kosova. Ndërkohë që koka e grupit, Admir Murataj nga Tropoja, i arratisur në 2013 nga burgu grek u vra gjatë shkëmbimit me policinë.

/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kafsha: 24/04/2019 14:41

    Forca policia, dërrmoji!

    Përgjigju
  • Amarilti: 24/04/2019 14:33

    O kont o legen kafshon doren qe t ushqen

    Përgjigju
    • moni: 24/04/2019 17:39

      Ajo dora e coi ne burg dhe nuk e ushqeu. Ky i shkreti ka marre ndonje lek te vogel per modifikimin e furgonit dhe tani po ben burg. Ky duhet ti kishte denoncuar qe para se te ndodhte. Ajo "dora" ja ka futur duke e perfshire ne kete histori.

    • Zamir: 24/04/2019 15:29

      Cilen dore more plehre, doren kriminale te hajduterise. U shofshi o fare e keqe se na nxite faqen ne sy te botes.

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Norvegji, autobusi me 60 pasagjerë del nga rruga dhe përfundon në liqen! 3 të vdekur

Norvegji, autobusi me 60 pasagjerë del nga rruga dhe përfundon në liqen! 3 të vdekur

26 Dhjetor, 16:28